पण स्पर्धेत सर्वांचे लक्ष वेधून घेतले ते म्हणजे अभिनेत्री उर्वशी रौतेलाने. या कार्यक्रमात उर्वशीनेभारतीय तिरंग्याच्या रंगांचा पोशाख परिधान करुन एण्ट्री घेतली होती. मात्र, या पोशाखामुळे तिला सोशल मीडियावर तीव्र ट्रोलिंगला सामनाही करावा लागला.
माजी मिस युनिव्हर्स सुष्मिता सेन, दोनदा ‘मिस युनिव्हर्स इंडिया’चा किताब जिंकलेली उर्वशी रौतेला आणि ‘फर्स्ट रनर-अप’ ठरलेली सेलिना जेटली यांनीही या स्पर्धेला उपस्थिती लावली. कार्यक्रमादरम्यान, उर्वशीने सुष्मिताचा उल्लेख तिची ‘पहिली मार्गदर्शक’ असा केला; विशेष म्हणजे, सुष्मितानेच तिला ‘मिस युनिव्हर्स इंडिया’चा मुकुट त्यावेळी प्रदान केला होता.
उर्वशी रौतेलाने तिरंग्याचा ड्रेस परिधान केला होता.
उर्वशी रौतेला ‘मिस युनिव्हर्स इंडिया 2026’ स्पर्धेत परीक्षक म्हणून सहभागी झाली होती. तिने रॅम्प वॉक केला आणि प्रसारमाध्यमांशी संवाद साधला. या कार्यक्रमासाठी तिने तिरंग्यापासून प्रेरित असा गाउन परिधान केला होता; यात केशरी, पांढरा आणि हिरवा रंग असून मध्यभागी अशोक चक्राची डिझाइन होती. मात्र, या पोशाखामुळे काही युजर्सच्या मनात प्रश्न निर्माण झाले आणि काहींनी असा युक्तिवाद केला की, अशा प्रकारे तिरंग्याचा वापर करणे हे स्थापित संकेतांचे उल्लंघन आहे.
तिरंग्याचा गाउन परिधान केल्यामुळे उर्वशी रौतेला ट्रोल
उर्वशी रौतेलाच्या पोशाखाबाबत सोशल मीडिया युझर्सनी प्रश्न उपस्थित केले असून, अनेकांनी असले कपडे कधीच स्विकारले जाणार नाहीत असे म्हटले आहे. एका युझरने लिहिले, “भारताच्या ध्वज संहितेनुसार तिरंग्याचा वापर पोशाख म्हणून करणे पूर्णपणे चुकीचे आहे. उशा, रुमाल, नॅपकिन्स, अंतर्वस्त्रे किंवा कोणत्याही प्रकारच्या कपड्यांवर तिरंग्याचे चित्र किंवा डिझाइन छापणे, शिवणे किंवा त्यावर भरतकाम करणे यांवर बंदी आहे.”
अभिनेत्री पुन्हा एकदा वादाच्या भोवऱ्यात
एका महिलेने लिहिले, “हे अगदीच चुकीचे आहे.” तर दुसऱ्या एकाने टिप्पणी केली की, असे करणे हा तिरंग्याचा अपमान आहे. एका युझरने म्हटले, ” कायद्याचे आणि भारताच्या ध्वज संहितेचे उल्लंघन झाले आहे, ती आता अडचणीत सापडली आहे.” काही युझरने असे निरीक्षण नोंदवले की, उर्वशी रौतेला पुन्हा एकदा वादाच्या भोवऱ्यात सापडली आहे.
तिरंग्या सारखे असलेले कपडे परिधान केल्यास काय होते? याबद्दल कायदा काय सांगतो, ते जाणून घ्या.
आपला राष्ट्रध्वज असलेल्या तिरंग्यापासून बनवलेले कपडे परिधान करणे बेकायदेशीर आहे. तीन रंगांचा समावेश असलेला भारताचा राष्ट्रध्वज हे स्वातंत्र्याचे प्रतीक आहे; त्यापासून तयार केलेले कपडे परिधान करणे हा राष्ट्रीय ध्वजाचा अपमान मानला जातो आणि त्यासाठी शिक्षा होऊ शकते. ‘राष्ट्रीय सन्मान अपमान प्रतिबंधक कायद्या’च्या कलम 2 अन्वये, तिरंग्याचा वापर कपडे, पोशाख किंवा गणवेश म्हणून करता येत नाही. तसेच, अंतर्वस्त्रे, रुमाल, नॅपकिन्स, उशा इत्यादींवरही त्याचे मुद्रण करता येत नाही. ‘राष्ट्रीय सन्मान अपमान प्रतिबंधक कायदा, 1971’ अंतर्गत, तिरंग्याचा जाणीवपूर्वक अपमान केल्यास तीन वर्षांपर्यंत कारावास, दंड किंवा दोन्ही शिक्षा होऊ शकते.
उर्वशी रौतेलाच्या कामाबद्दल बोलायचे झाल्यास ती शेवटी डाकू महाराज या सिनेमात दिसली होती. या सिनेमातील तिच्या गाण्यामुळेही बराच वाद निर्माण झालेला. तिने ग्रेट ग्रँण्ड मस्ती, हेट स्टोरी 4, सनम रे, पागलपंती, सिंग साब द ग्रेट यांसारख्या सिनेमांमध्ये काम केले आहे.
लेखकाबद्दलआकांक्षा तळेकरआकांक्षा तळेकर महाराष्ट्र टाइम्स ऑनलाइनमध्ये कन्सल्टन्ट या पदावर कार्यरत आहे. फेब्रुवारी 2023 मध्ये मटा ऑनलाइनमध्ये काम करण्यास सुरूवात केली. तेव्हापासून मनोरंजन, फिल्म इंडस्ट्री विषयक बातम्या लिहिण्यात हातखंडा आहे. तसेच कलाकारांच्या मुलाखती घेणे, वेगवेगळ्या इव्हेंटला उपस्थित राहून तेथील महत्वाच्या बातम्या करणे, सेट व्हिजिट देऊन त्यावर आर्टिकल बनवण्याचा अनुभव आहे.
पत्रकारितेतील अनुभव
आकांक्षा तळेकर यांचा पत्रकारितेच्या अनुभवाची सुरुवात सामना या वृत्तपत्रापासून झाली. तिथे इंटर्नशीप करताना बातम्यांचा पाया काय असतो इथपासून ते अचूक बातम्यांची निवड कशी करावी या गोष्टी शिकून घेतल्या. त्यानंतर लोकशाही वाहिनीवर दुसरी इंटर्नशीप केली आणि मग तिथेच 6 महिने टिकर ऑपरेटर म्हणून काम केले. यावेळी ब्रेकिंग न्यूज करताना प्रेक्षकांना वाचण्यासाठी कोणते शब्द महत्वाचे असतात, किंवा पत्रकारितेमधले शब्द आणि सामान्य आयुष्यातले शब्द यांच्यातील तफावत शिकता आली. लोकशाही वृत्तवाहिनीमध्ये व्हायरल शोसाठी स्क्रिप्ट लिखाणही केले आहे. हे करत असताना विविध व्हायरल व्हिडिओंपाठी नेमकं सत्य काय हे शोधण्याची सवय लागली. त्यामुळे एखादी बातमी करताना त्याचा ठोस पाठपुरावा करावा हे शिकण्यात आले.
लोकशाहीनंतर मुक्तपीठ या वेबपोर्टलसाठी काही काळ काम केले. तिथे व्हिडिओ बनवणे, कॅमेऱ्यासमोर वृत्तवाचन करणे आदी काम केली. या सर्व गोष्टी करत असताना मेघा मराठी या मनोरंजन विषयक वेबपोर्टलसाठी रोज आर्टिकल लिहिण्याचे काम सुरू होते. त्यामध्ये बॉलिवूड किंवा मराठी इंडस्ट्रीमध्ये लेटेस्ट घडणाऱ्या घडामोडी आर्टिकल स्वरुपात दिल्या.
करोनाच्या काळात बृहन्मुंबई महानगरपालिकेच्या व्हॅक्सिन सेंटरमध्ये डेटा ऑपरेटर म्हणून दीड वर्ष कार्य केले. त्यावेळी सर्वसामान्य व्यक्ती, त्यांचे स्वभाव आणि अडीअडचणी जवळून जाणता आल्या. हे काम करत असताना विविध राजकिय पक्षांसंबंधित लोकांशी सतत संपर्क होत होत्या. त्यामुळे राजकारणात काय चालू असते याची थोडीफार जाण झाली ज्याचा उपयोग पुढे पत्रकारितेमद्ये झाला.
त्यानंतर हेमा मालिनी संपादक असलेल्या मेरी सहेली या मासिकाची मराठी आवृत्ती माझी सहेली मध्ये 3 वर्षे काम केले आहे. माझी सहेलीमध्ये मनोरंजन विषय कोलम लिहिणे तसेच पॉडकास्टमध्ये वेगवेगळ्या विषयांचे संशोधन करणे, मुलाखतींसाठी प्रश्न तयार करण्याचे काम केले. सध्या महाराष्ट्रा टाइम्स ऑनलाइनध्ये मनोरंजन सिनेसृष्टीविषय बातम्या करणे, गाजलेल्या मालिकांचे अपडेट्स देणे, कलाकारांच्या महत्वाच्या सोशल मीडियावर पोस्टबाबत बातमी तयार करुन ती वाचकांपर्यंत पोहचवण्याचे काम करत आहेत. तसेच मालिका किंवा सिनेमांच्या प्रेस कॉन्फरन्समध्ये जाऊन कलाकारांच्या मुलाखती घेण्याचा अनुभव आहे. मनोरंजन विषयाशिवाय क्राइम आणि व्हायरल व्हिडिओवरुन बातम्या करण्याचीही आवड आहे.
शैक्षणिक माहिती
आकांक्षा तळेकर यांनी पार्ले टिळक विद्यालयातून शालेय शिक्षण पूर्ण केले. त्यानंतर साठ्ये महाविद्यालयात विज्ञान शाखेतून 12 वी दिली. पुढे साठ्ये महाविद्यालयातच BMM हा स्पेशल कोर्स केला आणि त्यात पत्रकारितेची पदवी मिळवली.… आणखी वाचा
