Pooja Bedi : लग्नाच्या 9 वर्षात घटस्फोट, 8 वर्षांपूर्वी साखरपुडा; सुप्रसिद्ध अभिनेत्री म्हणाली, ‘आता माझ्यासाठी लग्न गरजेचं नाही’

पूजा बेदी लग्नाबद्दल काय म्हणाली?

पूजा बेदीनं विकी लालवानीला दिलेल्या मुलाखतीमध्ये लग्नाबद्दल म्हणाली की, लग्न तिच्या स्वप्नांचा भाग नाही. ती स्वतःला विवाहित मानते. पूजा म्हणाली, गेल्या काही वर्षांत, लग्नाबद्दलचे माझे विचार खूप बदलले आहेत. मानेक कॉन्ट्रॅक्टरसोबत साखरपुडा होऊन आठ वर्षे झाली असली तरी, माझ्या लग्नाची कोणतीही योजना नाही. माझ्यासाठी साखरपुडा पुरेसा आहे. माझ्यासाठी लग्न गरजेचं नाही. लग्न केल्यानंतर दोन लोकांमध्ये सरकारची इन्व्हॉलमेंट होते. कागदपत्र बनवली जातात. मला ते सगळं नकोय.

‘अधिकृतपणे लग्न न करताही मी स्वतःला विवाहित मानते’

पूजा पुढे म्हणाली, ‘माझं लग्न झालं होतं, माझा घटस्फोट झाला आणि मला दोन मुलं आहेत. माणेकचंही लग्न झालं, घटस्फोट झाला आणि त्याला मुलं आहेत. मालमत्तेसारख्या लहानसहान बाबींमध्येही सर्व काही खूप सोपं आहे. माझी मालमत्ता माझ्या मुलांना मिळेल आणि त्याची मालमत्ता त्याच्या मुलांना मिळेल. मी कमावते, तो कमावतो आणि आम्ही दोघेही स्वतंत्र आहोत. मला सुरक्षेसाठी त्याची गरज नाही. त्यालाही आर्थिक सुरक्षेसाठी माझी गरज नाही. पण आम्ही खूप आनंदी आहोत.’

Mehmood Son Lucky Ali : मेहमूद यांचा मुलगा, मीना कुमारींचा भाचा, ३ लग्न अन् घटस्फोट, नाही मिळालं खरं प्रेम; स्वतःच्या गाण्यानं चाहत्यांना लावतोय वेड
याच मुलाखतीदरम्यान अभिनेत्रीला आदित्य पांचोलीसोबतच्या अफेअरबद्दल विचारलं असता, पूजानं त्यावर उघडपणे बोलण्यास नकार दिला. अभिनेत्रीनं सांगितलं की, आदित्यला दोन मोठी मुलं आहेत आणि त्यांच्या वडिलांच्या भूतकाळातील जुन्या गोष्टी वारंवार उकरून काढणं तिला योग्य वाटत नाही. पूजा म्हणाली की, जर कोणाला त्यांच्या नात्याबद्दल जाणून घ्यायचं असेल, तर ते इंटरनेटवर वाचू शकतात, परंतु सार्वजनिक ठिकाणी जुन्या गोष्टी वारंवार उकरून काढणं मुलांसाठी चांगलं नाही. अभिनेत्रीनं सांगितलं की, त्या नात्यातून ती एक धडा शिकली आहे. आयुष्यातील प्रत्येक गोष्ट एक आठवण आणि अनुभव बनते. लोक या अनुभवांमधून शिकतात आणि काळासोबत अधिक कणखर व शहाणे बनतात.

Sunil Lahri : ‘Gen Z, Gen Alpha ही आपली संस्कृती नाही, पुढच्या पिढीसाठी आपण कोणते शब्द वापरत आहोत?’ ‘रामायण’ फेम सुनील लहरींचं वक्तव्य

फरहान फर्निचरवालासोबत लग्न आणि घटस्फोट

पूजा बेदीनं १९९४ मध्ये व्यावसायिक फरहान फर्निचरवालाशी लग्न केलं. या लग्नातून तिला आलिया आणि ओमर ही दोन मुलं आहेत. २००३ मध्ये त्यांचा घटस्फोट झाला. त्यानंतर, फेब्रुवारी २०१९ मध्ये तिचा माणेक कॉन्ट्रॅक्टरसोबत साखरपुडा झाला. पूजा बेदीनं ‘जो जीता वोही सिकंदर’, ‘लुटेरे’, ‘आतंक ही आतंक’ आणि ‘फिर तेरी कहानी याद आयी’ यांसारख्या चित्रपटांमध्ये काम केलं आहे.