Jamner Surat ST Bus Accident : मृत्यू अगदी समोर येऊन उभा ठाकला होता, पण एका एसटी बस चालकाच्या संवेदनशील सल्ल्यामुळे ज्योत्स्ना विनोद पाटील, त्यांचे सासरे गणेश पाटील आणि दोन जुळ्या मुलांचे प्राण अक्षरशः थोडक्यात वाचले.
या अपघातातून बचावलेल्या कुटुंबाची हृदयद्रावक कहाणी समोर आली आहे. मृत्यू अगदी समोर येऊन उभा राहिला होता, पण एका चालकाच्या संवेदनशील सल्ल्यामुळे ज्योत्स्ना विनोद पाटील, त्यांचे सासरे गणेश पाटील आणि दोन जुळ्या मुलांचे प्राण अक्षरशः थोडक्यात वाचले.
पाटील कुटुंब थोडक्यात बचावलं
ज्योत्स्ना पाटील यांनी महाराष्ट्र टाइम्स ऑनलाईनला सांगितल्यानुसार, त्यांचे चुलत काका विनायक पाटील यांचे १ जून रोजी निधन झाले. अंत्यविधीसाठी त्या सुरतहून नवापूर येथे आल्या होत्या. सोमवारी अंत्यसंस्कार पार पडल्यावर मंगळवारी त्या आपली दोन जुळी मुलं आणि सासरे गणेश पाटील यांच्यासोबत परत सुरतला जाण्यासाठी नवापूर बस स्थानकावर पोहोचल्या.
Saket Building Collapse : बाबा, परीक्षेनंतर या; शेवटचं वचन अधुरं राहिलं, बर्थडेच्या तोंडावर लेकीचा अलविदा, ढिगाऱ्याजवळ पिता निर्विकार चेहऱ्याने बसून
लहान लेकरं आहेत, मागून या
त्यावेळी जामनेर-सुरत ही बस स्थानकात उभी होती. सासरे गणेश पाटील आधीच बसमध्ये चढले होते. मात्र बसमध्ये मोठी गर्दी असल्याने चालकाने लहान मुलांसह प्रवास करणे गैरसोयीचे ठरेल असे सांगितले. “लहान लेकरं सोबत आहेत, या बसमध्ये खूप गर्दी आहे, तुम्हाला त्रास होईल. दुसऱ्या बसने या” असे चालकाने सुचविले. चालकाच्या या शब्दांमुळे ज्योत्स्ना पाटील व त्यांचे कुटुंबीय त्या बसमधून उतरले आणि नंतर गुजरात डेपोच्या नवापूर-सुरत बसमध्ये बसले.
खरं तर, जामनेर-सुरत बस त्यांच्या डोळ्यादेखत आधी निघून गेली आणि काही वेळाने त्यांची बसही सुरतच्या दिशेने रवाना झाली. मात्र पुढील दोन तासांत जे घडले, तो त्यांच्या आयुष्यातील सर्वात भीषण अनुभव ठरला.
लाडकी बहीण योजनेतून ८० लाख महिला अपात्र, पुरुष लाभार्थ्यांकडून वसूली करण्याचा फडणवीसांचा इशारा
त्याच बसचा भीषण अपघात
बारडोलीजवळ पोहोचल्यावर त्यांच्या बससमोर एक भयानक दृश्य दिसले. ज्या बसमध्ये काही वेळापूर्वी ते बसणार होते, तीच जामनेर-सुरत बस अपघातग्रस्त होऊन आगीच्या भक्ष्यस्थानी सापडली होती. बसला लागलेल्या भीषण आगीमध्ये अनेक प्रवासी अडकले होते. जखमींना बाहेर काढण्यासाठी धावपळ सुरू होती, तर काहींचा दुर्दैवी मृत्यू झाला होता.
“ते दृश्य पाहून माझ्या पायाखालची जमीनच सरकली. काही तासांपूर्वी आम्ही ज्या बसमध्ये बसणार होतो, तीच बस आमच्या डोळ्यांसमोर जळत होती. माझी मुलं, सासरे आणि मी त्या बसमध्ये असतो तर काय झालं असतं, याचा विचार करुन अंगावर शहारा येतो” असे सांगताना ज्योत्स्ना पाटील भावूक झाल्या.
अपघातानंतर निर्माण झालेल्या वाहतूक कोंडीत त्यांची बस जवळपास तासभर अडकून होती. पोलिसांनी परिस्थिती नियंत्रणात आणल्यानंतरच पुढील प्रवास सुरु झाला.Georgia Crash : लग्नानंतर नवदाम्पत्य निघालं, पायलटचा अट्टाहास जीवावार, हेलिकॉप्टर कोसळून नवरदेवाचा अंत, वधूच्या समोरच प्राण सोडले
काळ आला होता पण…
सुरक्षितपणे आपल्या कुटुंबासोबत उभ्या असलेल्या ज्योत्स्ना पाटील यांच्यासाठी हा प्रसंग म्हणजे मृत्यूला चकवा देऊन परत आल्याची जाणीव करुन देणारा ठरला आहे. त्या म्हणाल्या, “परमेश्वर आणि जयगुरुदेवांची कृपा, तसेच त्या चालकाचे काही शब्द आमच्यासाठी जीवनदान ठरले. त्या क्षणी आम्हाला बसमधून उतरवले नसते, तर आज आमची कथा वेगळी असती” असे ज्योत्स्ना पाटील यांनी सांगितले. “काळ आला होता, पण वेळ आली नव्हती!” याची प्रचिती हा अनुभव ऐकणाऱ्यांना आली.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
