Mumbai Father Son Murder : पहाटेच्या सुमारास मोठ्या आवाजात गाणी लावण्यावरुन झालेल्या भांडणातून ही घटना घडली. पिता आणि मोठा मुलगा यांचा उपचारादरम्यान करुण अंत झाला, तर आई आणि धाकटा मुलगा जखमी आहेत.
विक्रोळी पार्कसाईट परिसरात थरारक घटना
गुरुवार ६ ऑगस्ट रोजी पहाटेच्या सुमारास पार्कसाईट पोलीस ठाण्याच्या हद्दीतील विक्रोळी (पश्चिम) येथील राहुल नगरमध्ये प्राणघातक चाकू हल्ला झाला. यामध्ये सुनील विश्वकर्मा (४०) आणि त्यांचा मुलगा श्लोक विश्वकर्मा (१४) हे गंभीर जखमी झाले होते. मात्र राजावाडी रुग्णालयात उपचारादरम्यान त्यांना मृत घोषित करण्यात आले. सुनील यांच्या पत्नी अंजू विश्वकर्मा आणि धाकटा मुलगा विवान विश्वकर्मा हेसुद्धा चाकू हल्ल्यात जखमी झाले असून त्यांच्यावर उपचार सुरु आहेत.
भावांच्या वादाचं गंभीर रुप
प्राथमिक तपासानुसार, एकाच कुटुंबातील तिघा भावांमध्ये वाद होऊन दोघांनी एका भावाच्या अख्ख्या कुटुंबावर धारदार शस्त्राने वार केले. मयत सुनील यांनी पहाटेच्या सुमारास मोठ्या आवाजात गाणी लावली होती. यावर आक्षेप घेतल्यानंतर कुटुंबातील सदस्यांमध्ये सुरुवातीला बाचाबाची झाली.
मात्र शाब्दिक भांडणातून सुरु झालेल्या घटनेने क्षणात गंभीर रुप घेतले. हल्ल्यादरम्यान कुटुंबातील सदस्यांवर मुठीने, लाथांनी आणि चाकूने हल्ला करण्यात आला. सुरेंद्र विश्वकर्मा आणि सुरज विश्वकर्मा या दोघा आरोपींना पार्कसाईट पोलिसांनी ताब्यात घेतले आहे.
खुनामागे अन्य कारण असण्याची शक्यता
घटनास्थळ सुरक्षित करण्यात आले असून न्यायवैद्यक तपासणी सुरु आहे. तर सर्व कायदेशीर प्रक्रिया पार पाडल्या जात आहेत. चालू असलेल्या तपासाचा भाग म्हणून हेतू आणि घटनाक्रम निश्चित केला जात आहे.या हल्ल्यामागे केवळ गाणी लावण्यावरुन झालेला तत्कालीन वाद कारणीभूत नसून आणखी काहीतरी मोठे कारण असण्याची शक्यता पोलिसांनी वर्तवली आहे.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
