Pune News : पुणे जिल्ह्यातील आंबेगाव तालुक्याच्या सरहद्दीवरील वडगाव पीर येथील स्मशानभूमीत अंत्यसंस्कारादरम्यान धक्कादायक प्रकार घडल्याचं समोर आलं आहे.
नेमकी घटना काय?
वडगाव पीर येथील स्थानिक स्मशानभूमीत एका मृतदेहावर अंत्यसंस्कार करण्यासाठी नातेवाईक आणि ग्रामस्थ मोठ्या संख्येनं जमले होते. उपस्थित लोक साश्रू नयनांनी आपल्या जवळच्या व्यक्तीला अखेरचा निरोप देण्याच्या तयारीत होते. सर्व विधी अत्यंत शोकाकूल वातावरणात आणि शांततेत सुरू होते. मात्र, कोणालाही काही समजण्याच्या आतच स्मशानभूमीच्या परिसरात असलेल्या एका मोठ्या झाडावरील मधमाशांचे मोहोळ अचानक उठलं. शांतता भंग पावली आणि हजारो संतप्त मधमाशांनी अचानक अंत्यविधीसाठी जमलेल्या जनसमुदायावर जोरदार हल्ला चढवला. हा हल्ला इतका अनपेक्षित आणि भीषण होता की, अवघ्या काही सेकंदांतच तिथे एकच हाहाकार उडाला. दुःखद प्रसंगात बुडालेल्या लोकांवर अचानक स्वतःचा जीव वाचवण्याची वेळ आली.
Pune Crime : ऑनलाईन औषध मागवून घरभर धूर केला, पिंपरीत उच्चशिक्षित कुटुंबाचा वेदनादायी अंत, पित्यामागून मायलेकही मृत्युमुखी
मृतदेह काही काळ चितेजवळच
मधमाशांच्या या भयंकर हल्ल्यापासून बचाव करण्यासाठी मिळेल त्या दिशेने लोकांनी धाव घेतली. या अभूतपूर्व गोंधळात आणि स्वतःचा जीव वाचवण्याच्या धडपडीत, ज्यांच्यावर अंत्यसंस्कार होणार होते, तो मृतदेह काही काळ तिथेच चितेजवळ पडून होता. नातेवाईक आणि ग्रामस्थांची अक्षरशः पळापळ झाली. सुदैवाने या जीवघेण्या धावपळीत कोणतीही जीवितहानी झाली नाही, हीच एक मोठी दिलासादायक बाब ठरली. मात्र, स्वतःचा बचाव करताना अनेक नागरिकांना मधमाशांनी कडाडून चावा घेतल्यानं ते जखमी झाले. या जखमींना तातडीनं जवळच्या स्थानिक रुग्णालयात दाखल करण्यात आलं. वैद्यकीय पथकानं तातडीने उपचार केल्यामुळे सध्या सर्व जखमींची प्रकृती स्थिर आणि धोक्याबाहेर असल्याची माहिती मिळाली आहे.Pune Crime : नोकरी गेल्यानंतर आर्थिक अडचण, राहतं घरही गेलं, पुण्यात कुटुंबाचा टोकाचा निर्णय, वडिलांचा करुण अंत; घरात धक्कादायक गोष्टी सापडल्या
एकत्र येत अंत्यसंस्कार पूर्ण केले
स्मशानभूमीतील धावपळ थांबल्यानंतर आणि स्मशानभूमी परिसरातील मधमाशांचा प्रादुर्भाव थोडा निवळल्यानंतर, काही धाडसी ग्रामस्थांनी पुन्हा एकत्र येत राहिलेले अंत्यसंस्कार पूर्ण केले. एकीकडे जवळचा व्यक्ती गमावल्याचं दुःख आणि दुसरीकडे मधमाशांचा जीवघेणा हल्ला, यामुळे वडगाव पीर मधील ग्रामस्थ चांगलेच धास्तावले आहेत. सार्वजनिक आणि अत्यंत संवेदनशील असलेल्या स्मशानभूमी परिसरात अशा धोकादायक मधमाशांच्या मोहोळांचा प्रशासनाने तातडीने बंदोबस्त करावा. तसेच, भविष्यात अशा दुर्दैवी घटनांची पुनरावृत्ती टाळण्यासाठी योग्य ती खबरदारी घ्यावी, अशी मागणी आता स्थानिकांकडून करण्यात येत आहे.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा
