Ketan Agarwal Killed Case : केतनचा खून करणाऱ्या आरोपींना कठोर शिक्षा देण्याच्या मागणीसाठी गहुंजे येथील लोढा सोसायटी परिसरात अग्रवाल समाजाच्या वतीने मूक मेणबत्ती मोर्चा काढण्यात आला.
समोरासमोर बसवून चौकशी
केतन अग्रवाल याचा १८ जून रोजी सकाळी साडेदहा वाजण्याच्या सुमारास लोहगड किल्ल्यावरील हत्ती तलावाजवळील दरीत ढकलून खून करण्यात आला. या प्रकरणात सिया गोयल आणि चेतन चौधरी यांना अटक केली असून, लोणावळा ग्रामीण पोलिसांकडून आरोपींची समोरासमोर बसवून चौकशी सुरू आहे.
Nashik News : ‘क्लास 1’ अधिकाऱ्याने माणुसकी जपली! जिना चढताना आजी-आजोबांना धाप लागली, नाशिक जिल्हाधिकाऱ्यांनी दाम्पत्याचं काम झाडाच्या पारावर बसून केलं
पोलिसांनी दिलेल्या माहितीनुसार, सिया आणि चेतनची पहिली भेट गेल्या वर्षी ऑक्टोबरमध्ये दिवाळी पार्टीत झाली होती. या ओळखीचे रूपांतर प्रेमात झाले. याच दरम्यान, सियाच्या लग्नासाठी घरातून स्थळे पाहणे सुरू झाले. परदेशातून उच्च शिक्षण घेऊन परतलेला आणि एका नामांकित कंपनीत संचालक असलेल्या केतनचे स्थळ सियासाठी आले. प्रतिष्ठित कुटुंब असल्याने सियाने घरच्यांच्या दबावामुळे या लग्नाला होकार दिला आणि त्यांचा साखरपुडाही झाला. चेतनसमवेत प्रेमसंबंधांमुळे सियाला केतनशी लग्न करायचे नव्हते. मात्र, ती उघडपणे विरोध करू शकत नव्हती. अखेरीस केतनला वाटेतून हटवण्याचा कट या दोघांनी आखला.
किल्ल्यावरील जागांचे लोकेशन चेतनला व्हॉट्सॲपवर
सिया आणि केतन ३१ मे रोजी लोहगडावर गेले होते. तिथेच सियाच्या डोक्यात केतनला दरीतून ढकलून अपघाताचा बनाव रचण्याची कल्पना आली. त्यानंतर सियाने किल्ल्यावरील जागांचे लोकेशन चेतनला व्हॉट्सॲपवर पाठवले. दोघेही संभाषणानंतर चॅट डिलीट करीत असत. केतनला दरीत ढकलताना कोणती पद्धत वापरायची, याचा त्यांनी सराव केला. त्यानंतर १४ जून रोजी केतनला किल्ल्यावरून ढकलण्याचा पहिला प्रयत्न केला. मात्र, त्या वेळी प्रयत्न अयशस्वी ठरला. त्यानंतर १८ जूनला चेतन आपला फोन दुकानातच ठेवून, दुसऱ्याचा फोन घेऊन लोहगडावर पोहोचला. त्याने अंगावर हुडी घालून चेहरा झाकला होता. किल्ल्यावर पोहोचल्यानंतर त्याने हुडी काढून पिशवीत ठेवली. खून केल्यानंतर चेतनने पुन्हा हुडी परिधान केली आणि किल्ल्यावरून खाली उतरल्याचे तपासात समोर आले आहे.Pune News: शिवरायांच्या गड-किल्ल्यांची सफर घरबसल्या करता येणार; ऐतिहासिक जागांची माहितीही मिळणार, काय आहे नवा उपक्रम?
सिया गोयलच्या आई-वडिलांची चौकशी
केतन अग्रवाल खून प्रकरणातील आरोपी सिया गोयलच्या भावाची लोणावळा ग्रामीण पोलिसांनी शुक्रवारी तब्बल दहा तास चौकशी केली होती. त्यानंतर शनिवारी सिया गोयलच्या आई-वडिलांचीही पाच तासांहून अधिक काळ कसून चौकशी करण्यात आली. सिया, तिचा प्रियकर चेतन चौधरी आणि कुटुंबीयांना या कटाची पूर्वकल्पना होती का; तसेच खूनाच्या कटाशी संबंधित इतर बाबींबाबत माहिती घेण्यात आल्याचे समजते.Airoli-Katai Naka Project: ठाणे-डोंबिवली ते नवी मुंबई प्रवास सुस्साट! ४५ मिनिटं वाचणार; ऐरोली-काटई उन्नत मार्ग लवकरच वाहतुकीसाठी खुला
आईला पहिला फोन
केतन दरीत कोसळताच सियाने आधी चेतनला तिथून सुखरूप रवाना केले. त्यानंतर तिने पहिला फोन स्वतःच्या आईला केला. काही वेळानंतर तिने रडण्याचा आणि ओरडण्याचा बनाव केला.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा
