Itel कंपनी भारतात आपले दोन नवीन बजेट फ्रेंडली स्मार्टफोन लॉन्च करण्यासाठी सज्ज झाली आहे. Itel Zeno 100 Lite आणि Itel Zeno 100 Pro पुढच्या आठवड्यात भारतीय बाजारात दाखल होतील. हे दोन्ही फोन्स लॉन्च झाल्यानंतर कंपनीच्या अधिकृत वेबसाईटसह प्रसिद्ध ई-कॉमर्स प्लॅटफॉर्म अमेझॉनवर विक्रीसाठी उपलब्ध केले जातील. चला तर मग याविषयीची माहिती पुढे जाणून घेऊया.
सविस्तर माहिती अशी आहे की, पुढील आठवड्यात आयटेल कंपनीचे दोन नवीन स्मार्टफोन तुमच्यासाठी लाँच होणार आहेत, या स्मार्टफोनचे नाव Itel Zeno 100 Lite आणि Itel Zeno 100 Pro आहे. लाँचिंगपूर्वी दोन्ही स्मार्टफोनसाठी एक वेगळी मायक्रोसाइट तयार करण्यात आली आहे, ज्यामध्ये फोनमध्ये आढळणारी काही खास फीचर्स समोर आली आहेत. आयटेल कंपनीचे हे प्रो मॉडेल पुढील आठवड्यात 16 जुलै रोजी भारतीय बाजारात ग्राहकांसाठी लाँच केले जाईल.
Itel Zeno 100 Pro स्पेसिफिकेशन्स (कन्फर्म)
या फोनची पुष्टी MIL-STD 810H मिलिट्री-ग्रेड ड्युरेबिलिटी सर्टिफिकेशनसह केली गेली आहे, हा फोन हीट आणि ड्रॉप रेझिस्टन्ससह येईल. फोनच्या टीझरमध्ये पॉइंट-अँड-टॅप कंट्रोल कनेक्टिव्हिटी फीचर्सचा देखील संकेत देण्यात आला आहे, जे सूचित करते की त्यात आयआर ब्लास्टर असू शकतो. जर हे फीचर आले तर युजर्स या फीचरच्या मदतीने थेट आयटीएल स्मार्टफोनवरून टीव्ही, AC आणि इतर होम अप्लायन्सेसवर कंट्रोल करू शकतील. टीझरमध्ये ड्युअल रिअर कॅमेरा सिस्टम देखील दाखवण्यात आला आहे.
Itel Zeno 100 Lite स्पेसिफिकेशन (कन्फर्म केलेले)
मायक्रोसाइटवरून असे दिसून आले आहे की, हा फोन 5000mAh च्या दमदार बॅटरीसह लाँच केला जाईल. याशिवाय या फोनमध्ये 90 हर्ट्जचा रिफ्रेश रेट, अल्ट्रा स्मूथ डिस्प्ले, 6.6 इंच एचडी प्लस रिझोल्यूशन डिस्प्ले मिळेल.
लाइट मॉडेलची तारीख अद्याप जाहीर झालेली नाही
प्रो मॉडेलच्या तारखेची पुष्टी झाली आहे, परंतु लाइट व्हर्जनच्या मायक्रोसाइट पृष्ठावर कमिंग सून लिहिलेलं दिसत आहे. कंपनीने या फोनच्या तारखेचा खुलासा केला नाही, परंतु अशी अपेक्षा आहे की प्रो मॉडेलसह लाइट मॉडेलही लाँच केले जाऊ शकते. उत्कृष्ट आवाजासाठी डीटीएस इंश्योर साउंड (लाऊड, क्लियर आणि बॅलन्स्ड साउंड) उपलब्ध असेल. अशी अपेक्षा आहे की, लाँचिंगची तारीख जसजशी जवळ येईल तसतसे दोन्ही फोनचे बाकी फीचर्स देखील समोर येतील.
लेखकाबद्दलशुभम कुलकर्णीशुभम कुलकर्णी जवळपास 6 वर्षांपासून मराठी माध्यमांमध्ये काम करतोय. आकाशवाणी (छत्रपती संभाजीनगर) पासून माध्यम क्षेत्रात कामाला सुरुवात केली. एका मुखपत्रासह मुंबईतील नामांकित मराठी वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली. शुभमला राजधानी दिल्लीतही बातमीवर संस्कार करण्याची संधी मिळाली. राजकारण, व्यापार-उद्योग, क्रीडा, तंत्रज्ञान, ऑटो या विषयावर लिहायला त्याला आवडतं. निसर्गाच्या सानिध्यात बसायला, फावल्या वेळेत चित्रपट, वेब सिरीज पाहाण्याचा शुभमचा छंद आहे.… आणखी वाचा
