Nashik Gosaviwadi Sumit Pagare Murder Case 10 Suspects Arrested; ‘आपल्यातील वाद मिटवून टाकू’; शेकहँड करत निर्घृणपणे संपवलं, नाशकातील सुमित पगारेच्या हत्येचं खरं कारण समोर

पानमसाला घेताना हल्ला

सुमित पगारे यांच्या हत्येप्रकरणी सुमित भाटिया यांनी दिलेल्या फिर्यादीनुसार, रविवारी सायंकाळी सातच्या सुमारास गोसावीवाडीतील टिळे हॉस्पिटलसमोरील गंगोत्री जनता स्टोअर येथे ते मित्र सुमित पगारे आणि आकाश बोर्डे यांच्यासह पानमसाला घेत होते. त्यावेळी अर्जुन सुरेश पिवाल, शिवा सुरेश पिवाल, मन्ना भरत गांगुर्डे, राजिक शेख, राहुल सोनवणे, निशांत भारती, शाहिद शेख, आयुष भारती, अक्षद गोसावी, राजवीर गांगुर्डे, आशिष पिवाल, साद पठाण, अमोल उत्तम वाघ आणि पराग मिलिंद कुलकर्णी अशा चौदा संशयितांनी तेथे येऊन जुना वाद उकरून काढला. दरम्यान, खुनाच्या घटनेनंतर पोलिस उपायुक्त किशोर काळे, सहाय्यक आयुक्त अद्विता शिंदे, नाशिकरोडचे वरिष्ठ निरीक्षक जितेंद्र सपकाळे यांच्यासह गुन्हे शोध पथक संशयितांच्या मागावर होते. गोसावीवाडी भागात दिवसभर पोलिसांचा फौजफाटा तैनात होता. वर्चस्ववादातून ही हत्या झाल्याचा संशय आहे.

Girish Mahajan: महाजनच नाशिकचे ‘पालक’, कुंभमेळ्याचा पार्श्वभूमीवर भाजपची सरशी; छगन भुजबळ, दादा भुसे यांना डावलले

‘आपल्यातील वाद मिटवून टाकू’

मागील वादाच्या कारणावरून संशयितांनी तिघांच्या अंगावर धाव घेत शिवीगाळ केली. राजिक शेख याने सुमित पगारे यांना ‘आपल्यातील वाद मिटवून टाकू,’असे सांगत हातात हात मिळविण्याचा बहाणा केला. त्याचवेळी त्याने कमरेला लावलेले पिस्तूल काढून सुमित पगारे यांच्या पोटावर दोन गोळ्या झाडल्या, असे फिर्यादीत नमूद आहे.

हे संशयित गजाआड, चौघे फरार

मनोज ऊर्फ मन्ना भारत गांगुर्डे (वय ४०, रा. जेलरोड), शाहिद शौकत शेख (२१, गोसावीवाडी), अर्जुन सुरेश पिवाल (३८, रा. वसंत विहार), अमोल उत्तम वाघ (४१, जेलरोड), पराग मिलिंद कुलकर्णी (२४, वसंत विहार), आशिष सुरेश पिवाल (२८, वसंत विहार), अक्षद ऊर्फ सोनू शरद गोसावी (२१, भालेराव मळा), आयुष पृथ्वीराज भारती (२१, कल्याण वेस्ट), साद आसिफ पठाण (२१, वडाळा गाव) आणि एक अल्पवयीन. त्याचप्रमाणे शिवा पिवाल, राहुल सोनवणे, राजिक शेख आणि निशांत भारती हे चार संशयित फरार असून, पोलिस त्यांचा शोध घेत आहेत.

Sanjay Raut: देशाच्या राजकारणात ‘थ्री इडियट्स’, महाराष्ट्रात एक, दोन केंद्रात; संजय राऊतांचा भाजपवर घणाघात

महाजनच नाशिकचे ‘पालक’

सिंहस्थ कुंभमेळ्याच्या पार्श्वभूमीवर प्रतिष्ठेचे बनलेले नाशिकचे पालकमंत्रिपद राखण्यात भाजपला अखेर यश आले आहे. मंत्री छगन भुजबळ, दादा भुसे अशा दिग्गजांना बाजूला सारत, मुख्यमंत्री देवेंद्र फडणवीस यांनी जलसंपदा मंत्री गिरीश महाजन यांच्याकडेच नाशिकच्या पालकमंत्रिपदाची धुरा सोपवली आहे.

महायुतीचे सरकार सत्तेवर आल्यानंतर नाशिकच्या पालकमंत्रिपदाची जबाबदारी महाजन यांच्याकडे देण्यात आली होती. नाशिकमध्ये दादा भुसेंना डावलल्याने आणि रायगडमध्येही राष्ट्रवादी आणि शिवसेना शिंदे गटात नाराजी निर्माण झाली होती. मुख्यमंत्री फडणवीसांनी चोवीस तासांतच, नाशिक आणि रायगडच्या पालकमंत्रिपदाला स्थगिती दिली होती.