dhule 25 year old man killed by group in diwali; दिवाळीसाठी तरुण घरी आला, पण आनंदाचा क्षण दु:खात बदलला; गावात पोहोचताच… कुटुंबाचा टाहो

यात्रेतील जुना वाद पेटला आणि…

धुळे तालुक्यातील शिरुड वेल्हाणे गावात रक्षाबंधनाचं औचित्यसाधून चांगदेव देवाची यात्रा भरवली जाते. या यात्रेत पंचक्रोषीतून भाविक मोठ्या प्रमाणावर सहभागी होत असतात. दरवर्षाप्रमाणे यंदाच्या वर्षी चांगदेव देवाच्या यात्रेत भाविक सहभागी झाले होते. गाव शिवारात आनंदाचं वातावरण असताना विकास महाले आणि काही तरुणांमध्ये वाद झाला होता. भांडण विकोपाला जात असताना मध्यस्थी करुन वाद मिटवण्यात आला होता.
Solapur News : हॉटेल कामगाराचा भयंकर शेवट, बाथरुममध्ये गेला आणि…दोन चिमुकल्यांचं पितृछत्र हरपलं; दिवाळीत अनर्थ
धुळे तालुक्यातील शिरुड वेल्हाणे येथील विकास महाले हा तरुण नाशिक येथे रिक्षाचालक आहे. नाशिक येथून गावातील चांगदेव देवाच्या यात्रेनिमित्त तो आलेला होता. यात्रा आटोपल्यानंतर आणि भांडण मिटल्यामुळे तो नाशिकला रवाना झाला होता. आता दिवाळीनिमित्त तो गावात पुन्हा आलेला होता. सामोपचाराने जुना वाद मिटला असल्याने विकास निवांत होता. पण समोरच्याने वाद मिटवला नव्हता. दिवाळीत सायंकाळी उशिरा गावात फिरत असताना त्याला काही जमावाकडून एकटं पकडण्यात आलं आणि त्याच्यावर जमावाने हल्ला केला. हा हल्ला प्राणघातक ठरला.
Kolhapur News : बाळूमामाच्या दर्शनावरून परतताना नियतीने घात केला, पेट्रोल संपलं आणि भयंकर घडलं…कोल्हापुरात हळहळ

गावात तणाव

विकासला जमावाने मारहाण केल्याने तो गंभीर जखमी झाला. जमावाने मारहाण केल्यानंतर हल्लेखोर घटनास्थळावरुन पसार झाले. या घटनेमुळे आरडा ओरड झाल्याने गावात तणावपूर्ण शांतता पसरली. रस्त्यावर पडून विकास विव्हळत असताना त्याला तातडीने काही लोक रुग्णालयात दाखल करण्यासाठी नेत होते. मात्र रुग्णालयात जातानाच त्याची प्राणज्योत मालवली. रुग्णालयात त्याला तपासून डॉक्टरांनी मृत घोषित केलं.

पोलिसांकडून संशयितांची धरपकड

तरुणाचा खून झाल्याची माहिती समजताच धुळे तालुका पोलीस निरीक्षक धनंजय पाटील आणि तालुका पोलिसांचं पथक तसंच स्थानिक गुन्हे शाखेचं पथकही घटनास्थळी दाखल झालं. धुळे तालुका पोलीस ठाण्यात प्रथमदर्शनी अकस्मात मृत्यूची नोंद करण्यात आली. दरम्यान, घटनेनंतर फरार झालेल्या हल्लेखोरांचा शोध पोलीस घेत आहेत. अधिक तपास सुरू आहे.