Sameer Khandekar On Daughter School : अभिनेता समीर खांडेकर आणि त्याच्या पत्नीला मुलीला मराठी शाळेतच शिकवायचे होते. त्यासाठी दोघांनी मोठा निर्णय घेतला.
समीर खांडेकर ने दिलेल्या एका मुलाखतीमध्ये सांगितलं की मी मूळचा लालबाग गिरणगाव मधला आहे. मधली दहा वर्ष म्हणजेच 2015 ते 2025 मध्ये लग्नानंतर मी बोरिवलीला राहायला गेलो. तिथे सतराव्या माळ्यावर मोठं छान घर होतं. पण कधी बांद्राच्या पुढे आलो की माझ्या डोळ्यांमध्ये पाणी यायचं. वांद्रेच्याच्या पुढचा बाकी व गिरणगाव वगैरे माझ्या डोक्यातून जात नव्हता. माझे सगळे विचार मित्र वगैरे सगळेच इकडचे आहे. पुढे माझी मुलगी मोठी झाली. तिच्यासाठी आम्हाला शाळा बघायची होती. आम्ही दोघं एकाच विचाराचे आहोत त्यामुळे आम्हाला तिच्यासाठी मराठीच शाळा हवी होती. मग आम्हाला गोरेगाव मधील अभी गोरेगावकर ही शाळा सापडली. तिला तिथे ऍडमिशन घेता यावं यासाठी आम्ही बोरिवली सोडून गोरेगाव मध्ये शिफ्ट व्हायचं ठरवलं. शाळेचा फॉर्म वगैरे भरला ऍडमिशन झालं.
Shakuntala Nare : इंडस्ट्रीतल्या नामांकित नेपथ्यकाराने घातला 23 लाखांना गंडा! रात्रीस खेळ चाले फेम माईंनी सांगितली कटू आठवण
पण एका दिवशी माझ्या डोक्यात विचारायला की आपण बोरिवली मधून गोरेगाव मध्ये जाऊ शकतो तर अजून पुढे का नाही. मग अचानक एके दिवशी डोक्यात बालमोहन विद्यामंदिर शाळेचा विचार आला. मी माझ्या एका मित्राला फोन केला आणि त्याला ऍडमिशन बद्दल विचारलं पण तेव्हा सर्व ऍडमिशन झाले होते. तरीही मी तिथल्या सरांना भेटलो आणि त्यांना सांगितलं की मला माझ्या मुलीसाठी मराठी माध्यमात ऍडमिशन हवं आहे. लगेचच दुसऱ्या दिवशी आम्ही तिच्या शाळेसाठी फॉर्म भरला आणि ऍडमिशन घेतलं. मग मला माझी पत्नी अचानक म्हणाली की खांडेकर आता दादरना… तेव्हा माझ्या लक्षात आलं की आपण ऍडमिशन तर घेतलं पण आता इथे शिफ्ट व्हावं लागेल. मुलीच्या शाळेतल्या शिक्षकांनी सुद्धा मला सल्ला दिला की शक्यतो तुमचे पाल्य सायकलने शाळेत येऊ शकेल असं घर बघा.
समीर खांडेकर पुढे म्हणाला की, मग आम्ही पार्काच्या इकडेच भाड्याने घर घेऊन राहिलो. त्यावेळीही आमचं रेस्टॉरंटच प्लॅनिंग सुरूच होतं. तेव्हा मी वांद्रे वगैरे ठिकाणी कॅफे उघडायचं विचार करत होतो. पण नंतर आमचं एक मत झालं की आता आपलं सगळं पुढे दादरमध्ये असणार आहे त्यामुळे रेस्टॉरंट सुद्धा दादरमध्ये सुरू करायचं. मग आम्ही दादर मधल्या सगळ्या जागा पिंजून काढल्या. मग आम्ही चार पावला मागे यायचा विचार केला. पहिला विकतचा घर होतं पण दादर मध्ये भाड्याने राहायला आलो. रेस्टॉरंट वर फोकस केला. पण नियतीला काही वेगळंच मान्य होतं त्यामुळे आमचा दादरमध्ये सुद्धा स्वतःचा विकतच घर मिळालं. त्यानंतर या रेस्टॉरंट साठी एक गुजराती बंधू आहेत गोयल म्हणून त्यांनी ही जागा दिली. तो फक्त नावाला गुजराती आहे बाकी बाबूजींची नाटकं मराठीतून पाहिलेला अगदी मराठमोळा गुजराती माणूस आहे. त्यांनीही जागा अगदी सढळ हस्ते दिली…
Riteish Deshmukh : हा काय बाबा मुख्यमंत्र्यांचा मुलगा, याला सगळंच आयतं मिळणार!, करिअरच्या सुरुवातीला रितेश देशमुखवर टोमण्यांचा मारा, भावुक आठवण
त्यामुळे आज दादरमध्ये मुलीची शाळा झाली, स्वतःचा विकतच घर झालं आणि इथेच मराठमोळ रेस्टॉरंट सुद्धा उभं राहिलं. या सर्व गोष्टी अगदी सहा महिन्यात भराभर घडल्या. एखादी गोष्ट मनापासून मिळवायची ठरवली किती मिळतेच असं माझं झालं यामध्ये मला माझ्या आईची आणि पत्नीची खंबीर साथ मिळाली. राजश्री मराठीला दिलेल्या मुलाखतीत समीर खांडेकरने हा किस्सा सांगितला.
समीरच्या कामाबद्दल बोलायचे झाल्यास काहे दिया परदेस या मालिकेतून त्याला खरी ओळख मिळाली. त्यानंतर त्याने लव्ह लग्न लोचा, ती परत आलीय, हम बने तुम बने, हास्यजत्रा यांसारख्या मालिकांमध्ये काम केले. काही सिनेमांमध्ये सुद्धा त्याने महत्वपूर्ण भूमिका साकारल्या. तसेच युट्युब सीरिजमध्ये सुद्धा तो गाजतोय.
लेखकाबद्दलआकांक्षा तळेकरआकांक्षा तळेकर महाराष्ट्र टाइम्स ऑनलाइनमध्ये कन्सल्टन्ट या पदावर कार्यरत आहे. फेब्रुवारी 2023 मध्ये मटा ऑनलाइनमध्ये काम करण्यास सुरूवात केली. तेव्हापासून मनोरंजन, फिल्म इंडस्ट्री विषयक बातम्या लिहिण्यात हातखंडा आहे. तसेच कलाकारांच्या मुलाखती घेणे, वेगवेगळ्या इव्हेंटला उपस्थित राहून तेथील महत्वाच्या बातम्या करणे, सेट व्हिजिट देऊन त्यावर आर्टिकल बनवण्याचा अनुभव आहे.
पत्रकारितेतील अनुभव
आकांक्षा तळेकर यांचा पत्रकारितेच्या अनुभवाची सुरुवात सामना या वृत्तपत्रापासून झाली. तिथे इंटर्नशीप करताना बातम्यांचा पाया काय असतो इथपासून ते अचूक बातम्यांची निवड कशी करावी या गोष्टी शिकून घेतल्या. त्यानंतर लोकशाही वाहिनीवर दुसरी इंटर्नशीप केली आणि मग तिथेच 6 महिने टिकर ऑपरेटर म्हणून काम केले. यावेळी ब्रेकिंग न्यूज करताना प्रेक्षकांना वाचण्यासाठी कोणते शब्द महत्वाचे असतात, किंवा पत्रकारितेमधले शब्द आणि सामान्य आयुष्यातले शब्द यांच्यातील तफावत शिकता आली. लोकशाही वृत्तवाहिनीमध्ये व्हायरल शोसाठी स्क्रिप्ट लिखाणही केले आहे. हे करत असताना विविध व्हायरल व्हिडिओंपाठी नेमकं सत्य काय हे शोधण्याची सवय लागली. त्यामुळे एखादी बातमी करताना त्याचा ठोस पाठपुरावा करावा हे शिकण्यात आले.
लोकशाहीनंतर मुक्तपीठ या वेबपोर्टलसाठी काही काळ काम केले. तिथे व्हिडिओ बनवणे, कॅमेऱ्यासमोर वृत्तवाचन करणे आदी काम केली. या सर्व गोष्टी करत असताना मेघा मराठी या मनोरंजन विषयक वेबपोर्टलसाठी रोज आर्टिकल लिहिण्याचे काम सुरू होते. त्यामध्ये बॉलिवूड किंवा मराठी इंडस्ट्रीमध्ये लेटेस्ट घडणाऱ्या घडामोडी आर्टिकल स्वरुपात दिल्या.
करोनाच्या काळात बृहन्मुंबई महानगरपालिकेच्या व्हॅक्सिन सेंटरमध्ये डेटा ऑपरेटर म्हणून दीड वर्ष कार्य केले. त्यावेळी सर्वसामान्य व्यक्ती, त्यांचे स्वभाव आणि अडीअडचणी जवळून जाणता आल्या. हे काम करत असताना विविध राजकिय पक्षांसंबंधित लोकांशी सतत संपर्क होत होत्या. त्यामुळे राजकारणात काय चालू असते याची थोडीफार जाण झाली ज्याचा उपयोग पुढे पत्रकारितेमद्ये झाला.
त्यानंतर हेमा मालिनी संपादक असलेल्या मेरी सहेली या मासिकाची मराठी आवृत्ती माझी सहेली मध्ये 3 वर्षे काम केले आहे. माझी सहेलीमध्ये मनोरंजन विषय कोलम लिहिणे तसेच पॉडकास्टमध्ये वेगवेगळ्या विषयांचे संशोधन करणे, मुलाखतींसाठी प्रश्न तयार करण्याचे काम केले. सध्या महाराष्ट्रा टाइम्स ऑनलाइनध्ये मनोरंजन सिनेसृष्टीविषय बातम्या करणे, गाजलेल्या मालिकांचे अपडेट्स देणे, कलाकारांच्या महत्वाच्या सोशल मीडियावर पोस्टबाबत बातमी तयार करुन ती वाचकांपर्यंत पोहचवण्याचे काम करत आहेत. तसेच मालिका किंवा सिनेमांच्या प्रेस कॉन्फरन्समध्ये जाऊन कलाकारांच्या मुलाखती घेण्याचा अनुभव आहे. मनोरंजन विषयाशिवाय क्राइम आणि व्हायरल व्हिडिओवरुन बातम्या करण्याचीही आवड आहे.
शैक्षणिक माहिती
आकांक्षा तळेकर यांनी पार्ले टिळक विद्यालयातून शालेय शिक्षण पूर्ण केले. त्यानंतर साठ्ये महाविद्यालयात विज्ञान शाखेतून 12 वी दिली. पुढे साठ्ये महाविद्यालयातच BMM हा स्पेशल कोर्स केला आणि त्यात पत्रकारितेची पदवी मिळवली.… आणखी वाचा
