कर हर मैदान फतेह! साई बाहेर, पडिक्कलची एन्ट्री आणि थेट शतक; गॉलमध्ये देवदत्तने संधीचं सोनं करत दोन वर्षांचा दुष्काळ संपवला

भारतीय कसोटी संघातील महान फलंदाज चेतेश्वर पुजारा याच्या निवृत्तीनंतर तिसऱ्या क्रमांकावर कोणाला खेळवायचे, हा भारतीय संघासाठी एक मोठा प्रश्न बनला होता. मात्र, गॉलच्या खेळपट्टीवर देवदत्त पडिक्कलने दाखवलेला संयम आणि त्याचा खेळ पाहून मुख्य प्रशिक्षक गौतम गंभीर आणि कर्णधार शुभमन गिल यांची ही मोठी डोकेदुखी आता दूर झाली आहे. पडिक्कलने आपल्या खेळीतून हे सिद्ध करून दाखवले आहे की, तो लाल चेंडूच्या क्रिकेटमध्ये भारतीय संघाच्या वरच्या फळीत खेळण्यास पूर्णपणे पात्र आहे. विशेष म्हणजे, भारतीय संघाकडून तिसऱ्या क्रमांकावर फलंदाजी करताना कर्णधार शुभमन गिलने आपले शेवटचे शतक दोन वर्षांपूर्वी म्हणजेच सप्टेंबर २०२४ मध्ये झळकावले होते. तेव्हापासून तिसऱ्या क्रमांकावर असलेला शतकाचा दुष्काळ आता पडिक्कलने संपवला आहे.

Ind Vs SL : राहुलचा जोरदार फटका, पुढच्याच क्षणी मैदानात धावपळ; चेंडू थेट हेल्मेटवर आदळला, कोणाला लागला?

केएल राहुलसोबतची निर्णायक भागीदारी

सामन्याच्या सुरुवातीला भारताचा सलामीवीर यशस्वी जैस्वाल लवकर तंबूत परतल्यानंतर पडिक्कल मैदानात आला होता. दबावाच्या या परिस्थितीत त्याने अनुभवी केएल राहुलच्या साथीने भारतीय डावाला केवळ सावरलेच नाही, तर श्रीलंकेच्या गोलंदाजीलाही पूर्णपणे निष्प्रभ केले. या दोन फलंदाजांनी दुसऱ्या विकेटसाठी रचलेली शतकी भागीदारी यजमान श्रीलंकेला बॅकफूटवर ढकलणारी ठरली. याच भागीदारीमुळे भारताला एका मोठ्या धावसंख्येच्या दिशेने मार्गक्रमण करता आले.

IND vs SL 1st Test : नेमकी चूक कोणाची? पहिल्या कसोटीत 11व्या ओव्हरमध्येच मोठा गोंधळ, यशस्वी जयस्वाल ठरला शिकार, पाहा Video

जागतिक कसोटी चॅम्पियनशिपच्या दृष्टीने अनमोल खेळी

२०२५-२०२७ च्या जागतिक कसोटी चॅम्पियनशिपच्या (WTC) अंतिम फेरीत स्थान मिळवण्याच्या दृष्टिकोनातून गॉलमधील ही पहिली कसोटी भारतासाठी ‘करा किंवा मरा’ अशीच आहे. मायदेशात खेळत असलेल्या श्रीलंकेला पराभूत करण्यासाठी पहिल्या डावात मोठी धावसंख्या उभारणे अत्यंत निर्णायक होते. अशा मोक्याच्या क्षणी देवदत्त पडिक्कलने झळकावलेल्या या बहुमूल्य शतकाने भारतीय संघाला सामन्यात आघाडी मिळवून दिली आहे.