Mumbai News: पोलिसांच्या सतर्कतेने वृद्धेचा वाचला जीव; विक्रोळीतील 65 वर्षीय महिलेला जीवन संपवण्यापासून रोखले, काय प्रकरण? – mumbai police saved 65 yrs old woman life who tries to jump from fifth floor

ही घटना रविवारी सकाळी विक्रोळी परिसरात घडली. एका टॉवरच्या पाचव्या मजल्यावरील गॅलरीतून एक ६५ वर्षीय महिला गॅलरीच्या कठड्यावरून बाहेर येण्याचा प्रयत्न करत असल्याचे पवई पोलिस ठाण्याचे सहाय्यक उपनिरीक्षक पानसरे यांच्या निदर्शनास आले. त्या वेळी ते मॉर्निंग वॉकसाठी जात होते. परिस्थितीचे गांभीर्य ओळखून त्यांनी तातडीने पोलिस नियंत्रण कक्षाशी संपर्क साधला. नियंत्रण कक्षातून लगेच विक्रोळी पोलिसांना कळविण्यात आले.

Maharashtra Government: राहुल गांधींचं फडणवीसांना पत्र, आदिवासी मंत्री-आमदारांची तातडीची बैठक; विद्यार्थ्यांच्या मागण्यांबाबत मोठा निर्णयमाहिती मिळताच विक्रोळी पोलिस ठाण्याचे पोलिस निरीक्षक गडदे, अंमलदार सुधाम बिन्नर आणि महाराष्ट्र सुरक्षा बलाचे जवान राठोड यांनी घटनास्थळी धाव घेतली. तोपर्यंत पानसरेही घटनास्थळी थांबून परिस्थितीवर लक्ष ठेवून होते. पोलिसांनी खालीून आवाज देत महिलेला समजावण्याचा प्रयत्न केला; मात्र ती कोणाचेही ऐकण्याच्या मनःस्थितीत नव्हती. काही क्षणांत परिस्थिती हाताबाहेर जाऊ शकते, हे लक्षात येताच पोलिसांनी वेळ न दवडता थेट पाचव्या मजल्यावरील तिचे घर गाठले.

घरातून गॅलरीत पोहोचलेल्या पोलिसांनी अत्यंत सावधगिरीने आणि तत्परतेने महिलेला सुरक्षित आत घेतले. त्या वेळी घरात ती एकटीच होती आणि मानसिक तणावाखाली असल्याचे पोलिसांच्या लक्षात आले. पोलिसांनी तिला धीर दिला, आपुलकीने विचारपूस केली आणि तिचे समुपदेशन केले.

Bhuleshwar Cha Raja : ‘भुलेश्वरचा राजा’ गणेश मंडळावर ‘लालबागचा राजा’चं वडिलकीचं छत्र, नेवशे-जोशी कुटुंबीयांना मदतीचा हात, मंडळाला 11 लाखांचा निधीपोलिसांच्या तत्परतेमुळे आणि अचूक समन्वयामुळे एका महिलेचे प्राण वाचले. या प्रसंगावधानाबद्दल पानसरे, विक्रोळी पोलिसांचे पथक आणि महाराष्ट्र सुरक्षा बलाच्या जवानांचे परिसरात कौतुक होत आहे.