Who Is Neel Patel : भारताचा युवा स्टार वैभव सूर्यवंशी जगभर चर्चेत असतानाच ऑस्ट्रेलियाने १६ वर्षीय नील पटेलला अंडर-१९ संघात संधी दिली आहे. हा युवा सलामीवीर भारत दौऱ्यात वैभवसह चर्चेचा केंद्रबिंदू ठरणार आहे.
एक महिन्याचा दौरा अन् दोन्ही संघांमध्ये रंगणार सामने
क्रिकेट ऑस्ट्रेलियाने १३ सप्टेंबरपासून सुरू होणाऱ्या भारत दौऱ्यासाठी आपल्या अंडर-१९ संघाची निवड केली आहे. या सुमारे महिनाभराच्या दौऱ्यात भारत आणि ऑस्ट्रेलियाच्या युवा संघांमध्ये विविध प्रकारच्या सामन्यांची मालिका खेळवली जाणार आहे. यामध्ये एकदिवसीय सामने आणि ४ दिवसांचे प्रथम श्रेणी सामने समाविष्ट आहेत. या पूर्ण दौऱ्यात सर्वांचे लक्ष १६ वर्षांच्या नील पटेल आणि १५ वैभव सूर्यवंशी यांच्या संभाव्य आमने- सामने येणाऱ्या लढतीवरच असणार आहे.
कोण आहे हा नील पटेल?
नील पटेलचा जन्म ऑस्ट्रेलियातच झाला आहे, परंतु त्याच्या कुटुंबाची मुळे भारतातील गुजरात राज्याशी जोडलेली आहेत. तो ऑस्ट्रेलियातील ‘न्यू साउथ वेल्स’ या संघाकडून क्रिकेट खेळतो. नील हा एक उत्कृष्ट सलामीवीर फलंदाज असून गरजेच्या वेळी ऑफ-स्पिन गोलंदाजीही करतो. वयाच्या अवघ्या १६ व्या वर्षी त्याने सिडनी प्रीमियर क्रिकेटच्या पहिल्या ग्रेडमध्ये एकाच वर्षात १००० हून अधिक धावा करण्याचा ऐतिहासिक पराक्रम केला आहे. या चमकदार कामगिरीनंतर त्याला ऑस्ट्रेलियाच्या अंडर-१९ संघात स्थान मिळाले.
खेळाची वेगळी पद्धत आणि शिस्त
नील पटेल हा केवळ क्रीझवर जास्त वेळ टिकून राहत नाही, तर चांगल्या वेगाने धावा काढण्यातही पटाईत आहे. फलंदाजीसोबतच तो स्वतःच्या खेळाचे बारीक निरीक्षण करतो. प्रत्येक सामन्यानंतर तो आपल्या खेळाची एक डायरी किंवा रेकॉर्ड तयार करतो, ज्यामध्ये काय चांगले झाले, कुठे चुका झाल्या आणि पुढील सामन्यात काय सुधारणा करायची आहे, या सर्वांची तो नोंद ठेवतो. त्याची हीच सवय त्याला इतर खेळाडूंपेक्षा वेगळे बनवते.
भविष्यातील मोठ्या स्टार्समधील रोमांचक लढत
एका बाजूला भारताचा १५ वर्षांचा वैभव सूर्यवंशी आहे, ज्याने सर्वात कमी वयात आंतरराष्ट्रीय स्तरावर अर्धशतक ठोकण्याचा विक्रम केला आहे. तर दुसऱ्या बाजूला ऑस्ट्रेलियाने १६ वर्षांच्या नील पटेलवर मोठा विश्वास दाखवला आहे. त्यामुळे १३ सप्टेंबरपासून सुरू होणारी ही मालिका केवळ दोन देशांमधील खेळ न राहता, भविष्यातील दोन मोठ्या क्रिकेट स्टार्समधील एक रोमांचक लढत ठरणार आहे. दोघांचेही खेळ या सामन्यांमध्ये कसे राहतात आणि ते कितीवेळा एकमेकांसमोर उभे राहतात? याकडे सर्वांचे लक्ष असणार आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा