Nashik News : राज्य सरकारने क्यूआर कोड युक्त स्मार्ट शिधापत्रिका वितरणाचा निर्णय घेतला. याचा प्रारंभ येवल्यात करण्यात आला.जिल्ह्यातील ९ लाख १७ हजार ३६ पात्र लाभार्थ्यांना शिधापत्रिका मिळणार आहे
क्यूआर कोड युक्त स्मार्ट शिधापत्रिका देण्याचा निर्णय
जुन्या शिधापत्रिका हाताळण्यास अवघड असून, त्या फाटतात किंवा खराब होतात. त्यामुळे राज्यातील राष्ट्रीय अन्न सुरक्षा योजनेतील लाभार्थ्यांना ‘क्यूआर कोड’युक्त स्मार्ट शिधापत्रिका देण्याचा निर्णय घेण्यात आला. यासाठी राज्य सरकारने सुमारे ४८ कोटींच्या खर्चास मान्यता दिली. जिल्ह्यात अंत्योदय अन्न योजनेतील १ लाख ७७ हजार ८६२ लाभार्थी शिधापत्रिका, तर प्राधान्य कुटुंब योजनेतील ७ लाख ३९ हजार १७४ लाभार्थींना स्मार्ट शिधापत्रिकांचे वितरण होणार आहे. यामुळे बनावट नोंदी, चुकीची माहिती आणि वितरणातील अनियमितता रोखण्यास मदत होईल. सरकारने प्रति स्मार्ट शिधापत्रिका ३० रुपये ४७ पैसे असा दर निश्चित केला. त्यानुसार जिल्ह्यात ९.१७ लाख कार्डधारकांना स्मार्ट शिधापत्रिका उपलब्ध करून देण्यासाठी सुमारे २ कोटी ७९ लाखांहून अधिक खर्च अपेक्षित आहे.
तालुकानिहाय स्मार्ट शिधापत्रिकांचा आकडा
राज्य सरकारने क्यूआर कोड युक्त स्मार्ट शिधापत्रिका वितरित करण्याचा निर्णय घेतला त्यानुसार नाशिक जिल्ह्यात तालुकानिहाय स्मार्ट शिधापत्रिकांचा आकडा पुढील प्रमाणे बागलाण (६४,४५३), चांदवड (४४,०१४)
देवळा (२८,२५८), दिंडोरी (५४,७९५), इगतपुरी (३७,५०८),( कळवण ४२,७१४), मालेगाव ७४,१०५), नांदगाव (४६,४७०),नाशिक (७६,०५५),निफाड (८५,८७८), पेठ (२५,९७४),सिन्नर( ५३,५५२),सुरगाणा (३३,७५१),त्र्यंबकेश्वर (२५, ७८५),येवला ४५,६८७
जिल्हा पुरवठा अधिकाऱ्यांची प्रतिक्रिया
‘क्यूआर कोड’युक्त स्मार्ट शिधापत्रिकेमुळे लाभार्थ्यांची माहिती अधिक सुरक्षित राहील.धान्य वितरणात पारदर्शकता वाढून गैरव्यवहारांना आळा बसण्यास मदत होईल.जिल्ह्यातील सर्व पात्र लाभार्थ्यांना टप्प्याटप्प्याने स्मार्ट शिधापत्रिका वितरित करणार आहोत.अशी प्रतिक्रिया जिल्हा पुरवठा अधिकारी रमेश गायकवाड यांनी दिली.
स्मार्ट शिधापत्रिकेची विशेष मांडणी
या स्मार्ट शिधापत्रिकेची विशेष मांडणी करण्यात आली आहे.त्यानुसार नवीन स्मार्ट शिधापत्रिकेवर(रेशन कार्ड)वर प्रत्येक लाभार्थ्यांसाठी स्वतंत्र क्यूआर कोड छापण्यात आला आहे. रेशन दुकानात हा कोड स्कॅन करताच संबंधित लाभार्थ्यांची माहिती काही क्षणांत उपलब्ध होईल.तसचं प्रत्येक व्यवहाराची डिजीटल नोंद होणार आहे .तसेच लाभार्थ्याची ओळख पडताळणी पात्रतेची तपासणी जलद आणि योग्य रित्या करण्यात येणार आहे.
हे स्मार्ट रेशन कार्ड प्लास्टिकपासून तयार केलेले असणार आहे.त्यामुळे कागदी शिधापत्रिकेस येणाऱ्या समस्या आता नव्या शिधापत्रिकेस येणार नाहीत.एका क्यूआर कोड द्वारे लाभार्थी स्वत:आपली माहिती पडताळून पाहू शकतो
लेखकाबद्दलटीम मटा ऑनलाइनमहाराष्ट्र टाइम्स ऑनलाइन हा गेल्या २६ वर्षांपासून महाराष्ट्रातील अग्रगण्य पोर्टल आहे. राजकीय, सामाजिक, आर्थिक, कला, क्रीडा, मनोरंजन, लाइफस्टाइल या विषयावर बातम्या देण्याचा आणि वाचकांना अपडेट ठेवण्याचे काम केले जाते. या टीममधील प्रत्येक पत्रकार हा वाचक हा केंद्र बिंदू मानून त्यांना बित्तमबातमी देण्याचा प्रयत्न करतो.… आणखी वाचा