गेल्या आठवडाभरापासून जिल्ह्याच्या पश्चिम पट्ट्यात सुरगाणा, कळवण, पेठ, त्र्यंबकेश्वर आणि दिंडोरी तालुक्यांतील काही भागांत सातत्याने भूकंपाचे धक्के बसत आहेत. गुरुवारी सुरगाणा तालुक्यातील बोरगाव आणि बोरवंड, कळवण तालुक्यातील दळवट तसेच पेठ तालुक्यातील आसरबारी परिसरात भूकंपाचे धक्के जाणवले. धक्क्यांची माहिती मिळताच महसूल व आपत्ती व्यवस्थापन यंत्रणेकडून संबंधित गावांतील परिस्थितीचा आढावा घेण्यात आला. प्राथमिक माहितीनुसार कोणतीही जीवित किंवा वित्तहानी झालेली नाही.
Raj Thackeray Nashik Daura: ऐंशी लाख नाव वगळण्याचा डाव, SIR मोहिमेवर राज ठाकरे यांना शंका‘एनसीएस’ पथकाकडून अभ्यास
वारंवार जाणवणाऱ्या भूकंपाच्या धक्क्यांच्या पार्श्वभूमीवर दिल्ली येथील नॅशनल सेंटर फॉर सिस्मॉलॉजीचे (एनसीएस) पथक नाशिकमध्ये दाखल झाले आहे. पथकाकडून प्रत्यक्ष प्रभावित भागाची पाहणी करून भूकंपाचा केंद्रबिंदू, तीव्रता, धक्क्यांची वारंवारता; तसेच भूगर्भातील हालचालींचा अभ्यास केला जाणार आहे. प्रशासनाकडूनही संबंधित तालुक्यांतील यंत्रणेला सतर्क राहण्याच्या सूचना देण्यात आल्या आहेत.
Nashik Crime: पार्सलमधून चोरले महागडे मोबाइल; नाशकात संशयित अटकेत, साडेअठरा लाखांचे 13 मोबाइल जप्त
आधुनिक यंत्रणांची गरज
नाशिक जिल्ह्याचा पश्चिम भाग हा डोंगराळ आणि भूगर्भीय हालचालींच्या दृष्टीने संवेदनशील मानला जातो. सुरगाणा, पेठ, कळवण आणि त्र्यंबकेश्वर परिसरात यापूर्वीही अनेकदा सौम्य भूकंपाचे धक्के नोंदविण्यात आले. या भागातील भूकंपीय हालचालींचे सातत्याने निरीक्षण करण्यासाठी आधुनिक यंत्रणांची गरज तज्ज्ञांकडून व्यक्त करण्यात आली आहे. यापूर्वी जिल्ह्यात डिजिटल भूकंप वेधशाळा उभारण्याच्या प्रस्तावावरही चर्चा झाली होती. दरम्यान, नागरिकांनी घाबरून न जाता सतर्क राहावे, तसेच कोणत्याही अफवांवर विश्वास ठेवू नये, असेही आवाहन प्रशासनाकडून करण्यात आले आहे.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा
