Nashik Shivsena UBT: ठामपणे पक्षासोबत उभे राहिल्याबद्दल उद्धव ठाकरेंनी अभिनंदन केल्याचा संदेशही त्यांनी नगरसेवक व पदाधिकाऱ्यांपर्यंत पोहोचवला.
महापालिकेतील शिवसेना ‘उबाठा’ गटातील १५ पैकी १२ नगरसेवक शिवसेना शिंदे गटाच्या संपर्कात असल्याचा संशयकल्लोळ शिंदे गटातील काही पदाधिकाऱ्यांकडून पसरवला जात आहे. याबाबतची चर्चा केवळ अफवाच असल्याचे स्पष्टीकरण गटनेते केशव पोरजे यांनी शुक्रवारी (दि.१०) दिले. तसेच १५ पैकी १३ नगरसेवकांची माध्यमांसमोर परेड करवून नगरसेवकफुटीच्या बातम्या खोट्या असल्याचे सांगितले.
Supriya Sule: ‘राष्ट्रवादी’ला मनसेतच पाठवायचे बाकी राहिलेय! खासदार सुप्रिया सुळे यांची मिश्किल टिप्पणी
काही मध्यस्थांमार्फत नगरसेवकांना पक्षांतरासाठी आमिषे दाखविली जात असून, दहा नगरसेवक आणल्यास उपमहापौरपद आणि विकासकामांसाठी पाच कोटी रुपयांचा निधी देण्याचे आश्वासन दिले जात असल्याचा आरोप पोरजे यांनी पत्रकार परिषदेत केला. या संपूर्ण प्रकाराची माहिती खासदार संजय राऊत आणि मिर्लेकर यांना पोहचविल्यानंतर शनिवारी मिर्लेकरांनी रामरक्षा आंदोलनाच्या निमित्ताने नाशिक गाठले. यांनतर ‘एसआयआर’ मोहिमेसंदर्भात नगरसेवक व पदाधिकाऱ्यांची बैठक घेऊन त्यांनी घडलेल्या घटनेचा आढावा घेतला.
या अफवा असल्याचे सांगतानाच नगरसेवकनिधीचे मात्र आमिष दाखवले जात असल्याचा खुलासा काही पदाधिकारी व नगरसेवकांनी केला. आमिषे दाखवली तरी आम्ही पक्षासोबत एकनिष्ठ राहणार असल्याचा शब्द नगरसेवकांनी दिला.Nashik News: नाशिककरांनो, सतर्क रहा! जिल्ह्यात साडेतीन वर्षात 1 लाखांहून अधिक नागरिकांना श्वानदंश, रेबीजने 20 जणांचा करुण अंत
पक्षाचा नाशिकमधील एक ‘बडा’ पदाधिकारी अस्वस्थ असल्याच्या चर्चा सुरू आहेत. याच ‘बड्या’ नेत्याच्या माध्यमातून शिंदे गटातील काही उत्साही पदाधिकाऱ्यांकडून नगरसेवकांवर गळ टाकली जात असल्याची चर्चा सुरू आहे . त्यामुळे शिवसेना ‘उबाठा’तील एका गटाला ‘त्या’ अस्वस्थ पदाधिकाऱ्यावर लक्ष देण्यास सांगितल्याची माहिती सूत्रांनी दिली. तसेच या नेत्याशी संबंधित नगरसेवकांवरही ‘वॉच’ ठेवला जाणार असल्याचे समजते.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा
