आष्टी तालुक्यातील देलवाडी येथील सुनील उर्फ भोजराज भिमराव कोहळे (वय 51) हे प्रचंड हालाखीच्या परिस्थितीतून शिक्षण घेतल्यानंतर दोन वर्षापूर्वी रोजगाराच्या शोधार्थ अमरावती येथे गेले. सगळीकडे रोजगाराची शोधाशोध केल्यावर पदरी उपेक्षाच आली. मग त्यांनी स्वतः खासगी शिकवणी टाकण्याचा निर्णय घेतला. अमरावतीच्या वडाळी भागात सुरुवात केली. गणित विषय शिकवण्यात त्यांचा हातखंडा होता. तिथून सुनील यांचा संघर्षमय प्रवास सुरू झाला. आई वडील आणि दोन बहिणी या सर्व परिवाराला घेऊन ते चालत होते.
अशातच शुक्रवार दि. 8 ऑगस्ट रोजी सकाळी सहा वाजता सुनील हे व्यायाम करत असताना अचानक जमिनीवर कोसळले. त्यांना लागलीच खासगी हॉस्पिटलमध्ये नेण्यात आलं. डॉक्टरांनी शर्तीचे प्रयत्न करून त्यांना होणारा प्रचंड त्रास नियंत्रणात आणला. त्यानंतर अँजिओग्राफी केली, त्यामध्ये 90% हृदयाला ब्लॉकेज निघाले. एकूण 18 ब्लॉकेज असल्यामुळे तात्काळ हृदयरोग शस्त्रक्रिया करावी लागेल, असा डॉक्टरांनी निर्णय घेतला.
परंतु सुनील यांना बीपी असल्याने त्यांचा रक्तदाब उच्च वाढला. यासाठी अमरावती येथे बीपी नॉर्मल करण्यासाठी पाहिजे तशी व्यवस्था नाही, म्हणून तात्काळ नागपूर येथे हलवावे लागेल, असा डॉक्टरांनी सल्ला दिला. दुसऱ्या दिवशी शनिवारली त्यांना तात्काळ नागपूर येथील एका हॉस्पिटलमध्ये भरती केलं. तेथील डॉक्टरांनी त्यांच्या फुफ्फुसाला मोठ्या प्रमाणात संसर्ग झाला असून खूप जास्त पाणी झाल्यामुळे आधी पाणी काढावं लागेल आणि त्यांचा रक्तदाब नॉर्मल करावा लागेल, त्यानंतरच ऑपरेशन होईल, असं सांगितलं. सुमारे 15 दिवस तिथेही भरती ठेवावे लागले.
पुणे अपघात प्रकरणी गौतमी पाटीलच्या अश्रूंचा बांध फुटला; म्हणाली, ‘या गोष्टीशी माझा संबंध नाही…’
सुनील यांची तब्येत दुरुस्त होण्याचं नाव घेत नव्हते. त्यानंतर एनजीओ असलेल्या आणखी एका हार्ट हॉस्पिटल नागपूर येथेच त्यांना शिफ्ट केलं. तिथेही 15 दिवस त्यांच्यावर उपचार केले. मात्र, फुफ्फुसामधील पाणी आणि उच्च रक्तदाब नियंत्रित व्हायला बराच वेळ लागला. यामध्ये सुनील यांची प्रचंड चिडचिड झाली. त्यांना नजरेसमोर रोज हॉस्पिटलमध्ये होणारे मृत्यू पाहताना अस्वस्थ होत होते. अशातच त्यांनी पत्नी वंदना हिला विनंती केली की, मला अमरावतीला घरी घेऊन चला. ते डॉक्टरला सुट्टी मागून अमरावतीला घरी आले.
अमरावती येथे एका हॉस्पिटलमध्ये शस्त्रक्रिया करण्याचा निर्णय घेतला. 26 सप्टेंबर रोजी सुनील यांच्यावर हृदयरोग शस्त्रक्रिया करण्यात आली. मोठी शस्त्रक्रिया असल्यामुळे डॉक्टरांनी त्यांना तीन महिने आराम करण्याच्या सल्ला दिला. शस्त्रक्रिया झाल्यावर सात दिवसानंतर त्यांची सुट्टी झाली आणि त्यांना घरी आणलं. त्यानंतर लगेच दोन दिवसांनी 5 ऑक्टोबरला सुनील यांना छातीत प्रचंड वेदना होऊ लागल्या. वेदनेमध्ये विव्हळत असताना पत्नी व त्यांच्या मित्रांनी त्यांना हॉस्पिटलमध्ये नेलं असता डॉक्टरांनी त्यांना मृत घोषित केलं. त्यांच्या हृदयरोग शस्त्रक्रियेनंतर त्यांना प्रचंड प्रमाणात बॅक्टेरिया वाढल्यानं आणि हृदयरोग शस्त्रक्रिया दरम्यान दिलेले टाके पिकल्यामुळे त्यांना बराच संसर्ग झाला. अचानक त्यांच्या दोन्ही किडन्या फेल झाल्या, लिव्हर निकामी झाले, हृदय बंद पडलं असल्याचं डॉक्टरांनी सांगितलं.
त्यांच्या मृत्यूची वार्ता देलवाडी गावात पसरतात गावकऱ्यांनी हळहळ व्यक्त केली. एका गरीब कुटुंबातील मुलगा अविरत संघर्ष करत झिजत होता. मात्र, जो आवडतो सर्वांना तोची आवडे देवाला याचा प्रत्यय सुनील यांच्या बाबतीत आला. काल सोमवारला सुनीलवर देलवाडी येथे अंतिम संस्कार करण्यात आले. यावेळी देलवाडी, जोलवाडी, खंबीत, बेलोरा, अंबिकापुर, आष्टी यासह पंचक्रोशीतील नातलग, गावकरी मोठ्या संख्येने सुनील यांना श्रद्धांजली वाहण्यासाठी हजर होते. त्यांच्या पश्चात आई, वडील, पत्नी, मुलगा, बहीण, जावई असा बराच मोठा परिवार आहे.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा
