तुम्ही जर नवीन iPhone घेण्याचा विचार करत असाल, तर तुमच्यासाठी एक उत्तम संधी आली आहे. आगामी iPhone 18 Pro लॉन्च होण्यापूर्वीच, सध्याचा लोकप्रिय मॉडेल iPhone 17 Pro अत्यंत स्वस्त झाला आहे. या प्रीमियम स्मार्टफोनवर सध्या ग्राहकांना तब्बल 9,410 रुपयांची थेट सूट मिळत असून, खरेदीदारांची मोठी बचत होणार आहे. चला तर मग याविषयीची माहिती पुढे जाणून घेऊया.
Apple iPhone 18 Pro काही महिन्यांत लाँच होणार आहे, या आगामी मॉडेलच्या लाँचिंगपूर्वी iPhone 17 Pro सध्या 9410 रुपयांपर्यंत स्वस्तात उपलब्ध आहे. जर तुम्हालाही हा फोन खरेदी करायचा असेल तर हजारोंची सूट मिळवण्याची ही उत्तम संधी आहे. या प्रो मॉडेलमध्ये A19 प्रो चिपसेट आणि 48 मेगापिक्सलचा ट्रिपल रियर कॅमेरा सेटअप आहे. क्रोमाच्या अधिकृत साइटवर हा फोन कमी किंमतीत विकला जात आहे.
iPhone 17 Pro किंमत
ॲपलने हा फोन 1,34,900 रुपयांच्या सुरुवातीच्या किमतीत लाँच केला होता, परंतु आता हा फोन क्रोमाच्या अधिकृत साइटवर 1,29,490 रुपयांना विकला जात आहे. या प्राइस रेंजमध्ये हा फोन Google Pixel 10 Pro XL आणि Samsung Galaxy S26 Ultra 5G सारख्या फ्लॅगशिप फीचर्स असलेल्या फोनना कडवी टक्कर देतो.
याचा अर्थ असा की तुम्हाला लाँच किंमतीपासून 5410 रुपयांचा फ्लॅट डिस्काउंट मिळत आहे. याशिवाय आयसीआयसीआय, एसबीआय आणि अॅक्सिस बँक क्रेडिट कार्ड ईएमआयवर 4000 रुपयांच्या अतिरिक्त डिस्काउंटचा लाभ घेता येणार आहे.
iPhone 17 Pro स्पेसिफिकेशन्स
ॲपलच्या फ्लॅगशिप स्मार्टफोनमध्ये स्पीड आणि मल्टीटास्किंगसाठी A19 Pro प्रोसेसरचा वापर करण्यात आला आहे. याशिवाय या डिव्हाइसमध्ये 6.3 इंचाची OLED स्क्रीन आहे जी 120 हर्ट्ज प्रमोशन टेक्नॉलॉजी, ऑलवेज-ऑन डिस्प्ले आणि अँटी-रिफ्लेक्टिव्ह कोटिंगसह येते. याशिवाय कंपनीने स्क्रीनच्या प्रोटेक्शनसाठी सिरॅमिक शील्ड 2 चा वापर केला आहे.
फोटोग्राफीसाठी, प्रो मोझलमध्ये मागील बाजूस 48-मेगापिक्सेल ट्रिपल कॅमेरा सेटअप आहे, ज्यामध्ये 48-मेगापिक्सेल प्राथमिक कॅमेरा सेन्सर, 48-मेगापिक्सेल अल्ट्रा-वाइड कॅमेरा सेन्सर आणि 8x ऑप्टिकल झूम आणि 8K व्हिडिओ रेकॉर्डिंग सपोर्टसह 48MP टेलिफोटो लेन्स आहे. सेल्फीसाठी 18 मेगापिक्सलचा फ्रंट कॅमेरा सेन्सर देण्यात आला आहे.
Disclaimer: प्रस्तुत वृत्त केवळ उपलब्ध माहिती आणि सर्वसामान्य संदर्भांच्या आधारावर तयार करण्यात आले आहे. या वृत्तातील माहितीची अचूकता, पूर्णता किंवा विश्वासार्हतेबाबत ‘मटा’ (महाराष्ट्र टाइम्स ऑनलाईन) कोणताही दावा करत नाही किंवा त्याची पुष्टी करत नाही.
लेखकाबद्दलशुभम कुलकर्णीशुभम कुलकर्णी जवळपास 6 वर्षांपासून मराठी माध्यमांमध्ये काम करतोय. आकाशवाणी (छत्रपती संभाजीनगर) पासून माध्यम क्षेत्रात कामाला सुरुवात केली. एका मुखपत्रासह मुंबईतील नामांकित मराठी वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली. शुभमला राजधानी दिल्लीतही बातमीवर संस्कार करण्याची संधी मिळाली. राजकारण, व्यापार-उद्योग, क्रीडा, तंत्रज्ञान, ऑटो या विषयावर लिहायला त्याला आवडतं. निसर्गाच्या सानिध्यात बसायला, फावल्या वेळेत चित्रपट, वेब सिरीज पाहाण्याचा शुभमचा छंद आहे.… आणखी वाचा
