Sunil Pal : ‘असभ्य भाषा वापरा, वाद निर्माण करा आणि शेवटी आदर मिळवा’, मुख्यमंत्र्यांनी समय रैनाचा सन्मान केल्याबद्दल संतापला सुनील पाल

सुनील पालची समय रैनावर टीका

समय रैनाच्या सन्मानावर प्रतिक्रिया देताना सुनील पालनं नाराजी व्यक्त केली. त्यांनं सरकारनं समय रैनाला सन्मानित करण्याचा निर्णय का घेतला? असा सवाल केला. तसेच अशा प्रकारच्या सन्मानामुळे तरुण कॉमेडियन्समध्ये कोणता संदेश जाईल, याचाही विचार करण्याची गरज असल्याचं म्हटलं. सुनील पालनं समय रैनाच्या ‘इंडियाज गॉट लेटेंट’ या शोशी संबंधित वादाचा उल्लेख करत शोमधील आक्षेपार्ह भाषेवरही प्रश्न उपस्थित केले. ‘घोर कलियुग आ गया है,’ अशी प्रतिक्रिया देत त्यानं सरकारच्या निर्णयावर टीका केली.

Kangana Ranaut : ‘मी भाजपची कळसुत्री बाहुली नाही’, कंगना रणौतचं वक्तव्य; म्हणाली, ‘पक्ष आज माझ्यासोबत आहे, उद्या नसेल’
‘कॉमेडियन बना, शिवीगाळ करा, असभ्य भाषा वापरा, पोलिसात केसमध्ये अडका, वाद निर्माण करा, चर्चेत या आणि शेवटी, आदर मिळवा. जेव्हा तुम्ही यश मिळवाल, तेव्हा प्रत्येकजण तुम्हाला सलाम करेल.’ असं सुनील पाल म्हणाला. तसंच, ‘हे देवेंद्र, हे नरेंद्र, काय चाललंय, इंदिरा बघत आहेत…’ असंही त्यानं म्हटलंय.

समय रैनाचा सन्मान

महाराष्ट्र सायबरच्या जनजागृतीसाठी तयार करण्यात आलेल्या शॉर्ट फिल्म आणि नवीन हेल्पलाइन अँथमच्या लॉन्च कार्यक्रमात समय रैना सहभागी झाला होता. यावेळी मुख्यमंत्री देवेंद्र फडणवीस यांच्या हस्ते त्याचा सन्मान करण्यात आला. कार्यक्रमातील व्हिडिओमध्ये फडणवीस आणि समय रैना यांच्यात संवाद झाला. आपल्या भाषणात समय रैनानं ‘इंडियाज गॉट लेटेंट’शी संबंधित जुन्या वादाचाही उल्लेख केला. त्यानंतर कार्यक्रमातील काही व्हिडिओ सोशल मीडियावर व्हायरल झाले.

समय रैनानं महाराष्ट्र सायबरसोबतच्या आपल्या सहभागावरही मजेशीर प्रतिक्रिया दिली. ‘इंडियाज गॉट लेटेंट’ वादाच्या काळात महाराष्ट्र सायबरकडून अनेकदा संपर्क साधण्यात आल्यामुळे संबंधित नंबर आपण सेव्ह करून ठेवला होता, असं त्यानं विनोदी शैलीत सांगितलं.