Sakshi Sahil Delhi Murder Case : आजच्या क्राइम डायरी या आमच्या खास मालिकेत अशा एका हत्याकांडाबद्दल वाचणार आहोत ज्याने संपूर्ण देश हारवून सोडला आहे. एका तरुणाने भर रस्त्यामध्ये प्रेयसीला चाकूने भोसकून ठार केलं आणि यानंतर तो फरार झाला. मात्र, एका फोन कॉलने असे काही फासे पलटले की संपूर्ण मर्डर केस वाचून तुम्ही थक्क व्हाल.
हायलाइट्स:
- साक्षीच्या शरीरावर जखमांच्या ३४ खुणा…
- मावशीच्या एका फोनने संपूर्ण प्रकरणाचा उलगडा
- साहिलला फाशी व्हावी, साक्षीच्या कुटुंबाची मागणी
मावशीच्या एका फोनने संपूर्ण प्रकरणाचा उलगडा
दिल्लीच्या साक्षी हत्याकांडाने सगळ्यांनाच हादरवून सोडलं आहे. या गुन्ह्यातील आरोपी साहिल याला अखेर उत्तर प्रदेशमधील बुलंदशहर इथून अटक करण्यात आली आहे. साहिलने रविवारी १६ वर्षीय मैत्रीण साक्षीची चाकूने भोसकून हत्या केली. यानंतर आरोपी बुलंदशहर इथं मावशीच्या घरी लपून बसला होता. पोलिसांपासून वाचण्यासाठी त्याने आपला फोनही बंद केला होता. पण मावशीच्या एका फोनने संपूर्ण प्रकरणाचा उलगडा झाला आणि साक्षीच्या हत्येचं रहस्य उलगडलं.
Sakshi Murder Case: साक्षीचा एक्स बॉयफ्रेंड साहिलला भिडला, दिल्ली हत्याकांडाला नवं वळण; पोलीस हैराण
दिल्लीच्या शाहबाद डेअर परिसरामध्ये साहिलने साक्षीवर चाकूने सपासप वार करत तिला ठार केलं. यानंतर त्याने साक्षीला अनेकवेळा दगडानेही ठेचलं. या घटनेचं सीसीटीव्ही फुटेजही समोर आलं असून माध्यमांवर याचा व्हिडिओ व्हायरल झाला आहे. यात साहिल अगदी राक्षसाप्रमाणे साक्षीवर चाकूने वार करत आहेत. यानंतर तो घटनास्थळावरून पळून गेला.
हत्यारं लपवून पोलिसांना चकमा देण्याचा प्रयत्न…
अगदी निर्दयीपणे साक्षीची हत्या केल्यानंतर साहिल फरार झाला. त्याने त्याचा फोनही बंद केला आणि रिठाळा इथं गेला. तिथे त्याने खून करण्यासाठी वापरलेला चाकू फेकला. यानंतर तो बुलंदशहरला पळून गेला होता. पोलिसांना चकमा देण्यासाठी बुलंदशहर येथे जात असताना त्याने सराईत गुन्हेगाराप्रमाणे पोलिसांची दिशाभूल करण्यासाठी दोन बस बदलल्या.
Crime Diary: पोपटाने सोडवली मर्डर मिस्ट्री, पुरावे नसतानाही आरोपीला जन्मठेप; मिठ्ठूने कसं केलं हे?
साहिलने पोलीस चौकशीदरम्यान सांगितले की, साक्षीचे अजय नावाच्या तरुणाशी प्रेमसंबंध होते. अजयने त्याला साक्षीपासून लांब राहण्यास सांगितलं होतं. अजय साहिलला मारण्याच्या विचारात होता. जर अजय मला मारू शकतो तर मी का नाही. अजयमुळेच साक्षी माझ्यापासून दूर केली. म्हणून तो मला मारण्याआधी मीच तिला मारल्याचं साहिलने पोलिसांत सांगितलं.
दिल्ली पोलिसांच्या सूत्रांनी दिलेल्या माहितीनुसार, चौकशीदरम्यान, आरोपी साहिल हा अनेक कहाण्या सांगत आहे. तो वारंवार त्याचं म्हणणं बदलत आहे. पोलिसांनी सांगितलं की, साक्षी ही गेल्या काही दिवसांपासून अजय ऊर्फ झाब्रूशी मैत्रित होती. अजय हा तिच्या परिसरात अगदी भाईसारखा वावरायचा. घटनेच्या एक दिवस आधी साक्षीची मैत्रिण भावना आणि साक्षी स्वत: अजयला भेटली होती. इतकंच नाहीतर या तिघांचा साहिलसोबत वादही झाला होता. या वादामध्ये अजयने साहिलला साक्षीपासून दूर राहण्याची धमकी दिली होती.
Crime Diary: हत्येसाठी बायकोने दिली बंदूक, दोघांना लगेच केलं ठार; माजी नगरसेवकाचा थरारक खूनी खेळ
एका फोनने साहिलचं सगळं सत्य समोर…
एकीकडे साहिल हा पोलिसांच्या नजरेतून पळत होता तर दुसरीकडे साक्षीच्या मृत्यूची माहिती मिळताच पोलीस घटनास्थळी दाखल झाले. त्यांनी सीसीटीव्ही फुटेज ताब्यात घेत पुढचा तपास सुरू केला. यानंतर पोलीस मृत साक्षीच्या कुटुंबियांपर्यंत पोहोचले. जिथे हत्यारा साहिल असल्याची माहिती त्यांना मिळाली. यानंतर पोलिसांनी साहिलचं घर गाठलं. पण तिथे तो सापडला नाही. यानंतर पोलिसांनी सापळा रचला आणि त्याच्या घरावर नजर ठेवून होते. अशात साहिलच्या मावशीने साहिल घरी आला असल्याची माहिती त्याच्या वडिलांना दिली. या फोन कॉलद्वारे पोलिसांनी मावशीचं लोकशन शोधलं. पोलिसांचं पथक साहिलच्या वडिलांना सोबत घेत बुलंदशरच्या अटेरना गावात पोहोचलं आणि तिथून त्यांनी साहिलला अटक केली.
साक्षीच्या शरीरावर जखमांच्या ३४ खुणा…
रविवारी संध्याकाळी साहिलने साक्षीची हत्या केली. यावेळी त्याने साक्षीवर तब्बल २० हून अधिक वेळा चाकूने वार केला. यावरच त्याचा निर्दयीपणा थांबला नाही तर यानंतर त्याने साक्षीचं डोकं दगडाने ठेचलं. पोस्टमार्टम रिपोर्टमध्ये साक्षीच्या शरीरावर आणि डोक्यावर सुमारे ३४ जखमांच्या खुणा आढळून आल्या आहेत.
जून २०२१ पासून साक्षी आणि साहिल रिलेशनशिपमध्ये होते…
जून २०२१ पासून साहिल आणि साक्षी रिलेशनशिपमध्ये होते. साहिलच्या आधी साक्षीचं प्रवीण नावाच्या तरुणाशी रिलेशन होतं. दिल्ली पोलिसांनी दिलेल्या माहितीनुसार, साक्षी पुन्हा तिच्या एक्स बॉयफ्रेंडसोबत रिलेशनशिपमध्ये असल्याचा साहिलला संशय होता. इतकंच नाहीतर काही दिवसांआधी साक्षी प्रविणशी बोलत असल्याच्या संशयावरून त्याने तिला जीवे मारण्याची धमकी दिली होती. त्यामुळे साक्षीने साहिलशी बोलणं बंद केलं. यावरून दोघांमध्ये भांडणं वाढली. साक्षीला साहिलसोबत ब्रेकअप करायचा होता. मात्र, साहिल तिला भेटण्यासाठी वारंवार प्रयत्न करत होता. शनिवारीही दोघांमध्ये हाणामारी झाली होतीय यानंतर साहिलने साक्षीला संपवण्याचं प्लॅनिंग केलं.
भाड्याच्या घरात राहतो साहिल…
साहिल त्याच्या कुटुंबासह शाहाबाद डेअरी इथे भाड्याच्या घरात राहतो. त्याच्या कुटुंबात आई, वडील आणि ३ बहिणी आहेत. तुम्हाला वाचून धक्का बसेल पण साहिल हा एक मेकॅनिक होता. तो एसी आणि रिफ्रिडरेटर रिपेअर करायचा. या घटनेनंतर साहिलचं इंन्स्टाग्राम अकाऊंटही समोर आलं आहे. त्याला रिल्स बनवण्याची खूप हौस होती. तर त्याला दारूचे व्यसन होते, असंही तपासात समोर आला आहे. एका रीलमध्ये साहिल म्हणतो आहे की, ‘जग आपल्याला शांत जगू देत नाही भाई. त्यामुळे शहशत निर्माण करणं गरजेचं आहे.’
वडिलांना मारल्याचा राग, मुलाने कट रचला आणि आवारेंचा काटा काढला, आरोपीने सगळं सांगितलं
साहिलला फाशी व्हावी, साक्षीच्या कुटुंबाची मागणी
साक्षीच्या अशा जाण्यामुळे संपूर्ण कुटुंबाला मोठा धक्का बसला आहे. आपल्या मुलीला इतक्या निर्दयीपणे मारणाऱ्या साहिलला फाशीची शिक्षा व्हावी अशी मागणी तिच्या कुटुंबियांनी केली आहे. दरम्यान, साक्षी ही गेल्या १० दिवसांपासून तिच्या मित्राच्या घरी राहत होती. यावर्षी ती दहावीची परीक्षा उत्तीर्ण झाली. पण ते आरोपीला ओळखत नसल्याची माहिती कुटुंबियांनी दिली आहे.
लेखकाबद्दलरेणुका धायबररेणुका धायबर, महाराष्ट्र टाइम्समध्ये Senior Digital Content Producer आहेत. डिजिटल पत्रकारितेचा आठ वर्षांचा अनुभव आहे. २०१४ पासून पत्रकारीतेत आहेत. झी २४ तास , न्यूज १८ लोकमत, टीव्ही ९ अशा वेबसाइटसाठी त्यांनी काम केले आहे. महाराष्ट्र, राजकारण, गुन्हेगारी, देश, विदेश, स्पेशल बातम्या यासोबत व्यवसाय विषयात त्यांची आवड आहे.… आणखी वाचा
