राज ठाकरेंनी कुठली वेब सिरीज पाहिली
मी द ऑफर ही वेब सिरीज पाहिली असून ती पुन्हा पाहावी वाटते. ती वुटवर आहे. ते लोक जो काळ दाखवतात तो दाखवण्यासाठीची साधनं आपल्याकडे नाहीत. तरी देखील आपल्याकडील लोक दाखवण्याचा प्रयत्न करतात त्यांचं कौतुक आहे, असं राज ठाकरे म्हणाले.
छप्पर फाडके! मच्छिमारांच्या जाळ्यात एकाचवेळी आले १५ टन मासे; बांगडे, तारलींचा खच
माझ्या घरामध्ये एक ड्रोबो मशीन आहे. त्यात साडे नऊ हजार फिल्म आहेत त्या पाहिल्या आहेत. मी राजकारणात अपघातानं आलो, माझं पहिलं पॅशन फिल्म मेकिंग आहे. मराठी चित्रपट घाईगडबडीनं बनवल्याचं वाटतं. अनेक चित्रपटांमध्ये स्क्रीन प्ले नसतात. बऱ्याच त्रुटी असतात पण हे सरसकट सांगता येत नाही. अभिनय उत्तम आहे, बांधणी नवी आहे. नवी मुलं येत आहेत. आपल्याला नव्या गोष्टी पाहायला मिळतील. अमराठी लोक येऊन मराठी नाटकाला बसायची आणि हिंदी सिनेमा काढायाची तो काळ पुन्हा यावा, असं राज ठाकरे म्हणाले.
राज ठाकरेंचं पहिलं पॅशन काय?
राज ठाकरे यांनी मी अपघातानं राजकारणात आलो असल्याचं आजच्या कार्यक्रमात सांगितलं आहे. तर, फिल्ममेकींग हे माझं पॅशन असल्याचं ते म्हणाले. अथांग वेब सिरीजच्या टीमला राज ठाकरेंनी शुभेच्छा दिल्या.
संजयजी, नफा तोटा विसरुन उभे राहिलात, शिंदे गटाच्या आमदाराचं सुप्रिया सुळेंकडून जाहीर कौतुक
राज ठाकरे यांनी गेल्या काही दिवसांपूर्वी महेश मांजरेकर यांच्याकडून निर्मिती आणि दिग्दर्शित करण्यात येत असलेल्या वेडात मराठे वीर दौडले सात या चित्रपटाच्या मुहूर्ताला हजेरी लावली होती. त्या संपूर्ण सोहळ्यास राज ठाकरे उपस्थित होते. राज ठाकरे आणि मुख्यमंत्री एकनाथ शिंदे त्या कार्यक्रमाला उपस्थित होते. राज ठाकरेंनी हर हर महादेव चित्रपटाला आवाज देखील दिला होता. ज्येष्ठ अभिनेते प्रशांत दामले यांच्या १२ हजार ५०० व्या प्रयोगाला देखील ते उपस्थित राहिले होते. राज ठाकरे मराठी चित्रपटसृष्टीतील अनेक कलाकारांच्या पाठिशी असतात.
महाराष्ट्राच्या सुपुत्राला अखेरचा सलाम! धुळ्यातील शहीद जवानावर अंत्यसंस्कार, गावात तिरंगा रॅली
