सकाळी पिंजर येथील संत गाडगेबाबा आपत्कालीन बचाव पथकाच्या चमूला घटनास्थळी बोलावून शोध मोहीम राबवली असता अथक प्रयत्नानंतर तिघांचा मृतदेह धरणात मिळून आला. सिद्धार्थ मोहन बनसोड वय (35वर्ष), (मामा) आणी अंकुश राजेंद्र भालेराव वय (16 वर्ष), कार्तिक राजेंद्र भालेराव वय (14वर्ष) असे मृतदेह मिळून आलेल्या मृतांचे नाव आहेत.
नेमंक काय घडलं?
प्राप्त माहितीनुसार राजेंद आणि कार्तिकचे वडील मनोरुग्ण असल्याने ते आपल्या आईसह मंगरूळपीर तालुक्यातील सनगाव येथे मामाच्या गावी राहत होते. काल 25 डिसेंबर रोजी मामा आणि दोन्ही भाचे मासोळ्या आणि खेकडे पकडण्यासाठी गावाजवळील धरणात गेले होते. ते धरणावर गेले असल्याची माहिती नव्हती आणि रात्री उशिरापर्यंत घरी परतले नाही त्यामुळे घरच्यांनी त्याचा शोध घ्यायला सुरवात केली. मात्र कुठेही त्यांचा थांगपत्ता लागला नाही. त्यामुळे आसेगाव पोलिसांना याची माहिती देण्यात आली.
आसेगाव पोलिसांनी घटनेचे गांभीर्य लक्षात घेत तत्काळ शोध मोहीम सुरू केली असता धरणाच्या काठावर तिघांचे कपडे आढळून आल्याने तिघेही मासोळ्या, खेकडे पकडण्यासाठी धरणात उतरले आणि पाण्याचा अंदाज न आल्याने बुडाल्याची शक्यता वर्तविण्यात आली. तेव्हा पोलिसांनी गावकऱ्यांच्या सहकाऱ्याने धरणाच्या पाण्यात शोध मोहीम राबविली, मात्र रात्री उशीर झाल्याने अंधारामुळे शोध मोहीम थांबवण्यात आली.
आसेगाव पोलिसांनी आज सकाळी अकोला जिल्ह्यातील पिंजर येथील संत गाडगेबाबा बचाव व शोध मोहीम पथकाला बोलावून पथकाचे प्रमुख दीपक सदाफळे, मयुर सळेदार, शेखर केवट, अतुल उमाळे, अश्विन केवट, विष्णु केवट, हर्षल वानखडे, विद्याधर वाघमारे, योगेश आगळे, यांचेसह रेस्कु बोट आणी शोध व बचाव साहीत्यासह आज दुपारी घटनास्थळी पोहचले आणी लोकेशन ट्रेस करुन सर्च ऑपरेशन चालु केले असता 15 फुट खोल पाण्यात शोध मोहीम राबविली असता अथक प्रयत्नानंतर तिघांचेही मृतदेह धरणातून बाहेर काढण्यात यश आले.
वडील मनोरुग्ण असल्याने मामाच्या गावी राहणाऱ्या मामासह दोन भाच्यांचा धरणात बुडून मृत्यू झाल्याने गावात सर्वत्र हळहळ व्यक्त केली जात असून घटनास्थळावर आसेगाव पोलीस ठाण्याचे ठाणेदार रामकृष्ण भाकडे , सहायक पोलीस उप निरीक्षक गणेश भोयर, हे.काॅ. विजय शिंगारे, पो.काॅ. सुनिल गंडईत, तलाठी ठोंबे, पो.पा.विक्रम पवार, तंटामुक्ती अध्यक्ष समाधान भगत यांचेसह गावातील नागरीक व नातेवाईक हजर होते.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
