यांना समाजातून हाकलून द्या, दिवसभर घोषणाबाजी अन् रात्री पार्ट्या, ते आंदोलन नव्हे कट होता; अभिनेते मुकेश खन्नांचा घणाघाती आरोप

काही आंदोलकांनी पंतप्रधान नरेंद्र मोदी आणि त्यांच्या मातोश्रींबद्दल वापरलेल्या आक्षेपार्ह आणि असभ्य भाषेवर ज्येष्ठ अभिनेते मुकेश खन्ना यांनी टीका केली. ‘कॉकरोच जनता पार्टी‘ आणि या आंदोलनाला पाठिंबा देणाऱ्यांवर निशाणा साधत खन्ना यांनी, “असे लोक खऱ्या विद्यार्थ्यांचं प्रतिनिधित्व करत नाहीत. यांना समाजातून हाकलून दिलं पाहिजे,” अशी संतप्त प्रतिक्रियाही दिली आहे.

Sachin Goswami: जरा मेंदू ताब्यात घ्या,वापरा, फ्रेश वाटतं; ‘महाराष्ट्राची हास्यजत्रा’ फेम सचिन गोस्वामींनी सांगितली रामराज्याची व्याख्या
“हा तर कट, विद्यार्थी अशी भाषा वापरत नाहीत”
सोशल मीडियावर एक व्हिडिओ शेअर करत अभिनेते मुकेश खन्ना यांनी आपला राग व्यक्त केला. ते म्हणाले की, मी सध्या भारताबाहेर असलो तरी सोशल मीडियाच्या माध्यमातून देशातील घडामोडींवर माझी बारीक लक्ष ठेवून आहे. NEET परीक्षा किंवा पेपर फुटीच्या मुद्द्यावरून आंदोलन करणाऱ्या खऱ्या विद्यार्थ्यांबद्दल मला सहानुभूती आहे. पण आंदोलनाच्या नावाखाली पंतप्रधान आणि त्यांच्या दिवंगत मातोश्रींबद्दल ज्या प्रकारे अत्यंत नीच आणि गलिच्छ भाषेचा वापर करण्यात आला, ते पाहून माझे मन हेलावलं आहे.”

मुकेश खन्ना यांनी पुढं दावा केला की, हे आंदोलन उत्स्फूर्त नसून पूर्णपणे नियोजीत होतं आणि यामागे मोठे राजकीय हेतू होते. हे लोक सरकार पाडण्याचे मनसुबे घेऊन आले होते. दिवसभर घोषणाबाजी करायची, शिवीगाळ करायची आणि रात्री पार्ट्या करायच्या, हे खऱ्या विद्यार्थ्यांचं लक्षण असू शकत नाही. पैशांसाठी देशात अस्थिरता निर्माण करू पाहणाऱ्यांचा हा कट आहे, असा घणाघाती आरोपही त्यांनी केला.

Munmun Dutta on Discrimination: मान-सन्मान मिळतो ना कामाचं श्रेय; महिला कलाकारांसोबत भेदभाव होतोच, मुनमुन दत्तानं केली इंडस्ट्रीची पोलखोल