Saudi Arabia Oil Price Cut; तेलाच्या खेळात सौदी अरेबियाची बाजी! भारताच्या मित्राने वाढत्या किमतीतवर केला 26 वर्षांतील सर्वात मोठा ‘स्ट्राईक’

सौदीचा तेल बाजार हादरवणारा निर्णय

सौदी अरेबियाची सरकारी तेल कंपनी, सौदी अरामकोने, वाढता जागतिक पुरवठा आणि खरेदीदारांमधील वाढत्या स्पर्धांचा हवाला देत आशियाई ग्राहकांना विकल्या जाणाऱ्या ‘अरेब लाईट’ क्रूडच्या किमतीत किमान 26 वर्षांतील सर्वात मोठी कपात जाहीर केली असून सौदीच्या या हालचालींचा परिणाम भारतावरही थेट होईल. यानुसार आता सौदी आरामको आता आशियाई देशांना आपले अरब लाईट तेल प्रति बॅरल 11 डॉलरच्या सवलतीने विकेल.

Stock Crash: कधी रॉकेटपेक्षाही सुस्साट, आता कोणी ढुंकूनही पाहीना; अंबानींच्या शेअरमुळे गुंतवणूकदारांचा खिशाला चाट
सरकारी तेल उत्पादक सौदी अरामको पुढील महिन्यात आशियासाठीच्या आपल्या ‘अरेब लाईट’ तेलाच्या किमतीत प्रति बॅरल 11 डॉलरची कपात करणार असून याआधी ब्लूमबर्गच्या अहवालात 8 डॉलरच्या घसरणीपर्यंत कपातीची शक्यता वर्तवली गेलेली. याआधी काही दिवसांपूर्वी 22 देशांच्या ओपेक+ समूहाने पुढील महिन्यापासून तेलाच्या उत्पादनात वाढ करण्याचे जाहीर केले. यामुळे भारतासह जगालाही दिलासा मिळाला तर, अलीकडच्या सौदी आरामकोच्या निर्णयाने दिलास्यात आणखी भर पाडली.

अमेरिका आणि इराण यांच्यात ‘60 दिवसांचा करार’ झाल्यानंतर आणि होर्मुझ सामुद्रधुनीतून जहाजांची ये-जा सुरळीत झाल्यावर जूनच्या मध्यापासून जागतिक बाजारात क्रूडच्या किमतीत घसरण होऊ लागली. यामुळे ब्रेंट क्रूडची किंमत प्रति बॅरल सुमारे 72 डॉलरपर्यंत घसरली आहे, जी फेब्रुवारीच्या अखेरीसच्या पातळीइतकीच आहे.

SK Hynix Listing: AI क्षेत्रात मोठा बूम! कधीही न मिळणारी ‘जॅकपॉट’ संधी, अनोळखी कोरियन चिपमेकर कंपनी करणार 2800 कोटींचा श्रीगणेशा

इतकी मोठी कपात करण्याचे कारण काय

मध्यपूर्वेत शांतता झाल्यावर जगभर पुन्हा वेगाने तेलाचा पुरवठा सुरू झाल्यामुळे सौदीने मोठं पाऊल उचलल्याचे मानले जात आहे. अलीकडच्या काळात बाजारात क्रूडची उपलब्धता वाढली, म्हणजे जेव्हा पुरवठा जास्त असतो आणि खरेदीदार मर्यादित असतात, तेव्हा ग्राहकांना टिकवून ठेवण्यासाठी कंपन्या स्पर्धा करतात.

सद्य आशियाई बाजारात अशीच परिस्थितीत दिसत आहे. आशियाई तेल रिफायनरीज कंपन्यांनी त्यांच्याकडून अधिक तेल खरेदी करण्याच्या उद्देशाने सौदी अरेबियाने आपल्या क्रूडच्या किमतीत लक्षणीयरीत्या कपात केली आहे.

Maya Tata: माया टाटा आहेत तरी कोण? नोएल टाटांची मुलगी महासाम्राज्यात मोठी जबाबदारी पेलणार, TATA ग्रुपमध्ये त्यांची चर्चा का?

सौदीच्या निर्णयाचा भारताला किती फायदा

भारत आपल्या गरजेपैकी 85 टक्के तेल परदेशातून आयात करतो. अशा परिस्थितीत, या संदर्भात, सौदी अरेबियाने आशियाई देशांसाठी तेलाच्या किमतीत केलेल्या ऐतिहासिक कपातीमुळे भारताचे आयात बिल आणि चालू खात्यातील तूट लक्षणीयरीत्या कमी होऊ शकेल, ज्याचा अर्थव्यवस्था आणि रुपयावर थेट परिणाम होईल.

याशिवाय, क्रूडच्या किमतीतील कपातीमुळे पेट्रोल आणि डिझेलच्या देशांतर्गत किरकोळ किमतीत कपात होण्याची शक्यताही वाढेल. यामुळे देशातील महागाई नियंत्रणात ठेवण्यास आणि तेल विपणन कंपन्यांच्या नफ्याचे प्रमाण सुधारण्यास थेट मदत होईल.