बिहारमधील लखीसराय येथे सोमवारी झालेल्या चेंगराचेंगरीत 7 महिलांचा मृत्यू झाला. 12 हून अधिक लोक जखमी झाल्याचे सांगण्यात येत आहे. मृतांचा आकडा वाढण्याची शक्यता आहे. मिळालेल्या माहितीनुसार, ही घटना अशोकधाम स्टेशनवरून मंदिराकडे जाणाऱ्या रस्त्यावर घडली. रात्री या रस्त्यावर विजेचा खांब कोसळला होता. हजारो लोक मंदिराच्या रांगेत उभे असतानाच खांबामध्ये वीजप्रवाह पसरला. यानंतर गोंधळ उडाला आणि लोक इकडे-तिकडे धावू लागले. यावेळी बॅरिकेडिंग तुटले आणि लोक एकमेकांवर पडले.
एसडीपीओ शिवम कुमार यांनी एएनआयला सांगितले की, ‘सात लोकांच्या मृत्यूची बातमी आहे. तेथे विजेचा खांब कोसळला आणि लोक विजेच्या संपर्कात आले, ज्यामुळे चेंगराचेंगरीसारखी परिस्थिती निर्माण झाली, असे सांगितले जात आहे. आम्ही पूर्ण तपासणीनंतरच योग्य कारण सांगू शकू. लखीसरायच्या जिल्हाधिकाऱ्यांनी सांगितले की, मी स्वतः साडेतीन वाजल्यापासून तिथे होतो. सुमारे साडेसहा वाजता अचानक गर्दी वाढली. थोड्या वेळात कळले की शेताच्या बाजूची बॅरिकेडिंग तुटल्यामुळे लोक एकमेकांवर पडले.
Source link
बिहारमधील लखीसरायमध्ये चेंगराचेंगरीत 7 महिलांचा मृत्यू:मंदिरात जलाभिषेकासाठी हजारो भाविक जमले, विजेचा खांब कोसळल्याने वीज पसरली
