प्रेम झालं, नातं बहरलं, लग्नापर्यंत गेलेला विषय पण टीम इंडियाच्या ५ क्रिकेटर्सची प्रेमकहाणी अधुरीच राहिली, पाहा कोण?

महेंद्रसिंग धोनी आणि प्रियांका झा

महेंद्रसिंग धोनी जेव्हा भारतीय संघात स्थान मिळवण्यासाठी संघर्ष करत होता, तेव्हा प्रियांका झा नावाची मुलगी त्याच्या आयुष्यात आली होती. ‘एम. एस. धोनी: द अनटोल्ड स्टोरी’ या चित्रपटात त्यांच्या कथित नात्याचा संदर्भ देण्यात आला आहे. २००२ मध्ये एका कार अपघातात प्रियांकाचे दुर्दैवी निधन झाले, असेही या सिनेमात सांगण्यात आले. या अनपेक्षित धक्क्यातून सावरल्यानंतर धोनीने क्रिकेटवर लक्ष केंद्रित केले आणि पुढे देशासाठी इतिहास रचला.

IND vs PAK : 5 सप्टेंबरला नेमकं काय होणार? भारत-पाक सामन्याआधी कोच अमोल मुझुमदारांचं मौन, मोठा निर्णय बाकी

रवी शास्त्री आणि अमृता सिंग

८० च्या दशकात रवी शास्त्री आणि अभिनेत्री अमृता सिंग यांच्या अफेअरच्या जोरदार चर्चा रंगल्या होत्या. माध्यमांतील वृत्तांनुसार, दोघांनी एका सुप्रसिद्ध मॅगझिनच्या कव्हरसाठी एकत्र फोटोशूटही केले होते आणि त्यांच्या साखरपुड्याच्या बातम्याही आल्या होत्या. मात्र, सूत्रांच्या माहितीनुसार, दोघांच्याही करिअर आणि वैयक्तिक अपेक्षांमधील मतभेदांमुळे हे नाते लग्नापर्यंत पोहोचू शकले नाही.

सौरव गांगुली आणि नगमा

२०००-०१ च्या दरम्यान, तत्कालीन कर्णधार सौरव गांगुली आणि अभिनेत्री नगमा यांच्या कथित नात्याच्या बातम्यांनी मीडियात खळबळ उडवली होती. काही मीडिया रिपोर्ट्समध्ये असा दावा करण्यात आला होता की, दोघे दक्षिण भारतातील एका मंदिरात एकत्र दिसले होते. मात्र, गांगुली आधीच विवाहित असल्याने या कथित नात्यावर दोन्ही बाजूंनी कधीही थेट भाष्य केले गेले नाही आणि कालांतराने या चर्चा थांबल्या.

Team India Fitness Test : श्रीलंका दौरा संपताच BCCI ॲक्शन मोडमध्ये, टीम इंडियाच्या खेळाडूंची फिटनेस टेस्ट, कोण राहिलं गैरहजर?

युवराज सिंग आणि किम शर्मा

२००० च्या दशकाच्या सुरुवातीला युवराज सिंग आणि अभिनेत्री किम शर्मा यांच्या लग्नाची जोरदार चर्चा होती. अनेक सार्वजनिक कार्यक्रमांमध्ये हे दोघे एकत्र दिसले होते. मात्र, मीडियामध्ये आलेल्या वृत्तांनुसार किमची बॉलिवूड पार्श्वभूमी आणि जीवनशैली यामुळे युवराजच्या कुटुंबाचा, विशेषतः त्याच्या आईचा या नात्याला विरोध होता. याच कौटुंबिक विरोधामुळे त्यांनी वेगळे होण्याचा निर्णय घेतल्याचा दावा केला जातो.

झहीर खान आणि ईशा शरवानी

झहीर खान आणि अभिनेत्री ईशा शरवानी यांचे नाते जवळपास आठ वर्षे चर्चेत होते. २०११ च्या विश्वचषकानंतर त्यांच्या लग्नाची शक्यता वर्तवली जात होती. मात्र, २०१२ च्या सुमारास त्यांनी अत्यंत शांतपणे वेगळे होण्याचा निर्णय घेतल्याचे वृत्त समोर आले. त्यांच्या ब्रेकअपचे कोणतेही ठोस कारण कधीच समोर आले नाही, परंतु सूत्रांनुसार दोघांनीही अतिशय संयमाने आपापल्या वाटा वेगळ्या केल्या.