ऑपरेशन टायगरमध्ये नाव, ओमराजे नॉट रिचेबल; गोवर्धनवाडीतील घराबाहेर पोलीस बंदोबस्त – operation tiger omraje nimbalkar unreachable; police deployed outside govardhanwadi residence

ओमराजे निंबाळकर.. म्हणजे धाराशिवचे खासदारच नाहीतर उद्धव ठाकरे यांचे विश्वासू आणि निष्ठावंत मानले जाणारे युवा नेते होते. पण ऑपरेशन टायगरमध्ये सहा खासदारांमध्ये एक नाव ओमराजेंचं आलं आणि ठाकरेंसह त्यांच्या संपूर्ण शिवसेना पक्षालाच मोठा धक्का बसला. ओमराजे फुटूच शकत नाही असं छातीठोकपणे म्हटलं जायचं, एकेकाळी ठाकरेंची साथ सोडून जाणाऱ्यांवर सडकून टीका करणाऱ्या ओमराजेंनी आता स्वतःवरच गद्दारीचा शिक्का ओढावून घेतल्याचं बोललं जातंय. ओमराजेंनी अद्याप आपली भूमिका स्पष्ट केलेली नसली तरी पडद्यामागे बऱ्याच घडामोडी घडतायत. त्यातच ओमराजे निंबाळकरांच्या गोवर्धन वाडी येथील घरासमोर पोलीस बंदोबस्त वाढवण्यात आलाय.