Pune MH 61 New Passing Number : पुण्यातील वाहनांना आता नवीन ओळख मिळणार आहे. एमएच ६१ला आता चांगला प्रतिसाद मिळत आहे. चारचाकीच्या पसंती क्रमांकासाठी एक हजारापेक्षा जास्त अर्ज आले आहेत.
नागरिकांना पसंती क्रमांकासाठी अर्ज करण्याचे आवाहन
एकाच क्रमांकासाठी एकापेक्षा अधिक अर्ज आल्याने अनेक क्रमांकांचे वाटप लिलाव पद्धतीने होणार असून, त्यामुळे ‘आरटीओ’ला मोठा महसूल मिळणार आहे. पसंती क्रमांकासाठी आलेले अर्ज पाहता नागरिकांनी ‘एमएच १२’ प्रमाणेच ‘एमएच ६१’लादेखील पसंती दिल्याचे दिसत आहे. पुणे ‘आरटीओ’ची ‘एमएच १२’ ही सीरीज नुकतीच संपली आहे. ‘एमएच १२’ ही पुणेकरांची ओळख असल्यामुळे तीच सिरीज मिळावी, अशी मागणी केली जात होती. त्यासाठी पुणे ‘आरटीओ’, लोकप्रतिनिधींनीदेखील प्रयत्न केले. पण, तांत्रिक अडचणीमुळे शक्य झाले नाही. त्यामुळे पुण्याला नवीन ‘एमएच ६१’ ही वाहन नोंदणी मालिका देण्यात आली. ‘आरटीओ’ने २७ ऑगस्ट २०२६ रोजी ‘एमएच ६१ ए’ ही मालिका चारचाकीच्या पसंती क्रमांकासाठी खुली केली. नागरिकांना पसंती क्रमांकासाठी अर्ज करण्याचे आवाहन केले होते. या मालिकेसाठी एक हजार १८ नागरिकांनी अर्ज केले आहेत. यावरून नवीन मालिकेलाही पूर्वीप्रमाणेच नागरिकांनी प्रतिसाद दिल्याचे दिसून येत आहे.
९१ या क्रमांकाला सर्वाधिक पसंती
‘एमएच ६१ ए’ मालिकेतील ९१ या क्रमांकाला सर्वाधिक पसंती मिळाल्याचे दिसत आहे. या क्रमांकासाठी नऊ जणांनी अर्ज केला आहे. त्याखालोखाल २४, २७, २४२४, ६१६१ आणि ९९०९ या पाच क्रमांकांसाठी प्रत्येकी आठ अर्ज आले आहेत. साधे आणि कमी अंकांचे क्रमांक; तसेच एकाच अंकाची किंवा अंकसमूहाची पुनरावृत्ती असलेल्या क्रमांकांना नागरिकांचा कल असल्याचे अर्जांवरून दिसते.
‘डबल’, ‘ट्रिपल’ आणि पुनरावृत्ती होणाऱ्या
विशेष म्हणजे, एक अंकी क्रमांकांसह ‘डबल’, ‘ट्रिपल’ आणि पुनरावृत्ती होणाऱ्या चार अंकी क्रमांकांची मागणी मोठी आहे. वैयक्तिक शुभांक, जन्मतारीख, व्यवसायाची ओळख अथवा सहज लक्षात राहणारा क्रमांक वाहनाला मिळावा, यासाठी नागरिक जादा शुल्क भरण्यासही तयार असल्याचे दिसून येते. एकाच क्रमांकासाठी अनेक अर्ज प्राप्त झाल्यास संबंधित अर्जदारांमध्ये नियमानुसार लिलाव होणार आहे. ‘एमएच ६१ ए’ मालिकेला मिळालेला प्रतिसाद पुण्यातील आकर्षक वाहन क्रमांकांची वाढती क्रेझ अधोरेखित करणारा ठरला आहे. सध्या ‘एमएच ६१ बी’ ही दुचाकीसाठी मालिका सुरू असून, ही मालिका पसंती क्रमांकासाठी खुली केली आहे.
‘एमएच ६१’ ही नवी क्रमांक मालिका
‘एमएच १२’ ही वाहन नोंदणी मालिका संपल्यानंतर आता पुणे ‘आरटीओ’कडून ‘एमएच ६१’ ही नवी क्रमांक मालिका सुरू करण्यात आली आहे. त्यानंतर आता चारचाकींसाठी चार अंकी वाहन क्रमांकाला वाहनधारकांकडून अधिकाधिक पसंती मिळताना दिसत आहे.
या क्रमांकासाठी सर्वाधिक अर्ज
‘एमएच ६१’ मालिकेच्या पसंतीच्या पहिल्या दहा क्रमांकांमध्ये ९१ क्रमांसाठी – नऊ अर्ज; २४ – आठ; २७ – आठ; २४२४ – आठ; ६१६१ – आठ; ९९०९ – आठ; ५ – सात; २३ – सहा; ५५५ – सहा आणि २४९८ क्रमांकासाठी – सहा अर्ज, असा क्रम आहे. याशिवाय सहा, १०, ५१५१, ६९९९, ७०७० आणि ९००१ या क्रमाकांसांठी प्रत्येकी पाच अर्ज दाखल झाले आहेत. १५००, १७९९, ३०००, ५००६, ५६६६, ६६६६, ७१११, ७१७१, ८११८ आणि ९००५ या क्रमांकांनाही अधिक वाहनधारकांनी पसंती दिली आहे.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा
