Mohammed Kaif On Rohit Sharma : रोहित शर्माच्या लॉर्ड्स मैदानावरील तडाखेबाज शतकानंतर त्याने टीकाकारांना तर जोरदार उत्तर दिलेच त्याशिवाय त्याने निवडकर्त्यांनाही थेट मेसेज दिला आहे. आपण स्वतः निवृत्त होणार नाही, असाच हा संदेश आहे, असं दिग्गज माजी क्रिकेटर म्हणाला आहे.
रोहितने दिला बीसीसीआयला मेसेज
भारताचा माजी क्रिकेटर मोहम्मद कैफ याने या सगळ्याप्रकरणावर भाष्य केले आहे. त्याच्या म्हणण्यांनुसार रोहितने त्याच्या धमाकेदार शतकातून निवडकर्ते आणि टीम मॅनेजमेंटला एक थेट संदेश दिला आहे. त्याच्या यूट्यूब चॅनेलवरील कार्यक्रमात बोलताना कैफ म्हणाला की, “रोहित शर्माने त्याच्या खेळीतून एक गोष्ट आता स्पष्ट केली आहे, ती म्हणजे की जर माझा खेळ चांगला होत नसेल तर तुम्ही निर्णय घ्या आणि मला ड्रॉप करा. त्याचा स्वतः सन्यास न घेणं, मैदानावरील त्याचा उत्साह आणि ज्या आक्रमक अंदाजात त्याने लॉर्ड्सवर शतक ठोकलं, त्यातून स्पष्ट होत आहे की त्याचे सर्व लक्ष फक्त आणि फक्त खेळावर आहे. त्यानंतरही जर निवडकर्त्यांना त्याच्याबद्दल काही निर्णय घ्यायचा असेल तर तो त्यांचा निर्णय असणार आहे”
टीम मॅनेजमेंटकडून स्पष्टतेची गरज
कैफच्या मते रोहितबद्दल अनेक समज तयार झाले आहेत. त्याला खेळवायचे की नाही, त्याला निवृत्ती देण्यात येणार की नाही, याबद्दल कोणतीही स्पष्टता दिसत नाही. त्यामुळे टीम मॅनेजमेंटने याची काळजी घ्यावी आणि स्पष्टता दाखवावी. कैफ पुढे म्हणाला की, “अनेकदा कोचिंग स्टाफमधील सदस्य सांगतात की आम्ही रोहितला नैसर्गिक खेळ खेळण्यासाठी पूर्ण स्वातंत्र्य दिले आहे. पण कोणीच आतापर्यंत पुढे येऊन हे स्पष्ट केलं नाही, की रोहित शर्मा २०२७ चा वर्ल्डकप खेळणार आहे. यापद्धतीचे वक्तव्य कोणाकडूनही होणे हे खूप गरजेचे आहे. फॉर्म येईल जाईल, पण टीम मॅनेजमेंटला रोहितच्या पाठीशी मजबुतपणे उभे आहोत, असे सांगावे लागेल. याने फरक पडतो.”
त्याने पुढे सांगितले की, अशा प्रकारचे कोणतेही कोणाचेही वक्तव्य समोर आलेले नाही. त्यामुळे चाहत्यांमध्ये अनेक संभ्रम तयार झाले आहेत. “बाहेरच्या लोकांना अंतर्गत घडामोडी काय सुरु आहेत, हे कसे समजणार? पण मला असं वाटतं की आता रोहितने स्वतः मनाची तयारी केली आहे, की तो मागे हटणार नाही.” त्यामुळे आता येणाऱ्या काळात काय घडणार याकडे सर्व क्रिकेटप्रेमींचं लक्ष लागलेलं आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
