SEBI CAS Rules ; नवीन नियम म्हणजे ‘खरा पावरहाऊस’; फक्त पद्धत बदलली अन् निफ्टीने घेतली थेट 200 अंकांची मोठी झेप

जगभरात दररोज अनेक वेगवेगळ्या गोष्टी घडत आहेत. कुठे युद्धजन्य तणावपूर्ण परिस्थिती आहे, तर कुठे मोठमोठी आंदोलने सुरु आहेत. या सर्व गोष्टींचा परिणाम जागतिक बाजारपेठेवर दिसून येत आहे. अशामध्ये भारतीय शेअर बाजारातही आज अनेकांना गोंधळात पाडणारा प्रकार घडला आहे. SEBI ने नवा नियम आणला आहे आणि आज या नियमाचा थेट परिणाम निफ्टीवर झालेला दिसत आहे. नियम जरी Future And Options Shares संदर्भात असला तरी या नियमाचा परिणाम आज संपूर्ण NIFTY वर झालेला दिसून आला आहे. आज शेअर बाजार बंद होण्याच्या अगदी शेवटच्या काही क्षणांमध्ये NIFTY ने थेट 200 अंकांची मोठी झेप घेतली आहे. अगदी शेवटच्या क्षणात एखादा निर्देशांक इतकी मोठी झेप घेत असेल तर अशावेळी गुंतवणूकदारांची झोप उडणे तर निश्चितच आहे. NIFTY च्या निर्देशकांमध्ये अचानक झालेला हा बदल पाहून अनेक गुंतवणूकदारांमध्ये गोंधळाचे वातावरण आहे. अनेक गुंतवणूकदारांच्या मनात विविध प्रश्नांचे वादळ आहे.

NIFTI मध्ये अचानक इतका मोठा बदल होण्याचे कारण काय?

निफ्टीने आज शेअर बाजार बंद होण्याअगोदरच्या काही क्षणांआधी कमाल केली आहे. निर्देशांक थेट 200 अंकांनी वाढला आहे. सहसा शेवटच्या वेळी निर्देशांकात इतकी मोठी वाढ दिसत नाही. त्यामुळे अनेक गुंतवणूकदारांच्या डोक्यात प्रश्नांचे वादळ सुटले आहे. या बदलामागील कारण म्हणजे SEBI ने आणलेला नवीन नियम. SEBI ने क्लोजिंग ऑक्शन सेक्शन (CAS) लागू केला आहे.

CAS या नव्या नियमामुळे आज NIFTY शेअर बाजार बंद होण्याच्या अवघ्या काही क्षणाआधीच थेट 200 अंकांनी वाढला होता. अनेक तज्ज्ञांद्वारे सांगण्यात आले आहे की SEBI च्या नव्या नियमामुळे या गोष्टी पुढेही घडत राहणार आहेत. शेअर बाजार बंद होण्याआधी निर्देशांकांत मोठा चढउतार दिसून येऊ शकतो. काही दिवस मोठे चढउतार पाहून अनेक गुंतवणूकदारांना नक्कीच प्रश्न पडतील तसेच गोंधळ उडेल पण काही दिवसांनी त्यांना या सगळ्याची सवय होईल.

क्लोजिंग ऑक्शन सेक्शन (CAS) या नियमाचा नेमका अर्थ काय?

क्लोजिंग ऑक्शन सेक्शन (CAS) म्हणजे जेव्हा शेअर बाजार बंद होण्याच्या क्षणात असतो, त्यावेळी एखादा शेअर ज्या जास्तीत जास्त किमतीने विकला किंवा खरेदी केला जातो, ती किंमत त्या शेअरची क्लोजिंग प्राईज ठरते. या पद्धतीमुळे क्लोजिंग प्राईज अधिक पारदर्शक होते. तसेच मोठ्या संस्थांना योग्य किंमतीत व्यवहार करता येतो.

PFF Savings Rules : गुंतवणुकीसाठी उत्तम, पण चुका टाळा; परताव्यात अडचणी नको तर या महत्वाच्या गोष्टी लक्षात ठेवाआधी अशी पद्धत वापरली जात होती

जुन्या पद्धतीत शेअर बाजार बंद होताना विक्री आणि खरेदी किंमतीची सरासरी काढली जात होती. ती सरासरी किंमत त्या शेअर्सची क्लोजिंग प्राईज ठरली जात होती. फ्युचर अँड ऑप्शन्स व्यतिरिक्त इतर ट्रेडिंग पद्धतीसाठी अजूनही जुनीच पद्धत वापरात आहे. CAS या पद्धतीचा वापर तुर्तास फ्युचर अँड ऑप्शन्स ट्रेडींगसाठी केला जात आहे

लेखकाबद्दलटीम मटा ऑनलाइनमहाराष्ट्र टाइम्स ऑनलाइन हा गेल्या २६ वर्षांपासून महाराष्ट्रातील अग्रगण्य पोर्टल आहे. राजकीय, सामाजिक, आर्थिक, कला, क्रीडा, मनोरंजन, लाइफस्टाइल या विषयावर बातम्या देण्याचा आणि वाचकांना अपडेट ठेवण्याचे काम केले जाते. या टीममधील प्रत्येक पत्रकार हा वाचक हा केंद्र बिंदू मानून त्यांना बित्तमबातमी देण्याचा प्रयत्न करतो.… आणखी वाचा