Sarangkheda Horse Market Nandurbar : पुष्कर येथे तब्बल 1 कोटी 17 लाख रुपयांची किंमत लागलेल्या खास रुद्राणी घोडीच्या आगमनाने अश्वप्रेमी आणि नागरिकांमध्ये मोठी चर्चा रंगली आहे
रुद्राणीची वैशिष्ट्यं काय?
रुद्राणी घोडीचे वय फक्त 22 महिने आहे. तिची उंची 65 इंच इतकी असून तिची बांधणी, चाल आणि अंगकाठी विलक्षण आकर्षक आहे. कमी वयात एवढी प्रभावी उंची आणि दमदार वैशिष्ट्यं पाहून यात्रेतील जाणकारही प्रभावित झाले आहेत.
दररोज आठ लिटर गाईचे दूध!
रुद्राणीची खास निगा राखली जाते. तिला दररोज आठ लिटर गाईचे दूध प्यायला लागते. त्यामुळे तिचा देखणेपणा आणि तंदुरुस्ती हा यात्रेत चर्चेचा विषय ठरला आहे.
Student Death : तुमचा मुलगा… शाळेतून फोन, सशाच्या काळजाने बाप पोहोचला, तोवर सगळं संपलेलं; 11 वर्षांच्या लेकराचा मृत्यू, कारण हादरवणारं
मध्य प्रदेशातून आली खास पाहुणी
रुद्राणीचे मालक मध्य प्रदेश येथील महेश्वर भागातील यादव इस्टेट फार्मचे राजेंद्र यादव आहेत. त्यांनी तिला यंदा सारंगखेडा यात्रेत डिस्प्लेसाठी आणले आहे. रुद्राणीला पाहण्यासाठी गर्दी उसळत असून मोबाईल कॅमेऱ्यांचे फ्लॅश लाईट थांबतानाच दिसत नाही. यात्रेत दाखल झालेली ही कोट्यवधींची ‘रुद्राणी’ घोडी आता प्रेक्षकांच्या पसंतीस उतरुन सर्वांचे लक्ष वेधून घेत आहे.Super Commuter : विरार-बदलापूरवाल्यांना टफ फाईट, हा इंजिनिअर पहाटे 2 ला उठतो, पाच तास प्रवास करुन ऑफिसला जातो, 10 लाख घालवल्यावर म्हणतो…
आमदारपुत्राची अश्वखरेदी
दौंडचे भाजप आमदार राहुल कुल यांचा मुलगा आदित्य याने येथील अश्व बाजारातून 11 लाख किमतीची नुकरा जातीची घोडी खरेदी केली.
जातिवंत आणि उमद्या घोड्यांसाठी प्रसिद्ध असलेल्या सारंगखेडा येथील अश्व बाजार विविध प्रांतातील घोड्यांच्या आगमनाने बहरुन गेला आहे. घोडे बाजारात आतापर्यंत सुमारे 1800 घोडे विक्रीसाठी दाखल झाले आहेत. आतापर्यंत घोड्यांच्या विक्रीतून 50 लाखांहून अधिक उलाढाल झाली आहे. यापैकी युवराज, सुलतान, रुबी आणि मानसी या अश्वांची चर्चा असून अश्व शौकीन त्यांना पाहण्यासाठी गर्दी करत आहेत. भरतपूर (राजस्थान) येथील कृष्णवीरसिंग राजपूत यांच्या मालकीची २० महिने वयाची नुकरा जातीची घोडी आमदार राहुल कुल यांचा पुत्र आदित्य याने ११ लाख ११ हजार १११ रुपयांमध्ये खरेदी केली.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
