Traffic Challan Penalties in Maharashtra : नव्या केंद्रीय मोटार वाहन नियम १६७ च्या सुधारणेनुसार चालान मिळाल्यापासून ४५ दिवसांत दंड भरणे किंवा ऑनलाइन पद्धतीने कागदपत्रांसह त्याला आव्हान देणे अनिवार्य आहे. या मुदतीत हरकत घेतली नाही, तर संबंधित चालान स्वीकारल्याचे गृहीत धरले जाईल.
यापूर्वी दंड भरण्यासाठी अथवा हरकत नोंदवण्यासाठी ९० दिवसांची मुदत होती. मात्र, अनेक प्रकरणांत चालान प्रलंबित राहत असल्याने वाहनधारक तसेच प्रादेशिक परिवहन विभाग (आरटीओ) अशा दोघांनाही अडचणी निर्माण होत होत्या. या पार्श्वभूमीवर केंद्राने नियम अधिक कडक केले आहेत.
पुराव्यांसह हरकत नोंदवता येणार
नव्या तरतुदीनुसार पोलिस किंवा अधिकृत अधिकारी चालान प्रत्यक्ष अथवा इलेक्ट्रॉनिक पद्धतीने जारी करू शकतील. इलेकक्ट्रॉनिक देखरेख यंत्रणांद्वारे चालान आपोआप तयार करण्याची तरतूदही करण्यात आली आहे. प्रत्यक्ष चालान १५ दिवसांत, तर इलेक्ट्रॉनिक चालान तीन दिवसांत वाहनधारकापर्यंत पोहोचवावे लागणार आहे. सर्व चालान केंद्रीय पोर्टलवर नोंदवली जाणार आहेत. चालान चुकीचे असल्यास वाहनधारकांना ऑनलाइन पद्धतीने पुराव्यांसह हरकत नोंदवता येणार आहे.
केंद्रीय नियम सुधारणेनुसार, वाहनधारकाला चालानाविरोधात नियुक्त प्राधिकरणाकडे ऑनलाइन हरकत नोंदवता येणार आहे. हरकत नोंदवताना संबंधित कागदपत्रे आणि पुरावे जोडणे आवश्यक आहे. हरकतीनंतर ३० दिवसात चालान निकाली निघणार आहे. यानंतर चालान रद्द होणार आहे. वाहनधारकाने नोंदविलेल्या हरकतीवर नियुक्त प्राधिकरणाकडून ३० दिवसांच्या आत निर्णय देणे अपेक्षित आहे.
हरकत फेटाळल्यास दोन पर्याय
हरकत योग्य ठरल्यास चालान रद्द केले जाईल. मात्र, हरकत फेटाळल्यास वाहनधारकासमोर दंड भरणे किंवा न्यायालयात दाद मागणे हे दोन पर्याय उपलब्ध राहतील. नव्या नियमांनुसार चालान योग्य ठरल्यास संबंधित व्यक्तीला ३० दिवसांच्या आत दंड भरणे बंधनकारक राहील. न्यायालयात जाण्याचा पर्याय निवडल्यास दंडाच्या रकमेपैकी निम्मी रक्कम जमा करूनच याचिका दाखल करता येणार आहे. त्यासाठी वाहनचालकांना संदेश आणि ई-मेलच्या मदतीने रोज संदेश पाठवण्याची तरतूद नियमात आहे.
थकबाकीदार टार्गेटवर
दुसरीकडे, मालमत्ता कराच्या थकबाकीदारांविरुद्ध नागपूर महापालिकेने आक्रमक भूमिका घेतली आहे. सुमारे १,२७९ कोटी रुपयांच्या थकबाकी वसुलीसाठी महापालिकेकडून २० ऑगस्ट ते ३० सप्टेंबर या कालावधीत विशेष मोहीम राबविण्यात येणार आहे. या मोहिमेत थकित मालमत्ता कर, दंड आणि वॉरंट कारवाईशी संबंधित मालमत्तांवर कारवाई केली जाणार आहे. महापालिका आयुक्त डॉ. विपीन इटनकर यांनी बुधवारी या विशेष मोहिमेला मंजुरी दिली. मोहिमेदरम्यान व्यावसायिक मालमत्तांवर प्राधान्याने कारवाई होणार आहे.
Dhule Crime : 18 वर्षीय तरुणी आणि 23 वर्षीय तरुणाचा एकाच ठिकाणी संशयास्पद शेवट, महाराष्ट्रात खळबळ, अरुणने मध्यरात्री मेसेज केला अन् आक्रित समोरमहापालिकेच्या आकडेवारीनुसार, शहरातील मालमत्ता कराची मूळ थकबाकी ६८३.६६ कोटी रुपये आहे. त्यावर जमा झालेला दंड ५८६.७० कोटी रुपये, तर वॉरंट कारवाईशी संबंधित रक्कम ८.६९ कोटी रुपये आहे. अशी एकूण थकबाकी १,२७९.०५ कोटी रुपये असून, ती शहरातील सुमारे ३.२४ लाख मालमत्तांवर आहे.
या मोहिमेसाठी थकबाकीच्या प्रमाणानुसार प्राधान्यक्रम निश्चित करण्यात आला आहे. सर्वप्रथम व्यावसायिक मालमत्ता, त्यानंतर मिश्र वापराच्या मालमत्ता, निवासी मालमत्ता आणि मोकळे भूखंड अशा क्रमाने कारवाई केली जाणार आहे.
महापालिकेचे अतिरिक्त आयुक्त मिलिंद मेश्राम यांनी अधिकाऱ्यांना थकबाकी वसुलीसाठी टप्प्याटप्प्याने कारवाई करण्याच्या सूचना दिल्या आहेत. मोठ्या थकबाकीदारांसोबतच कमी रकमेची थकबाकी असलेल्या मालमत्तांचीही पद्धतशीर वसुली करण्याचे निर्देश देण्यात आले आहेत. आकडेवारीनुसार, इमारत असलेल्या सुमारे २.३५ लाख मालमत्तांवर ४७२.१२ कोटी रुपयांची थकबाकी आहे. तर ८८,९१८ जमीन आणि मोकळ्या भूखंडांवर २११.५५ कोटी रुपये थकीत आहेत. वादग्रस्त मालमत्ता तसेच अद्याप जीआयएस मॅपिंगमध्ये नोंद न झालेल्या मालमत्तांवरही विशेष लक्ष दिले जाणार आहे. थकबाकीदारांनी महापालिकेच्या पथकांना सहकार्य करून थकीत कर तातडीने भरावा, असे आवाहन प्रशासनाने केले आहे.
पाच लाखांवरील थकबाकीदारांवर नजर
महापालिकेने पाच लाख रुपयांपेक्षा अधिक थकबाकी असलेल्या मालमत्तांची स्वतंत्र यादी तयार केली आहे. यामध्ये ६२४ व्यावसायिक, ४०४ मिश्र वापराच्या आणि ७०९ निवासी मालमत्तांचा समावेश आहे. या मोठ्या थकबाकीदारांकडून प्राधान्याने वसुली केली जाणार आहे. दीर्घकाळापासून मोठी थकबाकी ठेवणाऱ्या मालमत्तांविरुद्ध महाराष्ट्र महानगरपालिका कर नियमांतील नियम ४२ अंतर्गत थेट वॉरंट कारवाई करण्याच्या सूचना वसुली पथकांना देण्यात आल्या आहेत. जप्तीची कारवाई टाळण्यासाठी थकबाकीदारांना तातडीने कर भरण्याची संधी दिली जाणार आहे. वसुली पथकांकडे डिजिटल पीओएस मशीन उपलब्ध करून देण्यात येणार असून, संबंधित मालमत्ताधारकांना संपूर्ण थकबाकीची रक्कम जागेवरच डिजिटल पद्धतीने भरता येणार आहे. त्यामुळे पुढील कठोर कारवाई टाळता येईल, असे महापालिकेने स्पष्ट केले आहे
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
