RBI Repo Rate Impact On Inflation ; RBI ने रेपो रेटमध्ये काही बदल केला नाही, तरीही तुमच्या खिशावर होणार परिणाम! कसं ते समजून घ्या

रिझर्व्ह बँक ऑफ इंडियाने 5 ऑगस्ट 2026 रोजी रेपो रेट संबंधित महत्वाचा निर्णय दिला आहे. आधीच्या रेपो रेट दरात कसलाही बदल न करता तोच दर पुढे असणार आहे. गेल्या तीन दिवसांपासून सुरु असलेल्या मॉनिटरी पॉलिसी कमिटीच्या बैठकीत हा महत्वाचा निर्णय घेण्यात आला. बैठकीच्या आधीच काही अर्थतज्ज्ञांनी रेपो रेटमध्ये कोणताही बदल होणार नसल्याचा अंदाज बांधला होता तसेच याचे कारणही स्पष्ट केले होते. देशातील वाढत्या महागाईला पाहता रेपो रेटमध्ये कोणताही बदल न करणेच योग्य ठरेल असे मत अनेक अर्थतज्ज्ञांनी मांडले होते. MPC च्या या बैठकीत यंदाचा रेपो रेट 5.25% ठरवण्यात आला आहे.

याआधी डिसेंबर 2025 मध्ये आरबीआयने रेपो रेटमध्ये बदल केला होता. त्यावेळी रेपोरेट 5.50% वरून 5.25% वर आणला गेला होता. एकंदरीत, रेपो रेटमध्ये 0.25% ( 25 Basis Points ) टक्क्यांची घट करण्यात आली होती. तेव्हापासून ते आतापर्यंत रेपोरेटमध्ये कोणताही बदल करण्यात आला नाही आहे. याला सगळ्यात जास्त कारणीभूत आंतरराष्ट्रीय घडामोडी आहेत. जगभरात युद्धजन्य परिस्थिती आहे, याचा मोठा फटका जागतिक बाजारपेठेवर पडत आहे. परिणामी, कच्च्या तेलाच्या किमती वाढत आहेत. मुख्य म्हणजे भारत 80% हून जास्त तेल आखाती देशातून आयात करतो. कच्च्या तेलाच्या किंमतीत वाढ झाल्यामुळे Import Bill वाढत आहे. याचा थेट परिणाम भारतातील देशांतर्गत बाजारपेठेवर होत आहे.

कच्च्या तेलाच्या किंमती वाढल्या, याचा सामन्यांवर मोठा परिणाम

अनेकदा सामान्य माणूस विचार करतो की कच्च्या तेलाच्या किंमती वाढल्यामुळे फक्त पेट्रोल-डिझेल तसेच इतर इंधनांची किंमत वाढेल. देशातील बाजारपेठ एकमेकांशी जोडलेली आहे, त्यामुळे कच्च्या तेलाची वाढती किंमत संपूर्ण देशाच्या अर्थव्यवस्थेवर मोठा परिणाम करत आहे. कच्च्या तेलाच्या किंमती वाढल्यामुळे भाजीपाला तसेच इतर घरगुती वस्तूंच्या वाहतुकीवर परिणाम होत आहे. इंधन महागल्यामुळे भाजीपाला, फळे तसेच धान्य यांचा वाहतूक खर्चही वाढत आहे. परिणामी, त्यांच्या किंमतीही वाढत आहे.

सध्याचा महागाईचा दर 5.32% इतका आहे. त्यात तेलाची किंमत वाढल्यामुळे महिन्याचा किराणा आणि भाजीपाल्याचा बजेट 10% ते 15% टक्क्यांनी वाढू शकतो. आपल्या दैनंदिन वापरातील वस्तू साबण, शाम्पू तसेच प्लास्टिकसह, खाते आणि औषधे यांच्या निर्मितीमध्ये कच्च्या तेलापासून बनलेल्या काही रसायनांचा वापर केला जातो, त्यामुळे कच्चा तेलाच्या किंमती वाढल्या तर याचा थेट परिणाम आपल्या दररोजच्या खर्च्यावरही होऊ शकतो.

Inheritance Rights: नॉमिनी प्रॉपर्टीचा मालक नाही! काय आहे कायदेशीर नियम? वाद न घालता मृत्युपत्राद्वारे मिळेल मालमत्तेचा वारसा! कसं पाहाकच्च्या तेलाचा दर घसरला नाही तर महिन्याचा खर्च वाढणार

क्रूड ऑइलचा आजचा दर 80.22 डॉलर पर बॅरेल आहे. जर हा दर घसरला नाही, तर कच्च्या तेलापासून बनणाऱ्या आपल्या दैनंदिन वापरातील वस्तूही महागल्याजातील आणि याचा परिणाम आपल्या महिन्याच्या खर्चावर होईल. महिन्याचा खर्च वाढेल. RBI ने जर रेपो रेटमध्ये वाढ केली असती तर सामान्य व्यक्तींच्या होमलोन तसेच कारलोनच्या EMI वर परिणाम जाणवला असता.

लेखकाबद्दलटीम मटा ऑनलाइनमहाराष्ट्र टाइम्स ऑनलाइन हा गेल्या २६ वर्षांपासून महाराष्ट्रातील अग्रगण्य पोर्टल आहे. राजकीय, सामाजिक, आर्थिक, कला, क्रीडा, मनोरंजन, लाइफस्टाइल या विषयावर बातम्या देण्याचा आणि वाचकांना अपडेट ठेवण्याचे काम केले जाते. या टीममधील प्रत्येक पत्रकार हा वाचक हा केंद्र बिंदू मानून त्यांना बित्तमबातमी देण्याचा प्रयत्न करतो.… आणखी वाचा