Mumbai Goa Highway Konkan Indapur Mangaon Bypass least likely to complete before Ganeshotsava 2026; कोकणात जाणाऱ्या गणेशभक्तांना दिलासा नाहीच; मुंबई-गोवा हायवेवर माणगाव, इंदापूर बायपास रखडलेलेच, मंत्र्यांकडून झाडाझडती

बायपासचे काम गणेशोत्सवापूर्वी अशक्य

गणेशोत्सवाच्या पार्श्वभूमीवर सार्वजनिक बांधकाममंत्री शिवेंद्रसिंहराजे भोसले यांनी मुंबई-गोवा महामार्गाच्या प्रगतीसंदर्भात नुकतीच आढावा बैठक घेतली. मुंबई-गोवा महामार्गाचे काम वेगाने मार्गी लावण्याचे निर्देश त्यांनी या बैठकीत संबंधित अधिकाऱ्यांना दिले. या बैठकीदरम्यान अधिकाऱ्यांनी माणगाव आणि इंदापूर बाह्यवळण मार्गाचे (बायपास) काम गणेशोत्सवाआधी पूर्ण होणे शक्य नसल्याचे स्पष्ट केले.

संगमेश्वरच्या हायवेचं काम जोरदार

संगमेश्वर येथे महामार्गाचे काम प्रगतिपथावर असून, ते गणेशोत्सवाआधी पूर्ण होणार आहे. पावसामुळे कामात अडथळा येत असला तरी ते पूर्ण करण्यासाठी सर्व प्रयत्न करण्यात येत असल्याचे सांगण्यात आले. त्याचप्रमाणे खेड येथे खचलेल्या भागाचीही दुरुस्ती करण्यात येत आहे. याशिवाय भोस्ते घाटाचे कामही वेगाने मार्गी लावले जात आहे.

Faridabad Teacher Murder : माजी विद्यार्थ्याची घाणेरडी मागणी, सरस्वती स्कूलच्या शिक्षिकेचा नकार, टीचरच्या खुनामागील रहस्याचा उलगडा; दोन मुलांच्या डोळ्यांना आईचा शोध

खड्डे बुजवण्याचे मंत्र्यांचे आदेश

महामार्गावर ज्या ज्या ठिकाणी खड्डे पडले आहेत ते खड्डे गणपतीपूर्वी बुजवून गणेशभक्तांचा मार्ग सुकर करण्याचे आदेश सार्वजनिक बांधकाममंत्र्यांनी दिले आहेत. माणगाव आणि इंदापूरमधील बाह्यवळणाचे काम सुरू असले तरी माणगावमधील रेल्वेपूल आणि नदीपुलाचे काम पूर्ण होण्यास डिसेंबर उजाडणार आहे. मात्र, इंदापूर बाह्यवळण मार्गावरील एकमार्गी वाहतूक सुरू करण्याचे प्रयत्न असून, तसे झाल्यास निदान इंदापूरमधील वाहतूक कोंडी काही प्रमाणात टळणार आहे.

जाळीचा देव रस्त्याला मंजुरी द्या

दुसरीकडे, छत्रपती संभाजीनगर येथील जाळीचा देव-सावळदबारा रस्त्याला वनविभागातून परवानगी द्यावी, अशी मागणी राज्याचे वनमंत्री गणेश नाईक यांच्याकडे भाजप अल्पसंख्याक आघाडीचे प्रदेशाध्यक्ष इद्रीस मुलतानी यांनी केली आहे. नुकतीच मुलतानी यांनी वनमंत्र्यांची भेट घेऊन ही मागणी केली.

सिल्लोड- सोयगाव तालुक्यातील अनेक वर्षांपासून प्रलंबित असलेल्या जाळीच्या देव- सावळदबारा या महत्त्वाच्या रस्त्याच्या वन विभागाच्या परवानगीचा प्रश्न मार्गी लावण्यासाठी मुलतानी यांनी वनमंत्र्यांची भेट घेतली. हा रस्ता वन विभागाच्या हद्दीतून जात असून, आवश्यक परवानगीअभावी अनेक वर्षांपासून रखडला होता. परिसरातील नागरिकांच्या दळणवळणासाठी हा रस्ता अत्यंत महत्त्वाचा असल्याचे निवेदनातून निदर्शनास आणून देण्यात आले.

Satish Naikodi : वय वर्ष 50, काय उरलं आयुष्यात, परत कसं उभं राहायचं? क्राईम पेट्रोल फेम मराठी अभिनेत्याची फसवणूक, व्हिडिओत उद्विग्न सवालया मागणीची गांभीर्याने दखल घेऊन वनमंत्री गणेश नाईक यांनी तत्काळ सकारात्मक प्रतिसाद देऊन संबंधित प्रादेशिक वन अधिकाऱ्यांशी दूरध्वनीवरून चर्चा केली; तसेच जिल्हा मुख्य वनसंरक्षक यांना प्रस्तावाला गती देऊन आवश्यक कार्यवाही तातडीने पूर्ण करण्याचे निर्देश दिले, असल्याची माहिती देण्यात आली आहे. या सोबतच पोखरा योजनेतील रखडलेले अनुदान तात्काळ वितरण करण्याची मागणीदेखील करण्यात आली आहे. या मागणीलादेखील मीनल करणवाल यांनी सकारात्मक दखल घेतली आहे. या वेळी भाजप जिल्हा सचिव सुनील गावंडे, ईश्वर क्षीरसागर, संभाजी पवार उपस्थित होते.