Hingoli Crime News : हिंगोलीत अतिशय हृदयद्रावक घटना समोर आली आहे. वडिलांनी आधी लेकीला संपवून नंतर स्वत: आत्महत्या केल्याचा प्रकार उघडकीस आला आहे. या घटनेमुळे परिसरात खळबळ उडाली आहे.
मिळालेल्या माहितीनुसार, हिंगोली शहरातील मस्तानशहा नगर भागात सय्यद शाकीर सय्यद जाकीर (48) एका खाजगी वाहनावर चालक म्हणून नोकरी करत होते. ते आपल्या कुटुंबासह राहत होते. बुधवारी काल मध्यरात्री दोन ते तीनच्या दरम्यान सय्यद शाकीर यांची पत्नी उठली. त्यावेळी तिला समोर पती आणि मुलीचा मृतदेह पाहून मोठा धक्का बसला.
समोर पतीचा गळफास घेतलेल्या स्थितीत मृतदेह पाहिला आणि जवळच मुलीचाही मृतदेह आढळून आल्याने त्या मुलीच्या आईची पायाखालयची जमिनच सरकली. तिला नेमकं काय झालंय याची कल्पनाच येत नव्हती. मुलगी मन्तशानाज (17) हिचा देखील मृतदेह आढळून आला हा प्रकार बघून मयताची पत्नी अक्षरशः घाबरली गेली. तिने तात्काळ त्यांच्या नातेवाईकांना या घटनेची माहिती दिली याचवेळी पोलिसांनाही माहिती देण्यात आली.
घंटागाडी चालकाचा जागीच मृत्यू, त्या संध्याकाळी काय घडलं? घरचा कर्ता गेला, कुटुंबाचा आक्रोश
पोलिसांना घटनेची माहिती मिळताच जिल्हा पोलीस अधीक्षक श्रीकृष्ण कोकाटे, अपर पोलीस अधीक्षक कमलेश मीना, शहर पोलीस स्टेशनचे पोलीस निरीक्षक संदीप मोदे, सहाय्यक पोलीस निरीक्षक आनंद बनसोडे यांच्यासह पोलिस अशोक धामणे, संजय मार्के, शेख अजमद आदी घटनास्थळी दाखल झाले होते.
पोलिसांनी घटनास्थळाची पाहणी केली असताना सय्यद शाकीरचा मृतदेह गळफास घेतलेल्या स्थितीत आणि हाताची नस चाकूने कापल्याचं प्राथमिक तपासात दिसून आलं. यात मोठ्या प्रमाणावर रक्तस्त्रावही झाला होता, तर बाजूलाच मुलीचा देखील मृतदेह आढळून आला.नाशिकमधून अंगावरच्या कपड्यांसह मुलगा घरातून निघाला; 15 महिन्यांनी सुरतमध्ये सापडला, इतके दिवस कुठे होता? प्रकरण काय?
दोन्ही मृतदेह जिल्हा शासकीय रुग्णालयात शवविच्छेदनासाठी पाठवण्यात आले आणि त्यानंतर दोन्ही मृतदेहाचा दफनविधी करण्यात आला.
सय्यद जाकीर सय्यद जाफर यांच्या फिर्यादीवरून आरोपी सय्यद साकीर सय्यद जाफर यांच्यावर शहर पोलिस ठाण्यात (20) बुधवार रोजी रात्री उशिराने गुन्ह्याची नोंद घेण्यात आली.
प्रियकराच्या मदतीनं होणाऱ्या नवऱ्याला संपवण्याचा रचला कट, मुलगी झाली फरार, क्राईम पेट्रोलसारखा थरार
या प्रकरणी मृत आरोपीने मुलगी मन्तशानाजच्या तोंडावर उशी ठेवून तिची हत्या केली. या गोष्टीचा मनस्ताप होऊन त्याने स्वतःच्या छातीवर चाकूने वार करून डाव्या हाताच्या मनगटावरील नस चाकूने कापून घेऊन स्वत:ही नंतर गळफास घेतला. याप्रकरणी गुन्हा दाखल करण्यात आला आहे. या घटनेचा पुढील तपास सहाय्यक पोलीस निरीक्षक बनसोडे हे करत आहेत.
लेखकाबद्दलकरिश्मा भुर्केकरिश्मा भुर्के, महाराष्ट्र टाइम्स ऑनलाइनमध्ये सिनीअर डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ७ वर्ष पत्रकारिता क्षेत्रातील अनुभव. राष्ट्रीय-आंतरराष्ट्रीयसह, सामाजिक, गाव-खेड्यातील विविध विषयांवर लेखनाची आवड. मागील ३ वर्षांपासून महाराष्ट्र टाइम्समध्ये कार्यरत. जोशी-बेडेकर कॉलेजमधून बॅचलर ऑफ मास मीडियाची पदवी, त्यानंतर साठे महाविद्यालयातून मास्टर्स इन जर्नालिजमचं शिक्षण पूर्ण केलं आहे.… आणखी वाचा
