२२ वर्षे चाललेल्या कायदेशीर लढाईनंतर माजी भारतीय क्रिकेटपटू जेकब मार्टिन यांना अखेर मोठा दिलासा मिळाला आहे. पटियाला हाऊस कोर्टाने सर्व आरोपांतून त्यांची निर्दोष मुक्तता केली. या काळात रेल्वेची नोकरी गमावल्यापासून मानसिक तणावापर्यंतचा संघर्ष त्यांनी स्वतः सांगितला.
जेकब मार्टिन यांना मोठा दिलासा
माजी भारतीय क्रिकेटपटू जेकब मार्टिन यांना तब्बल २२ वर्षांच्या प्रदीर्घ कायदेशीर लढाईनंतर मोठा दिलासा मिळाला आहे. दिल्लीतील पटियाला हाऊस कोर्टाने २००४ मधील बनावट कागदपत्रे, फसवणूक आणि गुन्हेगारी कट रचल्याच्या प्रकरणात त्यांची सर्व आरोपांतून निर्दोष मुक्तता केली. आरोप सिद्ध करण्यासाठी पुरेसे आणि विश्वासार्ह पुरावे नसल्याचे न्यायालयाने निकाल देताना स्पष्ट केले.
२००४ च्या यूके दौऱ्यातून सुरू झाले होते प्रकरण
निकालानंतर प्रसारमाध्यमांशी बोलताना जेकब मार्टिन यांनी या संपूर्ण प्रकरणामागची पार्श्वभूमी सांगितली. त्यांच्या म्हणण्यानुसार, २००४ मध्ये एक क्रिकेट संघ खेळण्यासाठी यूके दौऱ्यावर गेला होता. त्या संघातील एक खेळाडू भारतात परतला नाही आणि व्हिसाची मुदत संपल्यानंतरही तो तिथेच राहिला. नंतर त्याने व्हिसावर बनावट शिक्का मारल्याचा आरोप झाला आणि भारतात परतल्यावर त्याला इंदिरा गांधी आंतरराष्ट्रीय विमानतळावर पकडण्यात आले.
मार्टिन यांचा मोठा दावा
मार्टिन यांनी दावा केला की, सुरुवातीच्या एफआयआरमध्ये त्यांचे नाव नव्हते. मात्र चौकशीदरम्यान त्यांना या प्रकरणात आरोपी करण्यात आले. आपण आंतरराष्ट्रीय क्रिकेटपटू असल्याने आपले नाव या प्रकरणाशी जोडले गेले, असेही त्यांनी सांगितले.
‘२२ वर्षांत आयुष्य बदलून गेले’
या प्रदीर्घ खटल्यामुळे मानसिक आणि व्यावसायिक आयुष्यावर मोठा परिणाम झाल्याचे जेकब मार्टिन यांनी सांगितले. बीसीसीआयकडून कोणताही प्रतिसाद मिळाला नाही, तसेच रेल्वेतील नोकरीही गमवावी लागली. या सर्व काळात प्रचंड तणाव सहन केला, मात्र आता न्यायालयाच्या निर्णयामुळे आयुष्यात मोठा दिलासा मिळाल्याची भावना त्यांनी व्यक्त केली.
भारतासाठी खेळले १० वनडे सामने
५४ वर्षीय जेकब मार्टिन यांनी १९९९ ते २००१ या कालावधीत भारताचे प्रतिनिधित्व केले. त्यांनी १० वनडे सामने खेळताना ८ डावांत १५८ धावा केल्या. देशांतर्गत क्रिकेटमध्ये ते बडोदा संघाचे प्रमुख फलंदाज होते. याशिवाय रेल्वे आणि आसाम संघाकडूनही त्यांनी क्रिकेट खेळले होते.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा