Samruddhi Highway Accident: समृद्धी महामार्गावर झालेल्या भीषण अपघातात छत्रपती संभाजीनगर येथील डॉक्टर दाम्पत्याचा मृत्यू झाला. तर त्यांचा मुलगा-मुलगीसह चालक गंभीर जखमी आहेत.
डॉ. सय्यद असिफ सय्यद उमर (वय ५२) व डॉ. गुलसिताबी सय्यद असिफ (वय ४५) यांचा या अपघातात जागीच मृत्यू झाला. तसेच मुलगी सबा सय्यद असिफ (वय १८), मुलगा सय्यद अजबमाज सय्यद असिफ (वय २५) व चालक शेख साजिद शेख फरीद हे गंभीर जखमी झाले असून त्यांच्यावर छत्रपती संभाजीनगर येथे उपचार सुरू आहेत. डॉक्टर दाम्पत्य छत्रपती संभाजीनगर येथील रहिवासी होते. सिंदखेड राजा तालुक्यातील किनगाव राजा पोलिस ठाण्याच्या हद्दीतील मुंबई कॉरिडोरवरील चॅनल क्रमांक ३२६.५ येथून एमएच २०-एचएन ६७६८ क्रमांकाची फॉर्च्यूनर कार मुंबईच्या दिशेने जात होती.
एसटी कर्मचाऱ्यांसाठी आनंदवार्ता! राज्य सरकारी कर्मचाऱ्यांप्रमाणे महागाई भत्ता, वेतनवाढीस मंजुरी; प्रताप सरनाईकांची विधानसभेत घोषणा
कारचा वेग अधिक होता. चालकाचे नियंत्रण सुटल्याने ही कार समोरील एनएल ०१ एडी ४९८१ क्रमांकाच्या मालवाहू ट्रकला पाठीमागून जोरात धडकली. या अपघातात कारच्या समोरील भागाचा अक्षरशः चक्काचूर झाला. जखमींना तातडीने सिंदखेड राजा ग्रामीण रुग्णालयात दाखल करण्यात आले. नंतर छत्रपती संभाजीनगर येथील रुग्णालयात हलविले. तर पती, पत्नीचे मृतदेह सिंदखेड राजा ग्रामीण रुग्णालयात शवविच्छेदन केल्यानंतर नातेवाइकांच्या ताब्यात देण्यात आले.
महाराष्ट्रात IPS अधिकाऱ्यांची बदली, विश्वास नांगरे पाटील नागपूरचे नवे पोलीस आयुक्त
मेडिकल कॉलेजमध्ये होते प्राध्यापक
मृत दाम्पत्य हे बदनापूरजवळील वरुडी येथील नूर मेडिकल कॉलेज अँड हॉस्पिटलमध्ये प्राध्यापक म्हणून कार्यरत होते. त्यांच्या अकाली निधनामुळे वैद्यकीय क्षेत्रात शोककळा पसरली आहे. या प्रकरणी किनगाव राजा पोलीस ठाण्यात अपघाताची नोंद करण्यात आली आहे.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा
