भारतीय घरांमध्ये विजेचा लपंडाव आणि व्होल्टेजचा सतत होणारा चढ-उतार ही एक सामान्य समस्या आहे. अशा वेळी 24 तास सुरू राहणाऱ्या फ्रीजचा कॉम्प्रेसर जळण्याचा मोठा धोका असतो. हाच महागडा खर्च टाळण्यासाठी तुमच्या फ्रीजच्या साठवणूक क्षमतेनुसार (Liters) योग्य आणि मजबूत बाह्य व्होल्टेज स्टॅबिलायझर कसा निवडावा, याबद्दलची सविस्तर माहिती येथे दिली आहे. चला तर मग जाणून घेऊया.
तुमच्या फ्रीजसाठी योग्य व्होल्टेज स्टॅबिलायझर कसा निवडावा?
घरगुती उपकरणांमध्ये फ्रीज हा एक असा महत्त्वाचा आहे, जो वर्षाचे 365 दिवस आणि 24 तास सतत सुरू असतो. फ्रीज सतत सुरू राहत असल्यामुळे त्याला अखंडित आणि स्थिर वीजपुरवठ्याची अत्यंत गरज असते. भारतीय घरांमध्ये विजेचा लपंडाव आणि व्होल्टेजचा सतत होणारा चढ-उतार ही एक अत्यंत सामान्य समस्या आहे. व्होल्टेज अचानक खूप जास्त वाढणे किंवा अचानक खूप कमी होणे, यामुळे फ्रीजचा सर्वात महत्त्वाचा भाग असलेला त्याचा ‘कॉम्प्रेसर’ जळून खाक होऊ शकतो. कॉम्प्रेसर दुरुस्त करण्याचा किंवा नवीन टाकण्याचा खर्च खूप जास्त असतो. हाच महागडा खर्च वाचवण्यासाठी आणि फ्रीजचे लाईफ वाढवण्यासाठी एक योग्य क्षमतेचा बाह्य व्होल्टेज स्टॅबिलायझर लावणे हाच सर्वात सुरक्षित आणि तांत्रिकदृष्ट्या योग्य मार्ग आहे. (REF.)
फ्रीजच्या साठवणूक क्षमतेनुसार निवड
- 300 लिटरपर्यंतचे फ्रीज: जर तुमचा फ्रीज 150 ते 300 लिटर या दरम्यानचा असेल, तर 2 एम्पिअर (2 Amps) करंट पेलण्याची क्षमता असलेला स्टॅबिलायझर अगदी पुरेसा ठरतो. हा स्टॅबिलायझर कॉम्प्रेसरला लागणारी सुरुवातीची वीज सहज नियंत्रित करतो.
- 300 ते 600 लिटरपर्यंतचे फ्रीज: मोठ्या आकाराच्या डबल-डोअर किंवा साइड-बाय-साइड फ्रिजचे कॉम्प्रेसर आकाराने मोठे असतात. त्यांना सुरू होण्यासाठी सुरुवातीला जास्त ऊर्जेची गरज असते. अशा फ्रीजसाठी ४ एम्पिअर क्षमतेचा स्टॅबिलायझर वापरणे योग्य असते.
- 600 लिटरपेक्षा मोठे किंवा मल्टी-डोअर फ्रीज: अतिशय मोठ्या क्षमतेच्या आणि अत्याधुनिक कमर्शियल प्रकारच्या फ्रिजसाठी उच्च कार्यक्षमता असलेला प्रगत स्टॅबिलायझर निवडावा लागतो.
वर्किंग रेंज समजून घ्या
शहरी किंवा सामान्य भागांसाठी: ज्या भागात वीज जास्त डीम होत नाही, तिथे 135V ते 280V ची वर्किंग रेंज असलेला स्टॅबिलायझर उत्तम काम करतो. म्हणजेच वीज 135 व्होल्टच्या खाली गेल्यास तो फ्रीजला सुरक्षित ठेवण्यासाठी वीज कट करतो.
ग्रामीण किंवा अति-फ्लक्चुएशन भागांसाठी: ज्या ग्रामीण किंवा निमशहरी भागात वीज वारंवार खूप जास्त डीम (कमी) होते, तिथे 90V ते 290V किंवा 100V ते 280V अशी ‘वाईड वर्किंग रेंज’ असलेला स्टॅबिलायझर लावणे अनिवार्य आहे. हा कमीत कमी व्होल्टेजमध्येही फ्रिजला आवश्यक तितकी स्थिर वीज पुरवतो.
लेखकाबद्दलशुभम कुलकर्णीशुभम कुलकर्णी जवळपास 6 वर्षांपासून मराठी माध्यमांमध्ये काम करतोय. आकाशवाणी (छत्रपती संभाजीनगर) पासून माध्यम क्षेत्रात कामाला सुरुवात केली. एका मुखपत्रासह मुंबईतील नामांकित मराठी वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली. शुभमला राजधानी दिल्लीतही बातमीवर संस्कार करण्याची संधी मिळाली. राजकारण, व्यापार-उद्योग, क्रीडा, तंत्रज्ञान, ऑटो या विषयावर लिहायला त्याला आवडतं. निसर्गाच्या सानिध्यात बसायला, फावल्या वेळेत चित्रपट, वेब सिरीज पाहाण्याचा शुभमचा छंद आहे.… आणखी वाचा