Infinix Note 60 Pro Pininfarina Edition Launched: दिग्गज स्मार्टफोन ब्रँड इनफिनिक्सने आज अखेर भारतीय बाजारपेठेत आपला नवा Infinix Note 60 Pro Pininfarina Edition अधिकृतपणे सादर केला आहे. इटालियन कार डिझायनर कंपनी पिनिनफेरिनाच्या संकल्पनेवर आधारित हा फोन अत्यंत आकर्षक डिझाईन आणि प्रीमियम लुकसह मिड-रेंज बजेटमध्ये ग्राहकांसाठी उपलब्ध करून देण्यात आला आहे. चला तर मग याविषयीची माहिती पुढे जाणून घेऊया.
Infinix Note 60 Pro Pininfarina Edition ग्राहकांसाठी लाँच केले आहे. या लेटेस्ट स्मार्टफोनच्या फीचर्सबद्दल बोलायचे झाले तर पहिल्यांदाच तुम्हाला फोनमध्ये हेल्थ मॉनिटरिंग सेन्सर पाहायला मिळेल, हा सेन्सर ब्लड ऑक्सिजन, हार्ट रेट आणि स्ट्रेस लेव्हल यासारखी माहिती देतो, परंतु निकाल किती अचूक आहे याबद्दल काहीही सांगणे घाईचे आहे.
360 डिग्री एरोस्पेस ग्रेड ॲल्युमिनियम फ्रेमसह लाँच करण्यात आलेल्या या फोनमध्ये कार्बन फायबर रियर पॅनल असेल. विद्यमान नोट 60 प्रो वर हा फक्त एक नवीन रंग नाही. हा फोन इटालियन स्टुडिओ पिनिनफेरिनाच्या सहकार्याने डिझाइन केला गेला आहे, ज्याने अनेक दशकांमध्ये अनेक लक्झरी वाहनांना आकार दिला आहे.
Infinix Note 60 Pro Pininfarina Edition किंमत किती?
इन्फिनिक्सच्या या लेटेस्ट फोनचा सिंगल व्हेरिएंट लाँच करण्यात आला आहे, जो 8GB रॅम आणि 256GB स्टोरेजसह येतो, हा फोन कंपनीच्या अधिकृत साइटवर 37999 रुपयांना लिस्ट करण्यात आला आहे. या प्राइस रेंजमध्ये Infinix चा हा नवीन फोन OPPO Reno 11 5G, Vivo T4 Pro 5G आणि POCO X8 Pro सारख्या मॉडेल्सना कडवी टक्कर देईल.
आयसीआयसीआय, एसबीआय, एचडीएफसी आणि ॲक्सिस बँक कार्डद्वारे 2000 रुपयांच्या इन्स्टंट डिस्काउंटचा लाभ घेता येणार आहे. सेलबद्दल बोलायचे झाले तर, या Infinix स्मार्टफोनची विक्री ग्राहकांसाठी 29 जून 2026 रोजी दुपारी 12 वाजता सुरू होईल.
Infinix Note 60 Pro Pininfarina Edition फीचर्स
- डिस्प्ले: 144Hz रिफ्रेश रेट आणि 1.5K रिझोल्यूशन AMOLED डिस्प्लेसह, तुम्हाला 6.78-इंच स्क्रीन मिळेल. स्क्रीन प्रोटेक्शनसाठी कॉर्निंग गोरिल्ला ग्लास 7i चा वापर करण्यात आला आहे.
- चिपसेट: या इनफिनिक्स स्मार्टफोनमध्ये स्नॅपड्रॅगन 7S जनरेशन 4 प्रोसेसरचा वापर करण्यात आला आहे, तसेच फोनला थंड ठेवण्यासाठी कंपनीने 3D Ice Core VC कूलिंग चेंबरही दिला आहे.
- कॅमेरा: इन्फिनिक्सच्या या लेटेस्ट फोनच्या मागील बाजूस 50-मेगापिक्सलचा ओआयएस प्रायमरी सेन्सर आणि 8-मेगापिक्सलचा सेकंडरी कॅमेरा आहे. सेल्फीसाठी फ्रंटमध्ये ८ मेगापिक्सलचा सेल्फी कॅमेरा दिला आहे.
- बॅटरी: 90 W वायर्ड चार्जिंग सपोर्टसह 6500 mAh बॅटरी 30 W वायरलेस फास्ट चार्जला सपोर्ट करते.
- खास फीचर्स: उत्कृष्ट आवाजासाठी जेबीएल स्पीकर्स आणि ड्युअल स्टिरिओ स्पीकर्स उपलब्ध असतील.
लेखकाबद्दलशुभम कुलकर्णीशुभम कुलकर्णी जवळपास 6 वर्षांपासून मराठी माध्यमांमध्ये काम करतोय. आकाशवाणी (छत्रपती संभाजीनगर) पासून माध्यम क्षेत्रात कामाला सुरुवात केली. एका मुखपत्रासह मुंबईतील नामांकित मराठी वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली. शुभमला राजधानी दिल्लीतही बातमीवर संस्कार करण्याची संधी मिळाली. राजकारण, व्यापार-उद्योग, क्रीडा, तंत्रज्ञान, ऑटो या विषयावर लिहायला त्याला आवडतं. निसर्गाच्या सानिध्यात बसायला, फावल्या वेळेत चित्रपट, वेब सिरीज पाहाण्याचा शुभमचा छंद आहे.… आणखी वाचा