Eknath Khadse meeting Vinod Tawde : विनोद तावडे यांच्याशी झालेल्या भेटीमुळे उत्तर महाराष्ट्रात पुन्हा एकदा एकनाथ खडसे यांच्या भाजपातील घरवापसीची चर्चा जोरात सुरू झाली
भाजप प्रवेशाच्या पुन्हा चर्चा
आमदार एकनाथ खडसे यांनी भोसरी जमीन गैरव्यवहार प्रकरण, देवेंद्र फडणवीस आणि गिरीश महाजन यांच्याशी झालेल्या मतभेदामुळे भाजपला ‘रामराम’ ठोकून शरद पवारांच्या राष्ट्रवादीत प्रवेश केला होता. शरद पवारांनी त्यांना विधान परिषदेवर संधीही दिली. मात्र, लोकसभा निवडणुकीच्या काळापासूनच खडसेंच्या भाजप प्रवेशाच्या वावड्या उठत होत्या.
महाराष्ट्रात भाजपला बळकट करण्यासाठी एकनाथ खडसे यांनी प्रमोद महाजन आणि गोपीनाथ मुंडे यांच्यासोबत अनेक वर्षे कठोर परिश्रम घेतले होते. मात्र, देवेंद्र फडणवीस यांच्याशी मतभेद झाल्यामुळे त्यांनी भाजप सोडून त्यावेळच्या एकसंघ राष्ट्रवादी काँग्रेस पक्षात प्रवेश केला. पक्षातील फुटीनंतरही शरद पवारांच्या साथीने त्यांनी आपला राजकीय प्रवास सुरु ठेवला. तरीही अलिकडच्या काळात त्यांच्या भाजपमधील संभाव्य पुनरागमनाबाबतच्या चर्चांना उधाण आले आहे.
Hindustani Bhau : भांडुपच्या अनिल कपूरला तोंड बंद करायला सांगा, 7 सप्टेंबरला उबाठाचे 15 आमदार जातील, हिंदुस्थानी भाऊचा ठाकरेंना इशारा
महाजनांचा प्रभाव कमी करण्याची चाल?
अमित शहा आणि जे. पी. नड्डा यांच्याशी चर्चा होऊनही राज्यातील काही नेत्यांच्या विरोधामुळे हा प्रवेश रखडल्याचे बोलले जात होते. अशातच थेट दिल्लीतील वजनदार नेते विनोद तावडे यांनी खडसेंच्या निवासस्थानी जाऊन भेट घेतल्याने खळबळ उडाली आहे. गिरीश महाजनांचा प्रभाव कमी करण्यासाठी केंद्रीय नेतृत्वाची ही चाल असल्याची चर्चा आहे. मात्र, खडसेंनी ही भेट राजकीय नसल्याचे नमूद केले.
Devendra Fadnavis यांनी सभागृहात विरोधकांना सुनावलं, Missing Link वरुन ट्रोलर्सवर संताप
खडसेंचं उत्तर महाराष्ट्रावर वर्चस्व
उत्तर महाराष्ट्रात एकनाथ खडसे यांचा प्रभाव अजूनही कायम आहे. जळगाव, धुळे, चाळीसगाव आणि मनमाड यांसारख्या भागांवर त्यांची दीर्घकाळापासून मजबूत पकड राहिली आहे. त्यामुळेच राजकीय विश्लेषक या भेटीकडे केवळ एक ‘साधारण भेट’ म्हणून पाहण्यास तयार नाहीत. जर खडसे पुन्हा भाजपमध्ये परतले, तर ती महाराष्ट्राच्या राजकारणातील एक मोठी घडामोड ठरू शकते.
खडसे यांची कन्या रोहिणी खडसे या सध्या शरद पवार यांच्या राष्ट्रवादी काँग्रेसच्या महिला आघाडीच्या प्रदेशाध्यक्ष आहेत, तर त्यांची सून रक्षा खडसे या भाजपसोबतच असून केंद्रीय राज्यमंत्रीपदाची धुरा सांभाळत आहेत. कुटुंबातील सदस्यांच्या परस्परविरोधी राजकीय निष्ठांमुळे या घडामोडींना एक रंजक वळण मिळाले आहे. भविष्यात खडसे यांचे भाजपमध्ये होणारे संभाव्य पुनरागमन ही राज्यातील एक महत्त्वपूर्ण राजकीय घडामोड मानली जाईल.Uddhav Thackeray : मातोश्रीवर हायव्होल्टेज बैठक, 24 आमदार आले, पण निष्ठावान नेत्याची दांडी चर्चेत, ठाकरेंकडून महत्त्वाच्या सूचना
रक्षा खडसेंशी औपचारिक भेट, माझ्याशी जाता-जाता गप्पा
दरम्यान, विनोद तावडे यांच्याबाबत एकनाथ खडसे यांनी स्वतः प्रसारमाध्यमांसमोर आपली भूमिका स्पष्ट केली आहे. तावडे हे सूनबाई रक्षा खडसे यांची भेट घेण्यासाठी मुंबईतील आमच्या निवासस्थानी आले होते. या भेटीदरम्यान त्यांनी माझीही भेट घेतली, माझ्या प्रकृतीची विचारपूस केली आणि काही काळ वैयक्तिक विषयांवर चर्चा केली. या भेटीत कोणतीही राजकीय चर्चा झाली नाही, असे खडसे यांनी स्पष्ट केले आहे.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
