Jyothi Reddy Success Story; अनाथाश्रामात बालपण, दहावी होताच लग्न; मग अमेरिकेत एका महिलेने कशी उभारली 9000 कोटींची कंपनी

काही यशोगाथा खरोखरच प्रेरणादायी असतात, मनाला उभारी देणाऱ्या असतात आणि ज्योती रेड्डी यांची कहाणी याचे उत्तम उदाहरण आहे. ज्योती यांनी असंख्य आव्हानांचा सामना केला आणि आज एका अब्ज-डॉलरच्या सॉफ्टवेअर कंपनीच्या सीईओ बनल्या आहेत. आयुष्यात अनेक आव्हाने आली तरीही त्यांनी कधीच हार मानली नाही.

तेलंगणातील वारंगल येथे जन्मलेल्या ज्योती रेड्डी यांचे वडील अत्यंत गरीब होते आणि आर्थिक अडचणींमुळे पाच मुलांपैकी दुसऱ्या ज्योतीला वयाच्या आठव्या वर्षी अनाथाश्रमात सोडले. येथे ज्योतीला पुरेसे अन्न आणि सरकारी शाळेत जाण्याची संधी मिळाल्या.

तेलंगणातील रहिवासी ज्योती रेड्डींचे वडील रोजंदारीवर मजुरीचे काम करायचे. वयाच्या आठव्या वर्षी अनाथाश्रमात दाखल केलेल्या ज्योती अत्यंत खडतर परिस्थितीत लहानाच्या मोठ्या झाल्या. गरीब कुटुंबातील 5 मुलांपैकी दुसरी मुलगी ज्योतीने अनाथाश्रमात राहूनच सरकारी शाळेत शिक्षण घेतले. वयाच्या सोळाव्या वर्षी लग्न झाल्यावर ज्योती यांच्या आयुष्याला एक मोठे वळण मिळाले आणि 18 व्या वर्षापर्यंत पदरात दोन मुली होत्या.

आर्थिक परिस्थितीत हलाखीची असल्यामुळे ज्योती शेतात पाच रुपये मजुरीवर काम करू लागल्या. 1985 ते 1990 पर्यंत असंच सुरू होतं. त्यानंतर एका सरकारी योजनेअंतर्गत शिक्षिकेची नोकरी मिळाली आणि रात्रीच्या वेळी कपडे शिवून थोडे पैसे कमवू लागली. इथून त्यांच्या आयुष्यात बदल घडू लागला, मात्र ज्योती रेड्डीने आपली परिस्थिती सुधारण्याचा निश्चय केला होता. (प्रातिनिधिक फोटो)

8-9 तास काम केल्यावर लोक थकून घरी येताच सोफा किंवा पलंगावर जाऊन पडता. पण, एवढं काम करूनही ज्योती आपल्या अभ्यासासाठी वेळ काढायच्या आणि केवळ शिक्षणच नव्हे तर कौशल्येही आत्मसात करण्यावर भर दिला. ज्योतीने टायपिंग शिकले आणि एका शाळेत रुजू झाल्या. 1994 मध्ये डॉ. बी. आर. आंबेडकर ओपन विद्यापीठातून बी.ए. पदवी मिळवली आणि 1997 मध्ये काकतीय विद्यापीठातून पदव्युत्तर शिक्षण पूर्ण केले. पुढे त्यांना शाळेतील शिक्षिका म्हणून 398 रुपये पगार मिळू लागला आणि मुलींनाही मिशनरी शाळेत दाखल केले. सगळं सुरळीत सुरू होतं पण, ज्योती नाखूष होत्या. (प्रातिनिधिक फोटो)

या दरम्यान, ज्योतीची चुलत बहीण अमेरिकेतून परतली आणि बहिणीच्या मदतीने त्यांनी अमेरिकेला जाण्याचं ठरवलं. सुरुवातीला हाताला मिळेल ते काम केलं. व्हिसासाठी कार्यालय आणि न्यायालयात वारंवार जावे लागायचे पण, या दरम्यान ज्योतीच्या लक्षात आले की व्हिसासाठी लोक वाट्टेल ती किंमत मोजायला तयार होते. त्यानंतर ज्योतीने व्हिसाच्या बाबींवर सल्ला देण्यासाठी सॉफ्टवेअर विकसित केले.

ज्योतीकडे ना कोणती गुंतवणूक होती, ना कोणी मार्गदर्शन करणारं, कोणतीही योजना नव्हती आणि नशिबानेही साथ दिली नव्हती. पण एकेकाळी शेतात 5 रुपयांसाठी काम करणाऱ्या ज्योतीने अमेरिकेत स्वतःच्या हिमतीवर ‘की सॉफ्टवेअर सोल्युशन्स’ नावाची IT सर्व्हिस कंपनी सुरू केली. आज ज्योती अमेरिकेतील फिनिक्स शहरात स्थायिक असून अमेरिकेत सहा घरे तसेच, भारतातही अनेक फ्लॅट्स आणि मालमत्ता आहेत. याशिवाय Key Software Solutions ने 125 कोटी ते 142 कोटी रुपयांहून जास्त कॉर्पोरेट उलाढाल आणि मूल्यांकन साध्य करून दाखवले.