Ujjwal Chopra Microdrama Tring Tring:मनोरंजनाच्या सर्व माध्यमांवर अभिनेता उज्ज्वल चोप्रा यानं प्रभावी काम केलं आहे. अलीकडे आलेल्या क्विक टीव्हीवरील’ट्रिंग ट्रिंग’ या मायक्रोड्रामामध्ये तो मुख्य भूमिकेत झळकला. यानिमित्त त्याचं रंगभूमीविषयी असलेलं नातं, मायक्रोड्रामा या प्रकाराविषयीची निरीक्षणं आणि विविध माध्यमांवरील आव्हानं या मुद्द्यांवर तो व्यक्त झाला.
‘ट्रिंग ट्रिंग’ या मायक्रोड्रामाच्या अनुभवाविषयी सांगा.
भविष्यातील जीवन, टाइम ट्रॅव्हल मशीन अशा संकल्पना दाखवणारे चित्रपट पाहत आपण सगळे मोठे झालो आहोत. क्विक टीव्हीवरील’ट्रिंग ट्रिंग’ ही एक पूर्णपणे काल्पनिक कथा असून तिची संकल्पना वेगळी आहे. ‘ट्रिंग ट्रिंग’ या मायक्रोड्रामामध्ये कल्पनाशक्ती आणि भविष्याभिमुख विचार आहे.
मायक्रोड्रामा प्रेक्षकांवर अधिक प्रभाव पाडण्यात यशस्वी ठरतोय का ?
मायक्रोड्रामा हे अत्यंत प्रभावी आणि शक्तिशाली माध्यम आहे. मी लहान असताना टीव्ही हळूहळू गावागावांत पोहोचला आणि ते सर्वसामान्यांचं माध्यम झालं, तरीही या माध्यमाचा पुरेसा वापर झाला नाही.
प्रेक्षकांच्या अपेक्षांनुसार दर्जेदार आशय देण्यात आणि त्यांना सोबत घेऊन जाण्यात आपण काही प्रमाणात कमी पडलो. आपण या मायक्रोड्रामा माध्यमाचा योग्य वापर केला नाही, तर त्या बाबतीतही असंच काहीसं होऊ शकतं, पण हे माध्यम मोठ्या प्रमाणावर आशयपूर्ण विषय तयार करून तो अधिकाधिक प्रेक्षकांपर्यंत तो पोहोचवू शकतो.
Bhootam Bhayyam: चित्रपटाचं पोस्टर व्हायरल, मराठी सिनेइंडस्ट्रीतल्या अभिनेत्रीला ओळखणंही झालं कठीण
Ajinkya Raut Interview : मी गौतम बुद्धांच्या भूमिकेत, अभिनेता अजिंक्य राऊतला पडायचं स्वप्न
चित्रपट, दूरदर्शन आणि वेब सीरिजसारख्या विविध माध्यमांमध्ये अभिनयाची शैली कशी बदलते ?
प्रत्येक माध्यमात पात्र उभं करण्याची पद्धत वेगळी असते. सिनेमामध्ये अभिनय करताना कॅमेरा तुमच्या चेहऱ्यावर २०-३० सेकंद स्थिर राहतो, त्यामुळे तुमच्या भावना, हावभाव प्रेक्षकांपर्यंत अचूक पोहोचतात. मात्र मायक्रोड्रामामध्ये तशी मोकळीक नसते, त्याचं स्वरूप वेगळं आहे. तिथे सगळं फार वेगानं होतं. अशा वेळी मला रंगभूमीच्या प्रशिक्षणाचा खूप फायदा झाला. मायक्रोड्रामाचे भाग साधारण दोन ते अडीच मिनिटांचे असतात. त्यामुळे कथेमधील थरार आणि उत्कंठा कायम राखणं गरजेचं असतं.
विशिष्ट कालखंडातील भूमिका साकारताना प्रत्येकाचं वेगळेपण कसं जपलं ?
‘पद्मावत’ सारख्या ऐतिहासिक चित्रपटात काम करताना त्या काळात स्वतःला घेऊन जावं लागतं. त्या वेळच्या लोकांचा पेहराव, वागणं, जीवनशैली हे समजून घ्यावं लागतं. त्या काळाचा सखोल अभ्यास करावा लागतो. अभिनय ही रंजक प्रक्रिया आहे. एकदा तुम्ही त्या प्रक्रियेत रमलात की, बाकी सर्व गोष्टींचा विसर पडतो.
रंगभूमी आणि जाहिरात क्षेत्रात कलाकाराला स्वतःचे विचार मांडण्याचं आणि नव्या कल्पना सुचवण्याचं अधिक स्वातंत्र्य मिळतं. सिनेमामध्ये हे बरंचसं दिग्दर्शकावर अवलंबून असतं; कारण प्रत्येक दिग्दर्शकाची काम करण्याची पद्धत आणि दृष्टिकोन वेगळा असतो.
लेखकाबद्दलभाग्यश्री रसाळ“भाग्यश्री चंद्रकांत रसाळ, महाराष्ट्र टाइम्स ऑनलाइनमध्ये प्रिन्सिपल डिजिटल कंटेंट प्रोड्युसर या पदावर कार्यरत आहे. दोन महिन्यांसाठी इंटर्न म्हणून इथे सुरू झालेला हा त्यांचा प्रवास हा प्रिन्सिपल डिजिटल कंटेंट प्रोड्युसर या पदापर्यंत पोहोचला आहे. या नऊ वर्षांच्या करिअरमध्ये त्यांनी कॉपी एडिटर, सिनिअर कॉपी एडिटर, डिजिटल कंटेंट प्रोड्युसर, सिनिअर डिजिटल कंटेंट प्रोड्युसर या वेगवेगळ्या पदांवर केले.
जनरल बातम्यांसोबत त्यांचा सुरू झालेला हा प्रवास लाइफस्टाइल, ऑटो, टेक अशा बातम्यांसोबत आता मनोरंजन क्षेत्रातल्या बातम्यांपर्यंत आला आहे. डिजिटल प्लॅटफॉर्मवर वाचकांची नस ओळखून आशय म्हणजेच कंटेंट तयार करण्यात हातखंडा आहे.
गेल्या तीन वर्षापासून मनोरंजन टीम हाताळताना या क्षेत्रातल्या बऱ्याच गोष्टी त्यांना नव्याने शिकता आल्या. तसेच टीममधील इतरांसोबत ते अनुभव शेअर करता आले. या अनुभवांच्या जोरावर काम करतना त्यातून सर्वोत्तम निकालही त्यांना मिळवता आला. डिजिटल क्षेत्रात काम करताना प्रेक्षकांची दिशाभूल न करता पेज व्ह्यूज, युझर्सच्या स्पर्धेतही टिकून राहत राहण्यात त्यांचं विशेष कौशल्य आहे. या क्षेत्रातील नवनवीन गोष्टी, रंजकपणे वाचकांना समजेल अशा सोप्या भाषेत पोहोचवण्यासीठी त्या प्रयत्नशील असतात. त्यांनी सिनेइंडस्ट्रीतल्या फिल्मफेअर, मटा सन्मान यांसारख्या मानाच्या पुरस्कार सोहळ्यांचे लाइव्ह डिजिटल वार्तांकन केले आहे.
विविध विषयांवरच्या बातम्यांच्या लिखाणासोबतच सोशल मिडिया सांभाळण्याचा अनुभव.डिजिटल दिवाळी अंक, महिला दिन विशेष कव्हरेजमध्ये सहभाग. केंद्रीय अर्थसंकल्प, सेलिब्रिटींचे निधन अशा काळत सोशल मीडिया एकहाती हाताळण्याचा अनुभव. कामाची घेत दखल संस्थेअंतर्गतील वेगवेगळ्या तीन पुरस्कारांनी गौरव. काम करत असतानाच संस्थेअंतर्गत काही कौशल्य कोर्सेसही पूर्ण केले. यात फोटो शॉपसह इतक सॉफ्टवेअर शिकण्याची संधी मिळाली.त्यांनी केवळ मनोरंजनच नव्हे, तर ‘आईपणाचं डिप्रेशन’ (Postpartum Depression) यांसारख्या गंभीर आणि संवेदनशील सामाजिक विषयांवरही ब्लॉग लेखन केलं, ज्याला वाचकांचा मोठा प्रतिसाद मिळाला होता.
पुरस्कार आणि गौरव
त्यांच्या कामाची दखल घेऊन त्यांना आतापर्यंत संस्थेअंतर्गत तीन पुरस्कारांनी गौरवण्यात आले आहे.
शैक्षणिक पात्रता
SNDT विद्यापिठातून बॅचलर ऑफ मास मिडिया पूर्ण केले आहे. या काळात मनोरंजन क्षेत्राशी जवळून ओळख झाली. आणि नंतर मुंबई विद्यापिठातून पत्रकारिता विषयात पदव्युत्तर पदवी संपादन केली.
आजच्या काळात जेव्हा माहितीचा ओघ प्रचंड आहे, तेव्हा विश्वासार्ह आणि रंजक माहिती देण्याचे काम भाग्यश्री रसाळ पार पाडत आहेत.… आणखी वाचा
