मुख्यमंत्री देवेंद्र फडणवीस यांनी सन २०१८मध्ये ‘टायर बेस्ड’ मेट्रोची घोषणा केली होती. परंतु, मुदत संपूनही ती अस्तित्वात आली नाही. त्यामुळे सिंहस्थ कुंभमेळा आणि वाढत्या लोकसंख्येच्या पार्श्वभूमीवर आमदार ॲड. राहुल ढिकले यांनी मुख्यमंत्री देवेंद्र फडणवीस यांच्याकडे ‘निओ मेट्रो’ ऐवजी नियमित मेट्रो प्रकल्पाचा विचार करण्याची मागणी केली होती. मुख्यमंत्री कार्यालयाने या मागणीची दखल घेतल्यानंतर या विषयावरील हालचालींना गती मिळाली आहे.
Nashik Fraud: दुप्पट सोन्याचं आमिष, नाशिकच्या माजी महापौरांच्या 200 तोळे दागिन्यांची लूट; सराफानं गंडवलं, प्रकरण काय?
महामेट्रोकडून तयार केलेल्या वाहतूक आराखड्याचे सादरीकरण बैठकीत केले जाईल. लोकप्रतिनिधींकडून सूचना, अभिप्राय व निरीक्षणे नोंदवून अंतिम मसुदा शासनाकडे पाठविला जाणार आहे. या बैठकीस महापौर हिमगौरी आहेर-आडके, खासदार राजाभाऊ वाजे, आमदार राहुल ढिकले, देवयानी फरांदे, सीमा हिरे, सरोज आहिरे, विधान परिषद आमदार किशोर दराडे, सत्यजित तांबे, पंकज भुजबळ, गोकुळ गिते, उपमहापौर विलास शिंदे व स्थायी सभापती मच्छिंद्र सानप यांना निमंत्रित करण्यात आले .
Nashik Crime : वैष्णवी आवारे मृत्यू प्रकरण; दुसऱ्यासोबत लग्न जमल्याचा राग, बॉयफ्रेंडला कळताच नको ते केलं, नाशिकमधील घटनेचा उलगडा
मेट्रोचे निकष पूर्ण
नाशिक महानगर प्रदेशाची लोकसंख्या २५ लाखांहून अधिक झाली असून शहराचा विस्तार झपाट्याने होत आहे. भविष्यातील प्रवासी क्षमता लक्षात घेता ‘निओ मेट्रो’ पुरेशी ठरणार की शहरासाठी नियमित मेट्रो अधिक उपयुक्त राहील, यावर बैठकीत सविस्तर चर्चा अपेक्षित आहे. नियमित मेट्रोसाठी आवश्यक असलेली ताशी प्रवासी संख्येचे गणितही पूर्ण झाले आहे. त्यामुळे या बैठकीकडे नाशिकच्या सार्वजनिक वाहतुकीच्या भविष्यासाठी महत्त्वाचा टप्पा म्हणून पाहिले जात आहे.
नाशिकची वाढती लोकसंख्या तसेच सार्वजनिक वाहतूक व्यवस्था बळकट करण्याच्या दृष्टिने मोठ्या शहरांप्रमाणे मेट्रोसारखी वाहतूक व्यवस्था आवश्यक आहे. यासाठी शासनाकडे पाठपुरावा सुरू आहे. -अॅड. राहुल ढिकले, आमदार
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा
