LPG Gas Cylinder Price Hike ; सरकारचा एक होकार अन् सामान्यांच्या खिशावरील भार वाढणार; LPG सिलेंडरच्या किंमतीत वाढ होण्याची शक्यता

भारतातील बहुतांश मंडळी आधीच गॅस सिलेंडरच्या वाढत्या किंमतीने त्रासले आहेत. अशामध्ये पुन्हा एकदा LPG दर वाढीची चर्चा सुरु झाली आहे. या संबंधित कोणताही निर्णय अद्याप घेण्यात आला नाहीये, परंतु मंत्रिमंडळात या विषयासंबंधित विचारविनिमय सुरु आहे. तसेच लवकरच निर्णय दिला जाईल. सूत्रांनुसार, LPG सहित PNG आणि LNG च्या किंमतीतही वाढ दिसून येण्याची शक्यता आहेत. स्ट्रॅटिजिक पेट्रोलियम रिझर्व्ह (SPR) म्हणून भारत सरकार प्रयत्नशील आहे. त्यासाठी भारत सरकार जनतेकडून LPG, LNG तसेच PNG च्या किंमतीवर लेव्ही आकारण्याची शक्यता आहे. त्यामुळे भविष्यात घरगुती गॅस सिलेंडर तसेच नॅचरल गॅसच्या किंमतीत दर वाढ दिसून येऊ शकते.

स्ट्रॅटिजिक पेट्रोलियम रिझर्व्ह (SPR) म्हणजे नक्की काय असतं?

स्ट्रॅटिजिक पेट्रोलियम रिझर्व्ह (SPR) म्हणजे आणीबाणीच्या काळासाठी सरकारने राखून ठेवलेला कच्च्या तेलाचा साठा. जगभरात आधीच तणावाचे वातावरण आहे. अमेरिका-इराण युद्धामुळे जागतिक बाजारपेठेत मोठ्या हालचाली घडून आल्या आहेत. कच्च्या तेलाच्या किंमती दिवसेंदिवस आभाळाला चिरत आहेत. याचा परिणाम देशांतर्गत बाजारपेठेवर होत आहे, परिणामी देशात महागाईचा आकडाही वाढत चालला आहे.

Levy म्हणजे नक्की काय असतं?

जर LPG, LNG तसेच PNG च्या किंमतीत वाढ झाली तर वाढवण्यात आलेली अतिरिक्त रक्कम ही Levy ठरेल. Levy म्हणजे सरकारने आकारलेले अतिरिक्त शुल्क. Levy आकारण्यामागे सरकारचा विशेष हेतू असतो. जर LPG, LNG तसेच PNG च्या किंमती वाढवण्यात आल्या तर LPG, LNG तसेच PNG वर अतिरिक्त शुल्क (Levy) आकारण्यामागचा हेतू स्ट्रॅटिजिक पेट्रोलियम रिझर्व्ह (SPR) आहे.

स्ट्रॅटिजिक पेट्रोलियम रिझर्व्ह (SPR) साठी सरकारला 42 अब्ज डॉलर्स खर्च अपेक्षित आहे. त्यानुसार जनतेकडून LPG, LNG तसेच PNG च्या माध्यमातून लेव्ही आकारण्यात येण्याची शक्यता आहे. सूत्रांनुसार, LPG गॅसवर प्रति किलो 1.29 रुपयांचा लेव्ही आकारण्याचा विचार सुरु आहे. भविष्यात 14.2 किलोच्या घरगुती LPG सिलेंडरवर एकूण 18 रुपयांची वाढ दिसून येऊ शकते. तर PNG वर प्रति स्टॅंडर्ड क्युबिक मीटर 1.43 रुपयांचा लेव्ही आकारला जाईल. यातून 1.5 अब्ज डॉलरचा निधी उभारला जाऊ शकतो, ज्याचा वापर कच्च्या तेलाचा साठा वाढवण्यासाठी केला जाईल.

INDIGO 20 Years Offer : इंडिगोच्या 20,000 प्रवाशांच्या खिशात तिकिटांचे पैसे येतील परत; 20 व्या वर्धापन दिनानिमित्त विशेष ऑफरदहा दिवसांचाही साठा नाही

आधीच जगभरात कच्च्या तेलाच्या वाढत्या किंमतीचा फार मोठा परिणाम पाहायला मिळत आहे. अशामध्ये भारताकडे कच्च्या तेलाचा साठा फार कमी आहे. सरकारच्या नियंत्रणात असलेल्या स्ट्रॅटिजिक पेट्रोलियम रिझर्व्ह (SPR) मध्ये दहा दिवसांपेक्षाही कमी काळ पुरेल इतकाच साठा उपल्बध आहे. इतर काही आशियाई देशांमध्ये अगदी 100 दिवस पुरेल इतका कच्च्या तेलाचा साठा उपल्बध आहे. त्यामुळे SPR साठी प्रयत्नशील असणे गरज बनली आहे.

लेखकाबद्दलटीम मटा ऑनलाइनमहाराष्ट्र टाइम्स ऑनलाइन हा गेल्या २६ वर्षांपासून महाराष्ट्रातील अग्रगण्य पोर्टल आहे. राजकीय, सामाजिक, आर्थिक, कला, क्रीडा, मनोरंजन, लाइफस्टाइल या विषयावर बातम्या देण्याचा आणि वाचकांना अपडेट ठेवण्याचे काम केले जाते. या टीममधील प्रत्येक पत्रकार हा वाचक हा केंद्र बिंदू मानून त्यांना बित्तमबातमी देण्याचा प्रयत्न करतो.… आणखी वाचा