NPS Pension Schemes For Delivery Partners To Have Secure Future ; आता डिलिव्हरी पार्टनरलाही मिळवता येईल निवृत्तीनंतर पेन्शन! त्यासाठी आहेत काही महत्वाचे स्टेप्स, जाणून घ्या

डिलिव्हरी प्लॅटफॉर्मशी जोडलेल्या अनेक पार्टनर्सना एनपीएस या सेवेविषयी ठाऊक नाहीये. एनपीएस ही पेन्शन पुरवणारी आणि नव्याने तयार करण्यात आलेली प्रणाली आहे.या सेवेच्या माध्यमातून एखाद्या कर्मचाऱ्याला त्याच्या निवृत्तीनंतर मिळणारे पेन्शन हे पूर्णपणे त्याच्या घामाचे असते.एकंदरीत, कर्मचाऱ्याने सेवेत असताना पेन्शन म्हणून जमा केलेली जमापुंजी गुंतवली जाते आणि कर्मचारी निवृत्त झाल्यानंतर त्याच्या एनपीएस खात्यात जमा झालेली रक्कम नफ्यासहित पुरवण्यात येते. एनपीएस या पेन्शन प्रणालीत कर्मचाऱ्याला आधी लम्प सममध्ये काही ठराविक रक्कम काढण्याची मुभा असते तर नंतर शिल्लक रक्कम प्रत्येक महिन्याला पेन्शन म्हणून पुरवण्यात येते.

आता Zomato, Swiggy तसेच Blinkit सारख्या इतर डिलिव्हरी प्लॅटफॉर्मसाठी काम करणाऱ्या कर्मचाऱ्यांना निवृत्तीनंतर पेन्शन मिळवता येणार आहे. यासाठी त्यांना प्रत्येक महिन्यात काही रक्कम एनपीएस खात्यात जमा करावी लागणार आहे. कर्मचाऱ्यांना तीन पद्धतीने पैसे जमा करता येऊ शकतात. अनेकदा कर्मचारी आणि कंपनी दोघे मिळून एनपीएस खात्यात प्रत्येक महिन्याला रक्कम जमा करतात. तर काही वेळा एक तर कंपनी कर्मचऱ्याच्यावतीने रक्कम जमा करते किंवा कर्मचारी स्वतः रक्कम जमा करतो.

जर तुम्हाला भविष्यात सेवेतून निवृत्त झाल्यावर आर्थिक अडचणीत अडकल्यावर स्वतःला बळकट ठेवायचे असेल तर अशावेळी प्रत्येक महिन्याला आपल्या खात्यात जमा होणारी पेन्शन आपला फार मोठा आधार ठरू शकते. एनपीएस खाते खुले केल्यानंतर आपल्याला PRAN क्रमांक पुरवण्यात येते. जसे बँकेत खाते खुले केल्यावर आपल्याला खाते क्रमांक दिले जाते, तसेच एनपीएस खाते खुले केल्यावर आपल्याला PRAN क्रमांक मिळते.त्यासाठी आधार क्रमांक,पॅन क्रमांक, पत्ता तसेच बँक खात्याचा तपशील अशा काही महत्वाच्या दस्तऐवजांची गरज भासते. खाते खुले केल्यानंतरच्या 60 दिवसांच्या आत डिलिव्हरी पार्टनरला नॉमिनी ठरवायचा असतो आणि त्या संबंधित दस्तऐवजांची पुष्टी करावी लागते.

EPFO 2026 Rules: पीएफमधून पैसे काढणे, पेन्शन नियमांत मोठे बदल; आपल्याच पैशांसाठी 12 महिने वाट पाहावी लागणार, 25% किमान शिल्लक अनिवार्यमहत्वाचे म्हणजे किमान 99 रुपये प्रति महिन्यापासून कर्मचाऱ्याला सुरुवात करता येऊ शकते.दर महिन्यात तुमच्या खात्यात इतकीच रक्कम गेली पाहिजे अशी कोणतीही सक्ती करण्यात येत नाही.भविष्यात तुम्ही तुमच्या दरमाह जमा करण्याच्या रक्कमेत वाढही करू शकता. तर भविष्यात तुम्ही काम करण्याचे प्लॅटफॉर्म बदलले तरी तुम्हाला नवीन एनपीएस खाते तयार करण्याची काहीच गरज नाही, तेच खाते तुमच्या नवीन सहकारी कंपनीशी जोडता येऊ शकते.