IND vs AFG T20 Series News : भारत आणि अफगाणिस्तान टी-२० मालिकेचे शेड्यूल समोर आले आहे. बेबी बॉस वैभव सूर्यवंशी लवकरच चाहत्यांना मैदानात दिसणार आहे. हे सामने केव्हा आणि कुठे होणार आहेत जाणून घ्या.
भारत आणि अफगाणिस्तानमधीलटी-२० मालिकेला १३ सप्टेंबरपासून सुरूवात होणार असून तिन्ही सामने दिल्लीमधील अरूण जेटली स्टेडियममध्ये पार पडणार आहेत. या दौऱ्यामुळे बांगलादेशचा दौरा भारतीय क्रिकेट संघ करणार नाही असेच दिसत आहे. कारण १ सप्टेंबर ते १३ सप्टेंबरमधील व्हाईट बॉल क्रिकेट मालिकेसाठी बांगलादेश क्रिकेट बोर्डाने प्रस्ताव ठेवलेला होता. या मालिकेत वनडे किंवा टी-२० सामने होणार होते. परंतु आता १३ तारखेलाच भारत आणि अफगाणिस्तानमधील पहिला टी-२० सामना पार पडणार आहे.
Team India : भारतासाठी फक्त एकच सामना खेळलेले 5 प्लेयर पुन्हा कधीच दिसले नाही, RCBच्या हुकमी एक्क्याचाही समावेश, पाहा कोण?
भारत आणि अफगाणिस्तानमधील मालिकेची अधिकृत घोषणा अद्याप बाकी आहे. मात्र अफगाणिस्तानच्या बोर्डाने स्टेडियम आणि तारखांची माहिती देण्यासाठी पत्र पाठवले आहे. जेणेकरून सामन्याच्या ब्रॉडकास्टिंगचे हक्क असलेल्या मीडिया कंपनी पुढील नियोजन करतील.
IND vs SL Test Series : भारताने दोन्ही कसोटी सामने जिंकले तर पॉइंट टेबलमध्ये भरारी नाहीच पण हरल्यावर मोठा फटका, कारण काय? जाणून घ्या
या मालिकेमध्ये भारताचा स्टार खेळाडू वैभव सूर्यवंशी संघात असणार की नाही हे पाहणं महत्त्वाचं ठरणार आहे. आता शेवटी झालेल्या झिम्बाब्वेविरूद्धच्या मालिकेत वैभव सूर्यवंशी मालिकावीर ठरला होता. शेवटच्या सामन्यामध्ये गडी शतकापासून काही धावांनीस दूर राहिला होता. विदेशी दौऱ्यावर त्याने ही कामगिरी केली होती. आता ही मालिका भारतामध्ये आणि एकाच मैदानावर तिन्ही सामने होणार आहेत. आयपीएलमध्ये दिल्लीच्या स्टेडियवर खेळण्याचाही त्याला अनुभव आहे. त्यामुळे वैभवची निवड होईल यात काही शंका वाटत नाही. निवड झाल्यावर वैभवची तुफानी बॅटिंग पाहण्यासाठी सर्व आतुरलेले असतील.
Ajinkya Rahane : काय रे! निवृत्तीनंतर मला पहिला फोन सचिन पाजीचा आलेला, एकच गोष्ट बोलले; अजिंक्य रहाणेचा मोठा खुलासा
दरम्यान, अफगाणिस्तान क्रिकेट बोर्डाने एक सामना १४ सप्टेंबरला ठेवण्याचा प्रस्ताव दिला आहे. पहिला किंवा दुसरा सामना १४ तारखेला शिफ्ट करता येऊ शकतो का असा विचार बीसीसीआयने करावा असं अफगाणिस्तान क्रिकेट बोर्डाने म्हटलं आहे. पण यावर अधिकृत अशी कोणताही माहिती आलेली नाही. सध्या तरी खालील शेड्यूल समोर आले आहे.
भारत आणि अफगाणिस्तान टी-२० मालिका शेड्यूल
पहिला टी-२० सामना- १३ सप्टेंबर
दुसरा टी-२० सामना- १५ सप्टेंबर
तिसरा टी-२० सामना- १७ सप्टेंबर
लेखकाबद्दलहरिश मालुसरे हरिश मालुसरे, महाराष्ट्र टाइम्स ऑनलाइनमध्ये एक्झिक्युटिव्ह कंटेंट प्रॉड्युसर म्हणून कार्यरत आहेत. ते २०२४ पासून मटा ऑनलाइनसोबत जोडले गेले आहेत. गेली सात वर्षे ते विविध मीडिया समूहांमध्ये काम करत आहेत. त्यांना स्पोर्ट्स, क्राइम आणि राजकीय बातम्यांमध्ये विशेष रुची आहे.
पत्रकारितेमधील अनुभव
पुण्यात पत्रकारितेचे शिक्षण घेत असताना झी २४ तास आणि सकाळ या माध्यम समूहांमध्ये इंटर्नशीप केली होती. त्यानंतर मास मीडियाच्या शेवटच्या वर्षाला असताना ‘थोडक्यात’ या वेब पोर्टलमध्ये इंटर्न म्हणून काम केले आहे. त्यानंतर थोडक्यात मध्येच नोकरीची संधी मिळाली, तिथेच काही दिवसांनी शिफ्ट इंचार्ज म्हणून जबाबादारी सांभाळली. यादरम्यान लोकसभा आणि विधानसभा २०१९ निवडणुकांचे टेक्स्ट बातम्यांमधून वार्तांकन केले. मराठी चित्रपटसृष्टीतील ‘श्रीराम समर्थ’ या चित्रपटातील संत रामदासांची भूमिका साकारणारे मराठी अभिनेते शंतून मोघे यांची छोटेखानी मुलाखत घेतली. (लिंक : https://youtu.be/-wsyyekJ-DE?si=SaJ_OC9nUgLFmKXK)
‘थोडक्यात’ नंतर सकाळ डीजिटलमध्ये सोशल मीडिया एक्सेक्युटिव्ह म्हणून काम पाहिले आहे, त्यावेळी टी-२० वर्ल्ड कपचे लाईव्ह करत क्रीडाप्रेमींना माहिती दिली. त्यानंतर ‘पोलीसनामा’मध्ये काम करत असताना सीडीआर वाचून समजून घेत अनेक स्टोरी साध्या आणि सोप्या शब्दात बातमी लेखन केले. यादरम्यान कॉलेज पूर्ण झाल्यावर झी २४ तासमध्ये संधी मिळाली, मुंबईत झी २४ तासमध्ये महाराष्ट्र केसरी कु्स्ती स्पर्धेवर विशेष स्टोरी केल्या आहेत. टीव्ही९ मराठीमध्ये Sub-Editor, Social Media Executive म्हणून काम पाहिले आहे. त्यानंतर २०२४ मध्ये महाराष्ट्र टाइम्स ऑनलाइनमध्ये जॉइन झाले.
महाराष्ट्र टाइम्स ऑनलाइनमध्ये महाराष्ट्र, क्राइम आणि स्पोर्ट्स या तिन्ही सेक्शनमध्ये ट्रेंडनुसार बातमी लेखन करतात. आता पार पडलेल्या विधानसभा निवडणूक आणि निकालांचे कव्हरेज बातम्यांच्या माध्यमातून केले. महापालिका निवडणुकांमध्ये मुंबई, पुणे आणि पिंपरी चिंचवड आणि कोल्हापूर या महत्त्वाच्या जिल्ह्यांचे स्थानिक पातळीवर भागानुसार सविस्तर वार्तांकन केले आहे. महापालिका निवडणुकीमध्ये सायली वांजळे यांची मुलाखत घेतली होती. लिंक: https://youtu.be/Wejw-eMnXqI?si=jyeD36tRboIc9bpJ. त्यासोबतच आता टी-२० वर्ल्ड कप २०२६ चे कव्हरेज पाहत आहेत.
शैक्षणिक पात्रता
हरीश मालुसरे यांचे पदवीपर्यंतचे शिक्षण पुणे जिल्ह्यातील नामांकित आबासाहेब गरवारे महाविद्यालयातून झाले आहे. तिथूनच 2022 साली एम. ए. जर्नलिझम आणि मास कम्युनिकेशनचे शिक्षण पूर्ण केले. त्यांचे मराठी हिंदी आणि इंग्रजी भाषेवर प्रभुत्व असून डिजिटल पत्रकारितेतील सातहून अधिक वर्षांचा अनुभव आहे.… आणखी वाचा
