EPFO Withdrawal Rules: कर्मचारी भविष्य निर्वाह निधी संघटना म्हणजे EPFO ने नोकरी गमावल्यानंतर किंवा राजीनामा दिल्यानंतर EPF खात्यातून शिल्लक विड्रॉल नियमांमध्ये बदल केला आहे. ईपीएफओच्या नव्या नियमानुसार आता नोकरी गमावल्यानंतर 12 महिन्यांनीच संपूर्ण रक्कम काढता येईल, तर याआधी 2 महिन्यांनंतर शिल्लक विड्रॉलची मुभा दिली गेली होती.
ईपीएफओने वरील दोन परिस्थितीत पीएफ खात्यातील शिल्लक काढण्यासाठी नवीन 12 महिन्यांची मुदत निश्चित केली आहे. म्हणजे नोकरी सोडली किंवा बेरोजगार झाल्याच्या 12 महिन्यांनीच पीएफ खात्यातील संपूर्ण शिल्लक काढण्याची परवानगी मिळेल.
ईपीएफओचा पीएफ विड्रॉलचा नियम बदलला
ईपीएफओच्या जुन्या नियमानुसार आणि 1952 योजनेनुसार पीएफ खातेदार नोकरी गमावल्यानंतर किंवा राजीनामा दिल्याच्या 2 महिन्यांच्या आत खात्यातील 100% शिल्लक विड्रॉ करू शकत होता. पण, आता ईपीएफ योजना 2026 मधून या नियमात लक्षणीय बदल केला गेला असून आता कर्मचारी नोकरी गमावल्यानंतर लगेचच पीएफ खात्यातील केवळ 75% रक्कम काढू शकतील, तर उर्वरित 25% रक्कम 12 महिन्यांनंतरच विड्रॉ करता येईल. ही 25% रक्कम ईपीएफओद्वारे फ्रीझ केली जाईल आणि उर्वरित रक्कम बेरोजगारीच्या सलग 12 महिन्यांनंतरच काढता येईल.
पीएफ विड्रॉलचे नवीन नियम काय
कामगार आणि रोजगार मंत्रालयाने सामाजिक सुरक्षा कायदा 2020 मधील तरतुदींनुसार पीएफ नियमांमध्ये व्यापक बदल केले गेले आहेत. आतापर्यंत बेरोजगार झाल्यानंतर 2 महिन्यांच्या आत PF खात्यातील संपूर्ण शिल्लक काढायची परवानगी होती, पण नवीन नियमांनुसार बेरोजगार झाल्यानंतर लगेचच 75% रक्कम काढता येईल, तर उर्वरित 25% रक्कम सलग 12 महिने बेरोजगार राहिल्यानंतरच काढता येईल. अशाप्रकारे, आता EPS मध्ये ठेव-संलग्न विम्याचाही समावेश केला गेला आहे.
पीएफच्या आंशिक योगदान नियमही बदलले
ईपीएफओने पीएफ अकाउंटमध्ये योगदान देण्यासंबंधीचे नियमबधी सुधारित केले आहेत. आता आंशिक पीएफ योगदान 15000 रुपयांच्या 12 टक्केपर्यंत मर्यादित केले असून कर्मचारी आणि नियोक्त्याला 15000च्या 12% योगदान देणे अनिवार्य असेल. यापेक्षा जास्त रकमेचे योगदान करायचे असेल तर, कर्मचाऱ्यांनी ऐच्छिक भविष्य निर्वाह निधी म्हणजे VPF मध्ये योगदान करावे लागेल.
नोकरी करताना पीएफ विड्रॉलचे नियम काय?
याशिवाय ईपीएफओने नोकरीत असताना पीएफ विड्रॉलचे नियमही बदलले असून यानुसार आता पीएफ खात्यातून केवळ तीनच श्रेणींपुरती – जीवनावश्यक वस्तू, घर खरेदी किंवा विशेष प्रसंग – मर्यादा घातली गेली आहे. त्याचप्रमाणे, आता शिक्षणासाठी 10 वेळा, लग्न आणि घर बांधण्यासाठी पाच वेळा आणि विशेष प्रसंगांसाठी 2 वेळा पीएफ विड्रॉ केला जाऊ शकतो.
लेखकाबद्दलप्रियांका वर्तकप्रियांका वसंत वर्तक या 2023 पासून महाराष्ट्र टाइम्स ऑनलाईनमध्ये डिजिटल कन्टेन्ट प्रोड्युसर पदावर काम करत आहेत. 2015 पासून डिजिटल मीडियामध्ये विविध वेबपोर्टलसाठी काम केले असून क्रीडा आणि बिझनेस यासारख्या विषयांवरील बातम्यांचं लेखन आणि कव्हरेज करायचा दहा वर्षाचा अनुभव आहे.
मुंबई विद्यापीठातून बीएमएम आणि मग मास्टर्सच शिक्षण घेतल्यावर त्यांनी एनडीटीव्हीमध्ये या अग्रगण्य वृत्तवाहिनीमध्ये इंटर्नशीप केली. मग एनबीटी या वृत्तपत्रात शिक्षण आणि मनोरंजन डेस्कवर काम केले. इथे काम करताना त्यांनी शिक्षण व मनोरंजनाशी संबंधित मुलाखती घेतल्या. त्यानंतर 2016 मध्ये फ्री प्रेस जर्नल या इंग्रजी वृत्तपत्रातील ऑनलाईन डिपार्टमेंटमध्ये तीन वर्ष केले जिथे त्यांनी मनोरंजन आणि क्रीडा क्षेत्रातील घडामोडींचे कव्हरेज सुरु करून तीन वर्षाचा अनुभव घेतला.
पत्रकारिता क्षेत्रात 15 वर्षांचा अनुभव
2019 मध्ये लेट्सली या मराठी वेबसाईटसाठी क्रीडा क्षेत्रात न्यूज रायटर म्हणून काम केले. मे 2023 मध्ये महाराष्ट्र टाइम्समध्ये सर्वप्रथम कन्सल्टंट म्हणून तीन महिन्यांचा अनुभव घेतला. या दरम्यान बिझनेस आणि क्रीडा क्षेत्रातील घडामोडी जसे की आयपीएल आणि वेगवेगळ्या क्रीडा मालिका तसेच बिझनेसमध्ये वेतन आयोगासह आंतरराष्ट्रीय घडामोडी कव्हर केल्या.
2023 मध्ये फुल-टाइम्स बिझनेस कव्हरेज सुरु केले. व्यापार कार्यक्षेत्रातील बातमी आणि विश्लेषण लेखांना प्राधान्य दिलं. आंतराष्ट्रीय तसेच राष्ट्रीय शेअर मार्केट, रिअल इस्टेट आणि व्यापार उद्योगाशी संबंधित घडामोडी आदी विषयांवर लेख मालिका लिहिले. केंद्रीय अर्थसंकल्प, अमेरिकेसोबत ट्रेड डील आणि त्यांचा जनसामान्यांसोबत भारतीय अर्थव्यवस्थेवर होणार परिणाम यांचे विश्लेषण केले.
शैक्षणिक पात्रता
प्रियांका वर्तक यांनी 2014 मध्ये विद्याविहार येथील एस.के. सोमैया महाविद्यालयातून मीडिया व जर्नालिसममधून पदवी आणि पदव्युत्तर शिक्षण घेतले. महाविद्यालयीन काळात बॅडमिंटन आणि क्रिकेट यासारख्या खेळात भाग घेऊन पारितोषिके जिंकली. खेळ, चित्रपट, संगीत, पर्यटन यामध्ये प्रियांका यांना रुची आहे.… आणखी वाचा
