Dolphin Emotional Video: एका डॉल्फिन आईने मृत पिल्लाला तब्बल सहा दिवस पाठीवर वाहून नेल्याचा व्हिडीओ व्हायरल झाला आहे. हा व्हिडीओ पाहून तुमच्याही डोळ्यांत अश्रू येतील.
एका डॉल्फिननं आपलं पिल्लू गमावलं. पण पिल्लू मृत झाल्यानंतरही त्या आईनं आपल्या बाळाला सोडलं नाही. तब्बल सहा दिवस ती डॉल्फिन आपल्या पिल्लाला पाठीवर घेऊन समुद्रात फिरत होती. आपलं बाळ पुन्हा जिवंत होईल, अशी वेडी आशा त्या आईला होती. या हृदयद्रावक घटनेचा व्हिडीओ पाहून तुमच्याही डोळ्यांत पाणी आल्याशिवाय राहणार नाही.
वेड्या आईची वेडी माया
हा व्हिडीओ @RajatJain या एक्स अकाउंटवर शेअर करण्यात आला आहे. भारतीय महासागरात घडलेल्या या घटनेत फ्रॅगल नावाच्या बॉटलनोज डॉल्फिनने मृत पिल्लाला सहा दिवस आपल्या शरीरावर वाहून नेले. हे दृश्य जिओग्राफ मरीन रिसर्च संस्थेने ड्रोनद्वारे टिपले. लक्षवेधी बाब म्हणजे, या डॉल्फिन आईने याआधी चार पिल्ले गमावली होती. त्यामुळे हा पाचवा शोक तिच्यासाठी असह्य ठरला. मात्र, तिच्या समूहातील डॉल्फिन्सनी तिला एकटी सोडले नाही. ते सतत तिच्यासोबत राहून तिला आधार देत होते. हा व्हिडीओ सध्या जगभरात चर्चेचा विषय ठरला आहे.
काय म्हणाले नेटकरी?
हा व्हिडीओ पाहून जगभरातील नेटकरी भावुक झाले आहेत. कोणी म्हणतंय, “प्राण्यांनाही भावना असतात आणि त्यांनाही मृत्यूची जाणीव होते, याची ही आठवण करून देणारी घटना आहे,” तर कोणाच्या मते, “दुःख ही केवळ माणसांची भावना नाही, तर प्राणीही दुःखी होतात, ही गोष्ट या घटनेमुळे पुन्हा समोर आली आहे.” असो, हा व्हिडीओ पाहून तुमच्या डोक्यात कुठले विचार आले? तुम्ही देखील आपल्या प्रतिक्रिया द्या.
(महत्वाची टीप – या बातमीमध्ये नमूद करण्यात आलेली माहिती ही पूर्णपणे सोशल मीडियावरील पोस्टवर आधारित आहे. त्यामध्ये करण्यात आलेल्या दाव्यांची सत्यता maharashtratimes.com ने स्वतंत्रपणे पडताळून पाहिलेली नाही.)
लेखकाबद्दलमंदार गुरवमंदार गुरव हे गेल्या १० वर्षांपासून डिजिटल पत्रकारीता या क्षेत्रात काम करत आहेत. ते महाराष्ट्र टाइम्समध्ये गेल्या ५ वर्षांपासून व्हायरल सेक्शनमध्ये कार्यरत आहेत. सोशल मीडियावर व्हायरल होणारे व्हिडीओ, मीम्स आणि चर्चेत असलेल्या घडामोडी वेळेवर आणि जबाबदारीनं वाचकांपर्यंत पोहोचवणं, हे त्यांचं मुख्य काम आहे. सोबतच खेळ आणि गुन्हेगारी विश्वातील व्हायरल गोष्टींवरही ते सातत्यानं काम करतात. डिजिटल माध्यमं ही अत्यंत वेगानं माहिती देण्यासाठी ओळखली जातात. पण या वेगातही माहिती खरी आहे का? याची खात्री करून घेत आणि पत्रकारितेचा विश्वास जपत, मंदार आपलं काम चोख बजावत आहेत.
डिजिटल पत्रकारितेच्या या प्रवासात मंदार गुरव यांनी आतापर्यंत १० हजारांहून अधिक लेख लिहिले आहेत. वाचकांना जलद, स्पष्ट आणि विश्वासार्ह माहिती मिळावी, यासाठी ते नेहमी प्रयत्न करतात. व्हायरल न्यूज, क्रीडा बातम्या, मनोरंजन क्षेत्रातील घडामोडी तसंच संशोधनावर आधारित विशेष लेख लिहिताना विषय साध्या आणि अत्यंत सोप्या भाषेत मांडणं हे त्यांच्या लिखाणाचं वैशिष्ट्य आहे.
महाराष्ट्र टाईम्स पूर्वी मंदार गुरव यांनी लोकसत्ता ऑनलाईनमध्ये ५ वर्षे मनोरंजन आणि स्पोर्ट्स विभागासाठी लेखन केलं आहे. याच काळात लोकसत्ता वर्तमानपत्रामध्ये हॉलिवूडच्या टेकडीवरून हा कॉलम सुद्धा त्यांनी ३ वर्षे सातत्याने लिहिला. या कॉलममधून हॉलिवूडमधील घडामोडी, आंतरराष्ट्रीय मनोरंजन बातम्या, चित्रपटांचे रिव्ह्यू तसेच सायन्स फिक्शन चित्रपटांमधील रंजक आणि मजेशीर माहिती त्यांनी वाचकांसमोर मांडली. तसंच लोकसत्ता डिजिटल अड्डामध्ये अनेक मराठी आणि हिंदी कलाकारांच्या मुलाखतींमध्ये सहभागी होत, मनोरंजन क्षेत्राचा अनुभव अधिक वाढवला.
क्रीडा पत्रकारितेच्या क्षेत्रातही मंदार यांचा अनुभव खुप चांगला आहे. त्यांनी क्रिकेट वर्ल्ड कप, IPL आणि २०२० टोकियो ऑलिम्पिक यांसारख्या लोकप्रिय स्पर्धांचे कव्हरेज केले आहे. खेळाडूंची कामगिरी, संघांची तयारी आणि स्पर्धांमागील महत्त्वाच्या घडामोडी वाचकांना सोप्या भाषेत समजावून सांगणे, हे त्यांच्या लेखनाचं वैशिष्ट्य आहे.
राजकीय घडामोडींच्या कव्हरेजमध्येही मंदार गुरव यांनी मुंबई महानगरपालिका निवडणूक २०१७, लोकसभा निवडणूक २०१९ आणि महाराष्ट्र विधानसभा निवडणूक २०१९ यांचे सविस्तर वृत्तांकन केले आहे. निवडणुकांशी संबंधित बातम्या, महत्त्वाचे मुद्दे आणि निकाल समतोल आणि तथ्यांच्या आधारावर मांडण्याचा अनुभव त्यांना आहे.
शिक्षणाच्या बाबतीत सांगायचं झालं तर मंदार गुरव यांनी साठ्ये कॉलेज, मुंबई विद्यापीठ येथून बॅचलर इन मास मीडिया ही पदवी घेतली आहे. शिक्षणातून मिळालेलं ज्ञान आणि प्रत्यक्ष कामाचा अनुभव एकत्र वापरून, वाचकांना उपयुक्त आणि दर्जेदार माहिती देणं, हा मंदार गुरव यांचा मुख्य हेतू आहे.… आणखी वाचा
