Salman Khan : थकलेले डोळे अन् बारीक शरीरयष्टी; सलमान खानला झालं तरी काय? चाहते चिंतेत, Video व्हायरल

सलमान खानला पाहून चाहते चिंतेत

सलमान खानचे आरोग्य चर्चेचा विषय बनलं आहे. शुक्रवारी, सलमानने झोपडपट्टी पुनर्वसन प्राधिकरणाच्या (SRA) कार्यालयाला भेट दिली. तिथं त्यानं आयटी सर्व्हर रूमचं उद्घाटन केलं. या कार्यक्रमादरम्यान, अभिनेत्यानं लाभार्थ्यांना घरांच्या चाव्याही सुपूर्द केल्या.

सलमानच्या भेटीचे अनेक व्हिडिओ सोशल मीडियावर _{समोर आले आहेत. सलमान खान अचानक बारीक दिसायला लागल्यामुळे चाहत्यांनी काळजी व्यक्त केली आहे. अभिनेत्याचे डोळेही सुजलेले दिसत आहेत. एकानं लिहिलं की, ‘अभिनेता आजारी दिसतोय…देव तुला लवकर बरं करो,’ तर दुसऱ्यानं म्हटलं, ‘तो आजारी दिसतोय, मला वाटतं त्याला काही आरोग्य समस्या आहेत.’ आणखी एकाने विचारलं की, ‘माझ्या किंगला काय झालंय?’}

‘सलमान खानला काय झालं? सुरुवातीला मला वाटलं की तो नाही, पण मी तिथे शेरालाही पाहिलं. सलमान धर्मेंद्र यांच्या वयाचा दिसतोय.’, ‘तो सलमान खान आहे का? त्याची तब्येत बरी नाही का?’ अशा कमेंट्स इतर नेटकऱ्यांनी केल्या आहेत.
Medha Manjrekar : ‘ट्रीपवरून आल्यावर टेस्ट केली, 8 महिन्यांपासून कॅन्सरचा प्रवास सुरू आहे’, आजारपणावर मेधा मांजरेकर यांची प्रतिक्रिया

सलमान खानचं वर्कफ्रंट

सलमान खान लवकरच ‘मातृभूमी’मध्ये दिसणार आहे, मार्च महिन्यापर्यंत या चित्रपटाचं नाव ‘बॅटल ऑफ गलवान’ असं होतं आणि हा सिनेमा गलवान खोऱ्यात भारतीय व चिनी सैन्यांमध्ये झालेल्या प्रत्यक्ष संघर्षावर आधारित असल्याचं म्हटलं जात होतं. पण आता या प्रोजेक्टला एक वेगळं वळण लागलं असून चित्रपटाचं शीर्षक बदलण्यात आलं आहे. चीन आणि गलवान खोऱ्याचे संदर्भ काढून टाकण्यात आले आहेत, आणि मिळालेल्या माहितीनुसार टीम मोठ्या प्रमाणावर पुन्हा शूटिंग करत आहे.
Eva Grover : आमिर खानच्या सावत्र भावासोबत लग्न, नवऱ्यानेच कामासाठी ठेवायला सांगितले निर्मात्यांसोबत संबंध; अभिनेत्रीनं सांगितला प्रसंग
सलमान खान फिल्म्सच्या बॅनरखाली सलमान खान निर्मित आणि अपूर्व लाखिया दिग्दर्शित ‘मातृभूमी’ या चित्रपटात सलमान खानने भारतीय लष्कराच्या कर्नलची भूमिका साकारली आहे. यात चित्रांगदा सिंग देखील आहे. प्रदर्शनाची तारीख अद्याप जाहीर करण्यात आलेली नाही.