Pune Minor Boy Murder : आरोपींना पोलिसांच्या गाडीच्या बॉनेटवर बसवून दोरीने बांधून त्यांची धिंड काढली. यावेळी पोलिस ठाण्याबाहेर उपस्थित असलेल्या मृत तरुणाच्या आईने संतापाच्या भरात आरोपींवर झेप घेऊन त्यांना चपलेने मारहाण करण्याचा प्रयत्न केला
कोयत्याचे सपासप वार
या प्रकरणात एकाने भारती विद्यापीठ पोलिस ठाण्यात तक्रार दिली आहे. पोलिसांनी दिलेल्या माहितीनुसार, तक्रारदार आणि संबंधित तरुण कात्रज तलाव परिसरातील एका हॉटेलसमोर थांबले होते. त्या वेळी दोन दुचाकींवरून सात अल्पवयीन आरोपी तेथे आले. त्यांनी तरुणाला अडवून कोयत्याने सपासप वार करण्यास सुरुवात केली.
तीस सेकंदात तीस वार
अवघ्या तीस सेकंदात डोके, चेहरा आणि छातीवर सुमारे ३० वार करून आरोपी घटनास्थळावरून पसार झाले. या हल्ल्यात जखमी तरुणाला तातडीने खासगी रुग्णालयात दाखल करण्यात आले. मात्र, उपचारांपूर्वी त्याचा मृत्यू झाल्याचे डॉक्टरांनी घोषित केले. प्राथमिक तपासात मृत तरुणाविरोधात खुनाचा प्रयत्न केल्यासह सहा गुन्ह्यांची नोंद होती. त्याचा एका अल्पवयीन आरोपीच्या कुटुंबाशी काही महिन्यांपूर्वी वाद झाला होता. त्यातून तरुणाला जीवे मारण्याची धमकी देण्यात आली होती.
तीन-चार महिन्यापूर्वी हत्येचा कट
तीन ते चार महिन्यांपूर्वी त्याच्या हत्येचा कट रचण्यात आल्याची माहिती तपासातून पुढे आली आहे. या खुनामागील नेमके कारण आणि इतर आरोपींची भूमिका तपासली जात आहे. भारती विद्यापीठ पोलिस तपास करत आहेत.
मृताच्या आईकडून आरोपींना चपलेने मारहाणीचा प्रयत्न
खून प्रकरणातील एका अल्पवयीन आरोपीला ताब्यात घेऊन पोलिस भारती विद्यापीठ पोलिस ठाण्यात आणत असताना तेथे तणावपूर्ण वातावरण निर्माण झाले. आरोपींना पोलिसांच्या गाडीच्या बॉनेटवर बसवून दोरीने बांधून त्यांची धिंड काढल्याची चित्रफीत व्हायरल झाली आहे. या वेळी पोलिस ठाण्याबाहेर उपस्थित असलेल्या मृत तरुणाच्या आईने संतापाच्या भरात आरोपीवर झेप घेऊन त्याला चपलेने मारहाण करण्याचा प्रयत्न केला. मात्र, उपस्थित पोलिसांनी तातडीने हस्तक्षेप करून परिस्थिती नियंत्रणात आणली.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
